సమంత వెబ్‌ సిరీస్‌ సీక్వెల్‌ సినిమాగా..!

సమంత, వరుణ్ ధావన్‌ ప్రధాన పాత్రల్లో రాజ్‌ అండ్ డీకే దర్శకత్వంలో రూపొందిన 'సిటాడెల్‌ : హనీ బనీ' వెబ్‌ సిరీస్ ఇటీవల అమెజాన్ ప్రైమ్‌ వీడియో ద్వారా ప్రేక్షకుల ముందుకు వచ్చింది. గత ఏడాది కాలంగా ప్రేక్షకులు ఎదురు చూస్తున్న ఈ వెబ్‌ సిరీస్ ఎట్టకేలకు స్ట్రీమింగ్‌ కావడంతో సమంత ప్యాన్స్ ఆనందం వ్యక్తం చేస్తున్నారు. ఈ వెబ్‌ సిరీస్‌ గురించి మొదటి నుంచి సోషల్‌ మీడియాలో పెద్ద ఎత్తున ప్రచారం చేస్తూ వచ్చారు. స్ట్రీమింగ్‌ కి రెండు మూడు వారాల ముందు నుంచి సమంత, వరుణ్ ధావన్‌ వరుస ఇంటర్వ్యూలతో హోరెత్తించారు. సిటాడెల్‌ వెబ్‌ సిరీస్‌ను జనాల్లోకి తీసుకు వెళ్లడంలో మేకర్స్‌ సఫలం అయ్యారు.

స్ట్రీమింగ్‌ తర్వాత కూడా సమంత, వరుణ్ ధావన్‌ లు సోషల్‌ మీడియా ద్వారా అభిమానులతో ముచ్చటిస్తూ సిటాడెల్‌ను ప్రమోషన్ చేస్తున్నారు. పోస్ట్‌ స్ట్రీమింగ్‌ ప్రమోషన్‌లో భాగంగా సిటాడెల్‌ నటుడు వరుణ్ ధావన్‌ సోషల్‌ మీడియా చిట్‌చాట్‌లో సీక్వెల్‌ గురించి క్లారిటీ ఇచ్చారు. సిటాడెల్‌ గురించి ఫ్యాన్స్ నుంచి ప్రశ్నలు వచ్చిన సమయంలో వరుణ్ ధావన్‌ సమాధానం ఇచ్చారు. సిటాడెల్‌ కి పార్ట్‌ 2 ఉంటుందా అంటూ ఒక నెటిజన్‌ ప్రశ్నించిన సమయంలో వరుణ్ ధావన్‌ స్పందిస్తూ.. ప్రస్తుతం తాను వరుస సినిమాలతో బిజీగా ఉన్నాను. బ్యాక్ టు బ్యాక్ సినిమాలను విడుదల చేయబోతున్నట్లు చెప్పుకొచ్చాడు. అదే సమయంలో సిటాడెల్‌ సీక్వెల్‌ పై మేకర్స్ వర్క్ చేస్తున్నారని అన్నాడు.

అదే సమయంలో వరుణ్‌ ధావన్‌ మాట్లాడుతూ... సిటాడెల్‌ సీక్వెల్‌ ను వెబ్‌ సిరీస్‌గా కాకుండా సినిమాగా తీసుకు వచ్చే ఆలోచనలో ఉన్నట్లు పేర్కొన్నాడు. సాధారణంగా సినిమాలకు సీక్వెల్స్ సినిమాలు, వెబ్‌ సిరీస్‌లకు సీక్వెల్స్ వెబ్‌ సిరీస్‌ లు వస్తాయి. కానీ విచిత్రంగా సిటాడెల్‌ కి సీక్వెల్‌ కథతో సినిమాను తీయాలని రాజ్ అండ్‌ డీకే అనుకోవడం విచిత్రంగా విడ్డూరంగా ఉందనే అభిప్రాయంను చాలా మంది వ్యక్తం చేస్తున్నారు. సోషల్‌ మీడియాలో ప్రస్తుతం ఈ విషయమై ప్రముఖంగా చర్చ జరుగుతోంది. సిటాడెల్‌ వెబ్‌ సిరీస్‌ సీక్వెల్‌ సినిమాలో సమంత ఉంటుందా అనేది తెలియాల్సి ఉంది.

సమంత తీవ్ర అనారోగ్య సమస్యలు ఎదుర్కొంటున్న సమయంలోనే సిటాడెల్‌ వెబ్‌ సిరీస్‌ ను చేయడం జరిగింది. హాలీవుడ్‌ సూపర్‌ హిట్‌ వెబ్‌ సిరీస్ సిటాడెల్‌ నుంచి ఈ సిటాడెల్‌ ను తీయడం జరిగింది. సిటాడెల్‌ లో సమంత యాక్షన్‌ సన్నివేశాలకు మంచి స్పందన దక్కింది. వరుణ్ ధావన్‌ తో కలిసి ఆమె చేసిన సన్నివేశాలు ఆకట్టుకున్నాయి. ముఖ్యంగా తల్లి పాత్రలో కనిపిస్తూనే యాక్షన్ సన్నివేశాలు చేసిన సమంత నటనకు విమర్శకులు సైతం ఫిదా అవుతున్నారు. సోషల్‌ మీడియాలో రెగ్యులర్‌గా సిటాడెల్‌ గురించి చర్చ జరుగుతున్న నేపథ్యంలో అమెజాన్‌ లో సినిమాను స్ట్రీమింగ్‌ చేస్తున్న వారి సంఖ్య ఎక్కువ అవుతుంది.