దళపతి 69 డీల్స్.. ఇదేమి డిమాండ్ సామీ

ఇళయదళపతి విజయ్ హీరోగా చేయబోతున్న చివరి చిత్రం హెచ్ వినోత్ దర్శకత్వంలో తెరకెక్కనుంది. 'దళపతి 69' వర్కింగ్ టైటిల్ తో ఈ మూవీ ప్రీప్రొడక్షన్ వర్క్ ప్రస్తుతం నడుస్తోంది. భారీ బడ్జెట్ తో కెవిఎన్ ప్రొడక్షన్స్ ఈ చిత్రాన్ని 400 కోట్ల బడ్జెట్ తో నిర్మించబోతున్నట్లు తెలుస్తోంది. ఈ సినిమా తర్వాత విజయ్ పూర్తిగా రాజకీయాలకి సమయం కేటాయించనున్నారు. ఇప్పటికే తాను స్థాపించిన పార్టీ ద్వారా రాజకీయ కార్యాచరణ మొదలు పెట్టాడు.

మరో రెండేళ్లలో తమిళనాడులో జరగబోయే అసెంబ్లీ ఎన్నికలే లక్ష్యంగా విజయ్ పని చేస్తున్నారు. ఈ నేపథ్యంలో 'దళపతి 69' సినిమాని వీలైనంత వేగంగా కంప్లీట్ చేయాలని విజయ్ అనుకుంటున్నారు. ఈ చిత్రంలో పూజా హెగ్డే విజయ్ కి జోడీగా కన్ఫర్మ్ అయ్యింది. ఇదిలా ఉంటే ఈ మూవీ షూటింగ్ కూడా ప్రారంభం కాకుండానే ఓవర్సీస్ రైట్స్ అమ్ముడైపోయాయి. ఫార్స్ ఫిలిమ్స్ 'దళపతి 69' ఓవర్సీస్ రైట్స్ ని ఏకంగా 78 కోట్లకి కొనుగోలు చేసింది.

కోలీవుడ్ ఇండస్ట్రీలోనే హైయెస్ట్ డీల్ ఈ సినిమాకి జరిగినట్లు తెలుస్తోంది. కనీసం సూపర్ స్టార్ రజినీకాంత్ చిత్రాలకి కూడా ఈ స్థాయిలో డీల్స్ జరగలేదు. దళపతి విజయ్ వరుస సక్సెస్ ల ట్రాక్ రికార్డ్ తో పాటు, ఆయన కెరియర్ లో చివరి చిత్రం కావడం వలన ఫ్యాన్స్ లో ఈ సినిమాపై ఎక్కువ క్రేజ్ ఉంది. ఈ నేపథ్యంలోనే మూవీ బిజినెస్ డీల్స్ కూడా భారీగా జరుగుతున్నట్లు తెలుస్తోంది.

కోలీవుడ్ లో దళపతి విజయ్ కి 300 కోట్లకి పైగా మార్కెట్ ఉంది. ఓ విధంగా చెప్పాలంటే సౌత్ లో ప్రభాస్ తర్వాత అత్యధిక మార్కెట్ ఉన్న హీరో విజయ్ అని సినీ విశ్లేషకులు అంటున్నారు. అందుకే ఓవర్సీస్ లో 'దళపతి 69' సినిమాని ఎక్కువ ధరకి కొనుగోలు చేశారు. ఈ కలెక్షన్స్ ని అందుకోవాలంటే 20 మిలియన్ డాలర్స్ కి పైగా కలెక్షన్స్ ని లాంగ్ రన్ లో అందుకోవాల్సి ఉంటుంది.

ఆ కలెక్షన్స్ ని 'దళపతి 69' మూవీ అందుకుంటే 'బాహుబలి 2' పేరు మీద ఉన్న రికార్డ్ బ్రేక్ అయ్యే అవకాశాలు ఉన్నాయి. మూవీకి హిట్ టాక్ వస్తే 25 మిలియన్ డాలర్స్ కలెక్షన్స్ కూడా ఓవర్సీస్ లో ఈ సినిమాకి వస్తాయని విజయ్ అభిమానులు అంటున్నారు. కోలీవుడ్ హిస్టరీలో ఇప్పటి వరకు ఏ సినిమా 15 మిలియన్ డాలర్స్ ని కూడా ఓవర్సీస్ లో దాటలేదు. దళపతి 69 మూవీ 20 మిలియన్ డాలర్స్ క్రాస్ చేస్తే మాత్రం కచ్చితంగా రికార్డ్ అవుతుందని చెప్పొచ్చు.