నాగచైతన్య మిస్టిక్ థ్రిల్లర్.. పర్ఫెక్ట్ కాంబినేషన్

టాలీవుడ్ యువహీరో నాగచైతన్య ప్రస్తుతం తండేల్ సినిమాకు ఫీనిషింగ్ టచ్ ఇస్తున్న విషయం తెలిసిందే. నిజజీవితంలోని సంఘటనల ఆధారంగా తెరకెక్కుతున్న ఈ సినిమాపై అంచనాలు గట్టిగానే ఉన్నాయి. ఇక సినిమాను ఫిబ్రవరి 7న విడుదల చేయబోతున్నారు. ఇక ఆ తరువాత మరో కొత్త తరహా కాంబినేషన్ తో రానున్నాడు. "మిస్టిక్ థ్రిల్లర్"గా కథా నేపథ్యం ఉంటుందని ఇటీవల కొత్త సినిమాకు సంబంధించిన అప్డేట్ ఇచ్చిన విషయం తెలిసిందే.

"విరూపాక్ష" సినిమాతో బిగ్ సక్సెస్ అందుకున్న కార్తిక్ వర్మ దండు దర్శకత్వం వహిస్తున్న ఈ కాంబో భారీ అంచనాలను రేకెత్తిస్తోంది. ఇక సినిమాలో నాగచైతన్యకు జోడీగా అందాల నటి మీనాక్షి చౌదరి నటిస్తున్నారు. ఈ కాంబినేషన్ కొత్తగా ఉండడంతో ప్రేక్షకుల్లో మంచి ఆసక్తి నెలకొంది. మీనాక్షి ఇప్పటికే లక్కీ భాస్కర్ - మట్కా అంటూ బ్యాక్ టూ బ్యాక్ సినిమాలతో హైలెట్ అయ్యింది.

ఇక నెక్స్ట్ "మెకానిక్ రాకీ" సినిమాతో రాబోతోంది. ఇండస్ట్రీలో డిఫరెంట్ కంటెంట్ సినిమాలతో బిజీగా ఉంటూ తనకంటూ ప్రత్యేక గుర్తింపు పొందుతోంది. అందుకే ఈ చిత్రంలో ఆమె పాత్రపై కూడా మంచి అంచనాలు ఉన్నాయి. సుకుమార్ రైటింగ్స్ - ఎస్‌వీసీసీ నిర్మాణ సంస్థలు సంయుక్తంగా ఈ చిత్రాన్ని ప్రతిష్టాత్మకంగా నిర్మిస్తున్నాయి. ఈ ప్రాజెక్టు భారీ బడ్జెట్‌తో రూపొందుతోంది.

అజనీష్ లోక్‌నాథ్ సంగీతం అందిస్తున్నారు. ఆయన "కాంతారా - మంగళవారం" సినిమాలకు అద్భుతమైన సంగీతాన్ని అందించి ప్రేక్షకుల మనసులను గెలుచుకున్న విషయం తెలిసిందే. ఈ సినిమా నేపథ్య సంగీతం కథకు ప్రధాన ఆకర్షణగా నిలవనుందట.న్ ఇక నాగచైతన్య చిత్రానికి "మిస్టిక్ థ్రిల్లర్" అనే ట్యాగ్‌లైన్ ఇవ్వడం సినిమాపై మరింత ఆసక్తిని పెంచుతోంది. పాతకాలపు మిస్టరీ, సస్పెన్స్, అద్భుతమైన విజువల్స్‌తో ఈ చిత్రం ప్రేక్షకులకు విభిన్న అనుభూతిని కలిగిస్తుందని టాక్ వినిపిస్తోంది.

నాగచైతన్య గత చిత్రాలు కొంత విభిన్నంగా ఉండగా, ఈ సినిమా ఆయన కెరీర్‌లో మైలురాయిగా నిలవనుందని సినీ వర్గాలు విశ్లేషిస్తున్నాయి. ఇక షూటింగ్ డిసెంబర్ 11న హైదరాబాద్‌లో ప్రారంభమవుతుందని సమాచారం. ఈ సినిమా గురించి మరిన్ని వివరాలు త్వరలో వెల్లడించనున్నారు. నాగచైతన్య-మీనాక్షి చౌదరి జోడీ, కార్తిక్ వర్మ దండు కథనంతో ఈ మిస్టిక్ థ్రిల్లర్ టాలీవుడ్‌లో కొత్త ట్రెండ్ సెట్ చేసే అవకాశం ఉందని అనిపిస్తోంది. ఇక సినిమాకు సంబంధించిన ప్రీ-లుక్ పోస్టర్ ను త్వరలోనే విడుదల చేసేందుకు చర్చలు జరుపుతున్నారు.