తెలుగువాడైన విశాల్.. తమిళంలో హీరోగా చిన్న సినిమాతో పరిచయమై.. ఆ తర్వాత అంచెలంచెలుగా ఎదిగి స్టార్ హీరో అయ్యాడు. గతంలో విశాల్ చాలా వరకు మాస్ మసాలా సినిమాలే చేసేవాడు. కానీ తర్వాత రూటు మార్చాడు. కమర్షియల్ అంశాలకు లోటు లేకుండానే వైవిధ్యమైన థ్రిల్లర్ల బాట పట్టాడు. వాటికి మంచి ఫలితం వచ్చింది. తాజాగా అతను ‘ఇరుంబుతురై’ అనే సినిమాతో ప్రేక్షకుల ముందుకొచ్చాడు. ఈ చిత్రం తమిళ బాక్సాఫీస్ ను షేక్ చేస్తోంది. సమ్మె కారణంగా నెలన్నర పాటు సినిమాల్లేక.. అది ముగిశాక కూడా సరైన సినిమాలు పడక అల్లాడిపోతున్న తమిళ ప్రేక్షకులకు ‘ఇరుంబుతురై’ మంచి ఛాయిస్ అయింది. ఈ సినిమాకు భారీ వసూళ్లు వచ్చాయి. రెండో వారాంతంలో సైతం ఈ చిత్రం హౌస్ ఫుల్ కలెక్షన్లతో రన్ అయింది.
ఈ ఊపులో తన తర్వాతి సినిమాలపై దృష్టిపెట్టాడు విశాల్. అతను నటిస్తున్న కొత్త సినిమా ‘సెండైకోళి-2’ (పందెం కోడి సీక్వెల్) దాదాపుగా పూర్తి కావచ్చింది. ఇప్పటికే థియేట్రికల్ ట్రైలర్ కూడా లాంచ్ చేశారు. అది చూస్తే ఈ చిత్రం కూడా హిట్టయ్యేలాగే కనిపించింది. మరోవైపు విశాల్ కొత్త సినిమాకు రంగం సిద్ధమవుతుంది. అది తెలుగు హిట్ మూవీ ‘టెంపర్’కు రీమేక్ కావడం విశేషం. ఈ రీమేక్ గురించి రెండేళ్లుగా డిస్కషన్లు నడుస్తున్నాయి. ఆల్రెడీ హిందీలో రీమేక్ సెట్స్ మీదికి కూడా వెళ్లిపోయింది. తమిళంలో తన సొంత బేనర్ మీద విశాల్ ఈ చిత్రాన్ని ప్రొడ్యూస్ చేయబోతున్నాడు. ఇప్పటికే చాలాసార్లు పవర్ ఫుల్ పోలీస్ క్యారెక్టర్లతో మెప్పించాడు విశాల్. ‘టెంపర్’ అతడికి పర్ఫెక్టుగా సూటవుతుందన్న అంచనాలున్నాయి. బలమైన కంటెంట్ ఉన్న సినిమా.. ఏ భాష ప్రేక్షకులకైనా కనెక్టయ్యే కథ కావడంతో విశాల్ ఖాతాలో మరో హిట్ పడ్డట్లే అని ఇప్పటికే ఒక అభిప్రాయానికి వచ్చేస్తున్నారు అక్కడి జనాలు. మొత్తానికి కోలీవుడ్లో ఇప్పుడు విశాల్ కెరీర్ మామూలు ఊపులో లేదనే చెప్పాలి.
ఈ ఊపులో తన తర్వాతి సినిమాలపై దృష్టిపెట్టాడు విశాల్. అతను నటిస్తున్న కొత్త సినిమా ‘సెండైకోళి-2’ (పందెం కోడి సీక్వెల్) దాదాపుగా పూర్తి కావచ్చింది. ఇప్పటికే థియేట్రికల్ ట్రైలర్ కూడా లాంచ్ చేశారు. అది చూస్తే ఈ చిత్రం కూడా హిట్టయ్యేలాగే కనిపించింది. మరోవైపు విశాల్ కొత్త సినిమాకు రంగం సిద్ధమవుతుంది. అది తెలుగు హిట్ మూవీ ‘టెంపర్’కు రీమేక్ కావడం విశేషం. ఈ రీమేక్ గురించి రెండేళ్లుగా డిస్కషన్లు నడుస్తున్నాయి. ఆల్రెడీ హిందీలో రీమేక్ సెట్స్ మీదికి కూడా వెళ్లిపోయింది. తమిళంలో తన సొంత బేనర్ మీద విశాల్ ఈ చిత్రాన్ని ప్రొడ్యూస్ చేయబోతున్నాడు. ఇప్పటికే చాలాసార్లు పవర్ ఫుల్ పోలీస్ క్యారెక్టర్లతో మెప్పించాడు విశాల్. ‘టెంపర్’ అతడికి పర్ఫెక్టుగా సూటవుతుందన్న అంచనాలున్నాయి. బలమైన కంటెంట్ ఉన్న సినిమా.. ఏ భాష ప్రేక్షకులకైనా కనెక్టయ్యే కథ కావడంతో విశాల్ ఖాతాలో మరో హిట్ పడ్డట్లే అని ఇప్పటికే ఒక అభిప్రాయానికి వచ్చేస్తున్నారు అక్కడి జనాలు. మొత్తానికి కోలీవుడ్లో ఇప్పుడు విశాల్ కెరీర్ మామూలు ఊపులో లేదనే చెప్పాలి.