మెగాస్టార్ 157, 158 ఆర్డ‌ర్ ఇదే!

మెగాస్టార్ 157...158 చిత్రాల విష‌యంలో క్లారిటీ లేని సంగ‌తి తెలిసిందే. 156వ చిత్రంగా `విశ్వంభ‌ర` ప‌ట్టాలెక్కిన నాటి నుంచి త‌దుప‌రి సినిమా నెంబ‌ర్ ఏ డైరెక్ట‌ర్ తో అవుతంది? అన్న దానిపై అస్ప‌ష్ట‌త ఏర్ప‌డింది. 157వ సినిమా విష‌యంలో చాలా మంది ద‌ర్శ‌కుల పేర్లు వినిపించాయి. సీనియ‌ర్ డైరెక్ట‌ర్ల‌ నుంచి యంగ్ డైరెక్ట‌ర్ల వ‌ర‌కూ చాలా పేర్లు తెర‌పైకి వ‌చ్చాయి. అటుపై అనీల్ రావిపూడి, శ్రీకాంత్ ఓదెల కూడా తెర‌పైకి రావ‌డంతో మ‌రోసారి 157 నెంబ‌ర్ పై ఆస‌క్తి నెల‌కొంది.

చిరంజీవి ఆ ఛాన్స్ ఎవ‌రికిస్తారు? అన్న దానిపై సోష‌ల్ మీడియాలో పెద్ద చ‌ర్చే జ‌రిగింది. అయితే తాజాగా 157వ సినిమా? 158వ చిత్రంపై పూర్తి క్లారిటీ వ‌చ్చేసింది. 157వ చిత్రంగా అనీల్ రావిపూడి ప్రాజెక్ట్ మొద‌ల‌వుతుంది. దీన్ని సాహుగార‌పాటి నిర్మిస్తున్నారు. ఈ విష‌యాన్ని ఆయ‌నే స్వ‌యంగా రివీల్ చేసారు. ఈ చిత్రాన్ని సంక్రాంతి కానుక‌గా రిలీజ్ చేస్తున్న‌ట్లు కూడా ప్ర‌క‌టించారు. దీంతో 158వ సినిమా శ్రీకాంతో ఓదెల ప్రాజెక్ట్ అని క్లారిటీ వ‌స్తోంది.

ఇక అనీల్ సినిమా వేస‌విలో ప్రారంభ‌మ‌వుతుంద‌ని కొద్ది సేప‌టి క్రిత‌మే మెగాస్టార్ చిరంజీవి ప్ర‌క‌టించారు. ఇది పూర్తి స్థాయి వినోదాత్మ‌క చిత్ర‌మ‌న్నారు. ఆ సినిమా సెట్స్లో అడుగు పెట్టేందుకు ఆస‌క్తిగా ఎదురు చూస్తున్న‌ట్లు తెలిపారు. ఆయా స‌న్నివేశాల గురించి అనీల్ చెబుతుంటే క‌డుపుబ్బా న‌వ్వుకున్నానున్నారు. ద‌ర్శ‌కుడు కోదండ రామిరెడ్డితో ప‌ని చేసిన‌ప్పుడు ఎలాంటి అనుభూతి క‌లిగిందో? అనీల్ తో అలాంటి ఫీలింగ్ క‌లుగుతుంద‌న్నారు.

అలా సాహు-చిరంజీవి క్లారిటీతో 157వ సినిమాపై సందేహాలు తొలిగిపోయాయి. శ్రీకాంత్ ప్రాజెక్ట్ మాత్రం అనీల్ సినిమా పూర్త‌యిన త‌ర్వాత మొద‌ల‌వుతుంద‌ని తెలుస్తోంది. ఇది భారీ యాక్ష‌న్ కంటెంట్ ఉన్న సినిమా. రాక్ష‌సుడు రేంజ్ లో చిరంజీవి పాత్ర ఉంటుంద‌ని ఇప్ప‌టికే ఊహాగానాలు తెర‌పైకి వ‌స్తున్నాయి.