బిగ్ బాస్ 8 : నామినేషన్స్ షురూ.. గౌతం తో నబీల్ డీ.. పృధ్వికి అవినాష్ ఛాలెంజ్..!

బిగ్ బాస్ సీజన్ 8 లో మండే వచ్చింది అంటే నామినేషన్స్ షురూ అయినట్టే.. లాస్ట్ వీక్ ఈ సీజన్ లో ఎలిమినేట్ అయిన వారు వచ్చి నామినేషన్స్ వేయగా ఆదివారం యష్మి బిగ్ బాస్ హౌస్ నుంచి ఎలిమినేట్ అయ్యింది. ఇక మండే నామినేషన్స్ ఎలా జరగబోతున్నాయని ఆడియన్స్ లో ఆసక్తి మొదలైంది. ఐతే దీనికి సంబందించిన ప్రోమో రిలీజైంది. హౌస్ లో ఉండటానికి అర్హత లేని వారిని తగిన కారణాలు చెప్పి నామినేట్ చేస్తే వారి మీద రంగు వేస్తారు.

ఇక రిలీజైన ప్రోమో చూస్తే నబీల్ వర్సెస్ గౌతం మాటల యుద్ధం జరిగింది. గౌతం ఓజీ క్లాన్ మీద చేసిన ఆరోపణల గురించి ప్రస్తావిస్తూ నబీల్ గౌతం ని నామినేట్ చేయగా ఇద్దరి మధ్య వాదన బాగానే జరింది. ఇక మరోపక్క అవినాష్ ని నామినేట్ చేస్తూ పృధ్వి కేవలం హౌస్ లో ఎంటర్టైన్మెంట్ మాత్రమే చేస్తున్నారు ఆట ఆడట్లేదని అన్నాడు. దానికి అవినాష్ సమాధానంగా అందుకే రెండు సార్లు మెగా చీఫ్ అయ్యానా అంటూ సమాధానం ఇచ్చాడు.

హౌస్ లో ఎంటర్టైన్మెంట్ ఒక్కటే సరిపోదని అనగా దానికి అవినాష్ తొడ కొట్టి తాను టాస్కులు కూడా ఆడుతున్నా అని అన్నాడు. ఇక తెలుస్తున్న లీకుల ప్రకారం ఈ వారం నబీల్, రోహిణి తప్ప మిగతా హౌస్ మేట్స్ నిఖి, ప్రేరణ, పృధ్వి, విష్ణు ప్రియ, తేజ, అవినాష్ నామినేషన్స్ లో ఉన్నట్టు తెలుస్తుంది. మరి ఈ వారం ఎవరు హౌస్ నుంచి ఎలిమినేట్ అవుతారన్నది చూడాలి.

ఈ వారం హౌస్ నుంచి డబుల్ ఎలిమినేషన్ ఉంటుంది అనే టాక్ నడుస్తుంది. ఒకవేళ అదే జరిగితే మాత్రం ఆడియన్స్ కు కావాల్సినంత ఎంటర్టైన్మెంట్ దొరికినట్టే అని చెప్పొచ్చు. బిగ్ బాస్ సీజన్ 8 లో ఈ వారం మరోసారి నబీల్ తో గౌతం టార్గెట్ చేయబడ్డాడు. బయట ఆల్రెడీ గౌతం కు గ్రాఫ్ రోజు రోజుకి పెరుగుతూ వస్తుంది. ఈ నామినేషన్స్ వల్ల అతనికి మరింత ప్లస్ అయ్యే ఛాన్స్ ఉంది.

బిగ్ బాస్ సీజన్ 8 లో ప్రస్తుతం ఉన్న కంటెస్టెంట్స్ లో ఎవరు టాప్ 5 కి వెళ్తారు. టికెట్ టు ఫినాలే ఎవరు గెలుస్తారు. రాబోయే 3 వారాలు ఏం జరుగుతుంది అన్నది చూడాలి.