ధూం ధాం మూవీ.. థియేటర్స్ కేటాయింపుపై హీరో ఆవేదన!

టాలీవుడ్ యంగ్ హీరో చేతన్ మద్దినేని ఇప్పుడు ధూం ధాం మూవీతో ప్రేక్షకుల ముందుకు వచ్చేందుకు సిద్ధమవుతున్న విషయం తెలిసిందే. ఇప్పటికె  పలు సినిమాల్లో నటించిన ఆయన, ఫస్ట్ ర్యాంక్ రాజు మూవీతో అందరి దృష్టిని ఆకర్షించారు. ఇప్పుడు మరో మూడు రోజుల్లో ధూం ధాం చిత్రంతో థియేటర్ల సందడి చేయనున్నారు. అయితే తమ సినిమాకు థియేటర్ల కేటాయింపు జరిగే విషయంపై తాజాగా తన ఆవేదనను వ్యక్తం చేశారు.

"థియేటర్స్ కేటాయింపు జరుగుతున్న టైమ్ లో ఓ ఘటన జరిగింది. ఇప్పటికే థియేటర్స్ ఫుల్ టైట్ ఉన్నాయి. హైదరాబాద్ లోని ఓ థియేటర్ అలాట్మెంట్ కు సిద్ధమైంది. ఆ స్క్రీన్ ను ఓ చిన్న డబ్బింగ్ మూవీకి ఇచ్చారు. కానీ తెలుగు నుంచి చాలా సినిమాలు వస్తున్నాయి. నా సినిమా కాకుండా మరో 7-8 చిత్రాలు రిలీజ్ అవుతున్నాయి. వాటిలో ఏదో ఒక చిత్రానికి ఆ థియేటర్ ఇచ్చి ఉంటే నేను పెద్దగా హర్ట్ అవ్వకపోయేవాడిని" అని చేతన్ తెలిపారు.

కానీ లోకల్.. అచ్చమైన తెలుగు సినిమాకు ప్రిఫరెన్స్ ఇవ్వకుండా డబ్బింగ్ మూవీకి ఇచ్చారని తెలిపారు. "ఎలాంటి స్టార్ట్ క్యాస్టింగ్ లేదు ఆ చిత్రానికి. ఇప్పటికే ఆ సినిమా గత వారం విడుదలైంది. ఈ వీక్ తెలుగు వెర్షన్ రిలీజ్ అవుతుండగా.. దానికి థియేటర్ ఇవ్వడం వల్ల బాధేస్తుంది. అదే సమయంలో భయం కూడా వేస్తుంది. ఎనిమిదేళ్లుగా చాలా స్ట్రగుల్ అయ్యాను. అనేక దగ్గర ఆడిషన్స్ ఇచ్చాను. ఐఫోన్స్ లో సినిమాలు తీశాను" అని చెప్పారు.

అలా చాలా చేశానని, ఏదేమైనా తాను ఫైనల్ గా ధూం ధాం చిత్రంతో ప్రేక్షకుల ముందుకు వస్తున్నట్లు తెలిపారు చేతన్ మద్దినేని. కంటెంట్ పరంగా, సినిమా పరంగా బెస్ట్ ఇచ్చానని అనిపిస్తుందని చెప్పారు. కానీ ఇలాంటి సమయంలో కాస్త టెన్షన్ గా కూడా ఉందని అన్నారు. అయితే ధూం ధాంలో చేతన్ సరసన హీరోయిన్ గా హెబ్బా పటేల్ నటిస్తున్నారు. లవ్ అండ్ ఫ్యామిలీ ఎంటర్టైనర్ గా సాయి కిషోర్ మచ్చా తెరకెక్కిస్తున్నారు.

ఫ్రైడే ఫ్రేమ్ వర్క్స్ బ్యానర్‌ పై ఎంఎస్ రామ్ కుమార్ గ్రాండ్ గా నిర్మిస్తున్నారు. సాయి కుమార్, వెన్నెల కిషోర్, పృథ్వీరాజ్, గోపరాజు రమణ ముఖ్య పాత్రల్లో యాక్ట్ చేస్తున్నారు. ఇప్పటికే మేకర్స్ రిలీజ్ చేసిన ప్రమోషనల్ కంటెంట్ ద్వారా సినిమాపై మంచి బజ్ నెలకొంది. పోస్టర్స్, సాంగ్స్, గ్లింప్సెస్ అన్నీ ఆడియన్స్ ను మెప్పించాయి. పాజిటివ్ బజ్ క్రియేట్ చేశాయి. మరి నవంబర్ 8న రిలీజ్ కానున్న ధూం ధాం ఎలాంటి హిట్ అవుతుందో వేచి చూడాలి.