వేసవి లో 'విశ్వంభ‌ర' లేన‌ట్లేనా?
కానీ 'గేమ్ ఛేంజ‌ర్' రిలీజ్ ఉండ‌టంతో? ముందుగానే ఫిక్స్ అయి రిలాక్స్ గా ప‌నిచేసారు. అయితే ఇప్పుడా విరామ‌మే మ‌రింత ఆల‌స్యం చేసేలా క‌నిపిస్తోంది.
మెగాస్టార్ చిరంజీవి క‌థానాయ‌కుడిగా న‌టిస్తోన్న 'విశ్వంభ‌ర' రిలీజ్ ఇప్ప‌ట్లో లేన‌ట్లేనా? వేసవి నుంచి జూన్ త‌ర్వాత‌కి వాయిదా ప‌డే అవ‌కాశం ఉందా? అంటే స‌న్నివేశం అలాగే క‌నిపిస్తోంది. తొలుత ఈ చిత్రాన్ని సంక్రాంతి కానుక‌గా రిలీజ్ చేయాల‌నుకున్న సంగ‌తి తెలిసిందే. కానీ 'గేమ్ ఛేంజ‌ర్' రిలీజ్ ఉండ‌టంతో? ముందుగానే ఫిక్స్ అయి రిలాక్స్ గా ప‌నిచేసారు. అయితే ఇప్పుడా విరామ‌మే మ‌రింత ఆల‌స్యం చేసేలా క‌నిపిస్తోంది.
సంక్రాంతి స్కిప్ కొట్ట‌డంతో వేసవి కానుక‌గా రిలీజ్ అవుతుంద‌ని అంతా భావిస్తున్నారు. మేలో రిలీజ్ చేసే అవ‌కాశం ఉంద‌ని ప్ర‌చారం జ‌రుగుతోంది. అయితే రిలీజ్ క‌ష్ట‌మేనన్న విష‌యం లీకైంది. ఈ సినిమాకి సంబంధించి ఇంకా ఐదు రోజుల టాకీ పెండింగ్ ఉంది. అలాగే మ‌రో రెండు పాటలు కూడా పూర్తి చేయాలి. ఆ పాట‌ల‌కి సంబంధించి విదేశాల‌కు వెళ్లాలా? సెట్స్ వేసి చేయాలా? అన్న త‌ర్జ‌న భ‌ర్జ‌న న‌డుస్తోందిట.
ఒక‌వేళ ఇదంతా నెల రోజుల్లో చుట్టేసినా? అస‌లైన గ్రాఫిక్స్ వ‌ర్క్స్ మాత్రం ఎక్క‌డి క‌క్క‌డ పెండింగ్ ప‌డి ఉందిట. ఇప్ప‌టి వ‌ర‌కూ షూటింగ్ పూర్త‌యినంత వ‌ర‌కూ పోస్ట్ ప్రొడ‌క్ష‌న్ పూర్తి కాలేదుట. 50 శాతం మాత్ర‌మే కంప్లీట్ అయిందం టున్నారు. ఇంకా పూర్తి చేయాల్సిన సీజీ వర్క్ స‌గం ఉంద‌ని తెలుస్తోంది. ఆ ప‌నులు స‌మ్మ‌ర్ లో గా పూర్తి చేసి రిలీజ్ చేయ‌డం అన్న‌ది దాదాపు అసాధ్యం అంటున్నారు.
క్లైమాక్స్ స‌న్నివేశాల‌కు సంబంధించి సీజీ కోసం హాంకాంగ్ వెళ్లాల్సి ఉందిట. అక్క‌డ ఓ 20 రోజుల పాటు సీజీ చేయాల్సి ఉందిట. ఈనేప‌థ్యంలోనే మేక‌ర్స్ ఫిబ్ర‌వ‌రి వ‌స్తున్నా? సినిమాపై ఎలాంటి రిలీజ్ ప్ర‌క‌ట‌నా చేయ‌లేదం టున్నారు. జూన్ త‌ర్వాతే రిలీజ్ తేదీ బ‌య‌ట‌కు వ‌చ్చే అవ‌కాశం ఉంద‌ని స‌మాచారం. మ‌రి ఈ ప్ర‌చారంలో నిజ‌మెంతో తెలియాలి.