'క' మేక‌ర్ల‌తో నాగ‌చైత‌న్య డిస్క‌ష‌న్!
క‌ర్మ బేస్డ్ కాన్సెప్ట్ ని ఎంతో ఇంట్రెస్టింగ్ గా వెండి తెర‌పై ఆవిష్క‌రించారు.
ఇటీవల రిలీజ్ అయిన 'క' అనే థ్రిల్ల‌ర్ సినిమాతో? సుజిత్-సందీప్ ద్వ‌యం ఎంత ఫేమ‌స్ అయ్యారో తెలిసిందే. తొలి సినిమానే ఎంతో అనుభ‌వం గ‌ల ద‌ర్శకుల్లా తెర‌కెక్కించి షెభాష్ అనిపించారు. తామే క‌థ రాసుకుని అద్భుత‌మై న మేకింగ్ తో విమ‌ర్శ‌కుల ప్ర‌శంస‌లందుకున్నారు. పిట్ట చిన్న‌దైనా కూత ఘ‌నం అన‌డానికి ఈ ద్వ‌యం మ‌రో ఎగ్జాంపుల్ గా నిలిచారు. క‌ర్మ బేస్డ్ కాన్సెప్ట్ ని ఎంతో ఇంట్రెస్టింగ్ గా వెండి తెర‌పై ఆవిష్క‌రించారు.
ప్లాప్ ల్లో ఉన్న కిర‌ణ్ అబ్బ‌వ‌రాన్ని ఒక్క హిట్ తో అలా పైకి తెచ్చి నిల‌బెట్టారు. ఈ సినిమా 50 కోట్ల‌కు పైగా వ‌సూళ్ల‌ను సాధించిన సంగ‌తి తెలిసిందే. ఇదే క‌థ‌లో ఏ నాగ‌చైత‌న్య, నాని లాంటి హీరోలు న‌టిస్తే? 100 కోట్ల‌కు పైగా వ‌సూళ్లు వ‌చ్చేవి అన్న‌ది ఓ అంచ‌నా. ఈ నేప‌థ్యంలో తాజాగా యువ సామ్రాట్ అక్కినేని నాగ‌చైత‌న్య అందుకే ఆ యంగ్ మేక‌ర్ల‌ని రంగంలోకి దించే ప్ర‌య‌త్నాలు మొద‌లు పెట్టిన‌ట్లు వినిపిస్తుంది.
ఇటీవ‌లే సందీప్-సుజిత్ ల‌ను పిలిపించుకుని ఏవైనా క‌థ ఉంటే చెప్ప‌మ‌ని అడిగారుట. దానికి వాళ్లు త‌మ దగ్గర ఉన్న ఓ క‌థ వినిపించారుట. అయితే నాగ చైత‌న్య ఎస్ చెప్పాడా? నో చెప్పాడా? అన్న‌ది తెలియ‌దుగానీ ఆ ముగ్గురి మ‌ధ్య డిస్క‌ష‌న్ జ‌రిగిన‌ట్లు లీకులందుతున్నాయి. తొలి సినిమానే ఇన్నో వేటివ్ గా తీసారు. ఇండస్ట్రీలో మంచి భ‌విష్య‌త్ ఉండాల‌నే ఇద్ద‌రు డిఫ‌రెంట్ కంటెంట్ తో దిగుతున్న‌ట్లు ప్ర‌చారం సందర్భంలో చెప్పారు.
దీన్ని బ‌ట్టి వాళ్ల దగ్గర స్టోరీ బ్యాంక్ ఉన్న‌ట్లే తెలుస్తోంది. మ‌చ్చుకు చైత‌న్య‌కి ఓ స్టోరీ చెప్పి ఉండొచ్చు. అది కాక‌పోతే చైత‌న్య మెచ్చే వ‌ర‌కూ క‌థ‌లు చెబుతూనే ఉంటారు. ఇక `క` సినిమా ప్ర‌మోష‌న్ కు నాగ‌చైత‌న్య కూడా స‌హ‌క‌రించిన సంగ‌తి తెలిసిందే. కిర‌ణ్ అబ్బ‌వరం పిలుపు మేర‌కు ప్ర‌చార ప‌రంగా తాను చేయాల్సిందంతా చేసాడు. అలా `క` టీమ్ తో మంచి రిలేష‌న్ షిప్ చైత‌న్య‌కి ఉంది.