పండగ తర్వాత నా సామి రంగ ఆమె బిజీ బిజీ...!

సంక్రాంతి సందర్భంగా విడుదల అవ్వబోతున్న నాలుగు సినిమాల్లో నాగార్జున నా సామి రంగ ఒకటి. ఈ సినిమాకు సంబంధించిన ప్రమోషన్ కార్యక్రమాలు జోరుగా సాగుతున్నాయి. ఇప్పటికే నా సామి రంగ సినిమా పక్కా సంక్రాంతి మార్క్ పండుగ సినిమా అనిపించేలా ప్రమోషన్స్ చేస్తున్నారు.

ఇక ఈ సినిమాలో హీరోయిన్ గా నటించిన ఆషికా రంగనాథ్ గురించి సోషల్ మీడియా లో ఆసక్తికర చర్చ జరుగుతోంది. ఈ కన్నడ బ్యూటీ ని ఎక్కడ పట్టుకున్నారో కానీ భలే ఉంది అంటూ ఇప్పటికే ప్రేక్షకులు ఆమెకు పాస్ మార్కులు వేశారు. సినిమాలో ఆమె పాత్ర అత్యంత కీలకం గా ఉండబోతుందని ట్రైలర్ లో చెప్పకనే చెప్పారు.

తాజాగా దర్శకుడు విజయ్ బిన్నీ మాట్లాడుతూ ఈ సినిమాలో హీరోయిన్ పాత్రకు చాలా ప్రాముఖ్యత ఉంది. అందుకే నాగ్ కి జోడీగా నటింపజేసేందుకు చాలా మంది హీరోయిన్స్ ను పరిశీలించాం. చివరకు ఆ పాత్రకు ఆషికా రంగనాథ్‌ అయితే బాగుంటుంది అంటూ నిర్ణయించుకున్నాం.

నా సామి రంగ సినిమా విడుదల తర్వాత కచ్చితంగా టాలీవుడ్ లో ఆషికా పేరు మారు మ్రోగడం ఖాయం అని ఆయన నమ్మకం వ్యక్తం చేశాడు. మీడియా వర్గాల వారు కూడా ఆషియా విషయంలో ప్రత్యేకంగా శ్రద్ధ కనబరుస్తూ ఉన్నారు. ఇప్పటికే ఆమెను పలువురు నిర్మాతలు సంప్రదింపులు మొదలు పెట్టినట్లుగా తెలుస్తోంది.

ఆషికా మొదటి తెలుగు సినిమా నా సామి రంగ పాజిటివ్ టాక్ ను దక్కించుకుంటే టాలీవుడ్‌ లో మోస్ట్‌ బిజీ హీరోయిన్ గా మారే అవకాశాలు ఉన్నాయి. వచ్చే ఏడాదికి ఆషికా మోస్ట్‌ బిజీ హీరోయిన్ అవ్వడం ఖాయం అంటూ సినీ వర్గాల వారు కూడా నమ్మకంగా ఉన్నారు. మరి ఆషికా మొదటి విజయాన్ని నా సామి రంగ తో దక్కించుకుంటుందా అనేది చూడాలి.