బుజ్జి తల్లి బూస్టింగ్.. ట్రెండింగ్ లో తండేల్..!

నాగ చైతన్య, సాయి పల్లవి జంటగా నటిస్తున్న తండేల్ సినిమా నుంచి బుజ్జి తల్లి సాంగ్ రిలీజైంది. చందు మొండేటి డైరెక్షన్ లో తెరకెక్కుతున్న ఈ సినిమాకు దేవి శ్రీ ప్రసాద్ మ్యూజిక్ అందిస్తున్నారు. కార్తికేయ 2 తర్వాత చందు మొండేటి చేస్తున్న ఈ తండేల్ సినిమాపై భారీ క్రేజ్ ఏర్పడింది. నాగ చైతన్య సాయి పల్లవి ఆల్రెడీ లవ్ స్టోరీతో సూపర్ హిట్ అందుకున్నారు. ఈ సినిమాలో వాళ్లిద్దరి కాంబో మరో బ్లాక్ బస్టర్ సినిమా అవుతుందని అంచనా వేస్తున్నారు.

ఐతే సినిమా నుంచి వచ్చిన ఫస్ట్ సాంగ్ ఆ ఎక్స్ పెక్టేషన్స్ ను డబుల్ చేసింది. బుజ్జి తల్లి అంటూ శ్రీమణి లిరిక్స్ కు దేవి హృదయాన్ని మెలిపెట్టే సంగీతం ఇన్ స్టంట్ గా యూత్ ఆడియన్స్ కు ఎక్కేసింది. ఈ సాంగ్ రిలీజైన దగ్గర నుంచి ట్రెండింగ్ లో ఉంటుంది. సినిమా కథ కథనాలే కాదు సాంగ్స్ కూడా భారీ ఇంపాక్ట్ కలిగేలా చేస్తాయి. ఈ క్రమంలో బుజ్జి తల్లి సాంగ్ తండేల్ కి మంచి బూస్టింగ్ అని చెప్పొచ్చు.

తండేల్ సినిమా అంతా కూడా శ్రీకాకుళం బ్యాక్ డ్రాప్ లోనే నడుస్తుంది. సినిమా కోసం నాగ చైతన్య తన లుక్ ని మార్చేశాడు. నాగ చైతన్య కెరీర్ లోనే హైయెస్ట్ బడ్జెట్ తో తండేల్ ని తెరకెక్కిస్తున్నారు. సినిమా వస్తున్న అవుట్ పుట్ కూడా మేకర్స్ ని సంతోషపెడుతుందని తెలుస్తుంది. నాగ చైతన్య కెరీర్ బెస్ట్ సినిమాగా ఇది అవ్వడం కోసం తను చాలా కష్టపడుతున్నాడు.

సాయి పల్లవి కూడా సినిమాకు మరో హైలెట్ అవుతుందని అంటున్నారు. మరి బుజ్జి తల్లితో మొదలైన తండేల్ మ్యూజికల్ జర్నీ సినిమాకు ఏమేరకు హెల్ప్ చేస్తుంది అన్నది చూడాలి. తప్పకుండా దేవి శ్రీ ప్రసాద్ ఈ సినిమాకు సాంగ్స్, బిజిఎం తోనే నెక్స్ట్ లెవెల్ అనిపించేలా చేస్తాడని చెప్పొచ్చు. బుజ్జి తల్లి సాంగ్ ట్రెండింగ్ లో ఉండటంతో అక్కినేని ఫ్యాన్స్ అంతా కూడా సూపర్ హ్యాపీగా ఉన్నారు. తండేల్ సినిమాను అసలైతే ఈ ఇయర్ డిసెంబర్ ఎండింగ్ కి రిలీజ్ చేయాలని అనుకున్నా నెక్స్ట్ ఇయర్ ఫిబ్రవరికి రిలీజ్ వాయిదా వేశారు. సినిమా విషయంలో దర్శక నిర్మాతలంతా కూడా చాలా కాన్ఫిడెంట్ గా ఉన్నారు. మరి ఈ తండేల్ ఎఫెక్ట్ బాక్సాఫీస్ పై ఏమేరకు ఉంటుందో సినిమా వచ్చాక తెలుస్తుంది.