యాక్షన్ మాత్రమే కాదు.. బుచ్చి బ్యాలెన్స్ చేసే ప్లాన్..!

ఉప్పెనతో తొలి సినిమానే బ్లాక్ బస్టర్ హిట్ అందుకున్న దర్శకుడు బుచ్చి బాబు తన రెండో సినిమాను గ్లోబల్ స్టార్ రామ్ చరణ్ తో చేస్తున్న విషయం తెలిసిందే. గేమ్ ఛేంజర్ తర్వాత చరణ్ చేస్తున్న ఈ సినిమాపై భారీ అంచనాలు ఉన్నాయి. ఈ సినిమాలో జాన్వి కపూర్ హీరోయిన్ గా సెలెక్ట్ అయ్యింది. స్పోర్ట్స్ బ్యాక్ డ్రాప్ లో తెరకెక్కుతున్న ఈ సినిమా షూటింగ్ ప్రస్తుతం మైసూర్ లో జరుగుతుంది. సినిమాకు సంబంధించిన కొన్ని ఇంపార్టెంట్ సీన్స్ షూట్ చేస్తున్నారు.

ఐతే ఈ సినిమా విషయంలో అన్నిటినీ బ్యాలెన్స్ చేసేలా యాక్షన్ తో పాటు కామెడీ కూడా ఉండాలని చూస్తున్నాడు బుచ్చి బాబు. అందుకే ఈ సినిమాలో ప్రస్తుతం సూపర్ ఫాం లో ఉన్న స్టార్ కమెడియన్ సత్యని తీసుకున్నారు. యువ హీరోల సినిమాల్లో తన కామెడీతో సినిమాకు సక్సెస్ అందిస్తున్న సత్య ఆర్సీ 16 సినిమాలో ఛాన్స్ దక్కించుకోవడం లక్కీ అని చెప్పొచ్చు. ఉప్పెన సినిమాలో బుచ్చి బాబు కేవలం కథ పరంగా స్క్రీన్ ప్లే రాసుకుంటూ వెళ్లాడు.

చరణ్ సినిమా అన్ని వర్గాల ప్రేక్షకులను అలరించాల్సి ఉంటుంది. అందుకే సినిమాలో యాక్షన్ తో పాటు ఎంటర్టైనింగ్ కోసం సత్యని తీసుకున్నట్టు తెలుస్తుంది. బుచ్చి బాబు ఈ సినిమాను అనుకున్న టైం లో పూర్తి చేసేలా ప్లాన్ చేస్తున్నారు. అందుకే పర్ఫెక్ట్ షెడ్యూల్ వేసుకుని వెళ్తున్నాడు. గేమ్ ఛేంజర్ రిలీజ్ హంగామా కోసం చరణ్ కొద్దిరోజులు ఆ సినిమాకు కేటాయిస్తాడు.

ఆఫ్టర్ గేమ్ ఛేంజర్ రిలీజ్ చరణ్ కూడా పూర్తిస్థాయిలో ఈ సినిమాకు టైం ఇవ్వనున్నాడు. ఈ సినిమా కోసం రాం చరణ్ మేకోవర్ సూపర్ గా ఉంటుందని అంటున్నారు. గ్లోబల్ లెవెల్ ఆడియన్స్ ని టార్గెట్ చేస్తూ తెరకెక్కిస్తున్న ఈ సినిమా ప్లానింగ్ మాత్రం ఒక రేంజ్ లో ఉంది. మరి మెగా ఫ్యాన్స్ కోరుకునే మాస్ ట్రీట్ అందించేలా ఆర్సీ 16 వస్తుందా లేదా అన్నది చూడాలి. ఈ సినిమాను మైత్రి మూవీ మేకర్స్ ఎక్కడ కాంప్రమైజ్ కాకుండా తెరకెక్కించే ప్లానింగ్ లో ఉన్నారు. ఏ.ఆర్ రహమాన్ మ్యూజిక్ అందిస్తున్న ఈ సినిమా 2026 లో రిలీజ్ ఉంటుందని టాక్. చరణ్ ఈ సినిమా తర్వాత సుకుమార్ డైరెక్షన్ లో సినిమా లాక్ చేసుకున్నాడు. గురు శిష్యులతో వరుస సినిమాలు చేస్తూ మెగా మేనియా చూపించాలని ఫిక్స్ అయ్యాడు చరణ్.