అల్లు అర్జున్ కోసం పోటీ పడుతున్నారు..!

ఐకాన్ స్టార్ అల్లు అర్జున్ కోసం పోటీ పడుతున్నారు తమిళ దర్శకులు. పుష్ప సినిమాతో పాన్ ఇండియా వైడ్ బంపర్ హిట్ అందుకున్న అల్లు అర్జున్ పుష్ప 2 తో మరో పెద్ద టార్గెట్ పెట్టుకున్నాడు. సుకుమార్ పుష్ప 2 లోనే అసలు కథ చెబుతాడని అంటున్నారు. పుష్ప తో నేషనల్ స్టార్ గా ఎదిగిన అల్లు అర్జున్ కోసం కథలు రాస్తున్నారు దర్శకులు. ఈ క్రమంలో అల్లు అర్జున్ మీద అరవ దర్శకులు గురి పెట్టుకున్నారని తెలుస్తుంది. ఇప్పటికే జవాన్ డైరెక్టర్ అట్లీ బన్నీతో సినిమా ప్లానింగ్ లో ఉన్నాడని టాక్ వచ్చింది.

రీసెంట్ గా రిలీజైన జవాన్ హిట్ అయిన సందర్భంగా షారుఖ్ ని పొగుడుతూ డైరెక్టర్ అట్లీని కూడా ప్రత్యేకంగా ప్రశంసించాడు అల్లు అర్జున్. అప్పటి నుంచి అట్లీ నెక్స్ట్ హీరో అల్లు అర్జున్ అని ఫిక్స్ అయ్యారు. ఇక లేటెస్ట్ గా అల్లు అర్జున్ డైరెక్టర్స్ లిస్ట్ లో జైలర్ డైరెక్టర్ నెల్సన్ దిలీప్ కుమార్ కూడా ఉన్నాడని తెలుస్తుంది. అల్లు అర్జున్ ని కలవడం అతనితో ఒక లైన్ డిస్కస్ చేయడం కూడా జరిగిందని అంటున్నారు.

కొన్నాళ్లుగా సూపర్ స్టార్ ఫ్యాన్స్ కోరుకునే మాస్ హిట్ అందించిన నెల్సన్ జైలర్ తో స్టార్ డైరెక్టర్స్ లిస్ట్ లో చేరిపోయాడు. అల్లు అర్జున్ నెల్సన్ కాంబో కచ్చితంగా ఉంటుందని కాకపోతే బన్నీ పుష్ప 2 తర్వాత ఆల్రెడీ సందీప్ వంగాతో సినిమా ఓకే చేశాడు. ఆ తర్వాత కూడా మరో సినిమా లైన్ లో ఉంది. మరి నెల్సన్ సినిమా ఎప్పుడు ఉంటుంది.. ఎంత బడ్జెట్ తో వస్తుంది. సినిమా జోనర్ ఏంటన్న విషయాలు త్వరలో తెలుస్తాయి.

ప్రస్తుతం అల్లు అర్జున్ తన ఫోకస్ అంతా కూడా పుష్ప 2 మీదే ఉంచాడు. పుష్ప 1 తో బెస్ట్ యాక్టర్ గా నేషనల్ అవార్డు సైతం దక్కించుకున్న అల్లు అర్జున్ సెకండ్ పార్ట్ తో కూడా తగ్గేదేలే అంటున్నాడు. సుక్కు అల్లు అర్జున్ పుష్ప 2 ప్రేక్షకులు ఎన్ని అంచనాలతో వస్తే అంతకుమించేలా సినిమా ఉంటుందని అంటున్నారు. 2024 ఆగష్టు 15న పుష్ప రాజ్ బాక్సాఫీస్ పై విజృంభణ ఏ రేంజ్ లో ఉంటుందో చూడాలి. పుష్ప 2 తర్వాత అల్లు అర్జున్ సినిమాల లైనప్ మాత్రం అల్లు ఫ్యాన్స్ కి మెంటల్ ఎక్కించేలా ఉన్నాయని చెప్పొచ్చు.