'డబుల్ ఇస్మార్ట్' సెన్సార్ రిపోర్ట్.. పూరీ ఈజ్ బ్యాక్!

ఉస్తాద్ రామ్ పోతినేని, డాషింగ్ డైరెక్టర్ పూరి జగన్నాథ్ కాంబినేషన్ లో తెరకెక్కుతున్న తాజా చిత్రం "డబుల్ ఇస్మార్ట్". ఇది 2019లో వచ్చిన బ్లాక్ బస్టర్ 'ఇస్మార్ట్ శంకర్' కు సీక్వెల్. ఇప్పటికే విడుదలైన ప్రమోషనల్ మెటీరియల్ కు మంచి రెస్పాన్స్ లభించింది. రీసెంట్ గా వదిలిన థియేట్రికల్ ట్రైలర్ సినిమాపై అంచనాలు రెట్టింపు చేసింది. ఇండిపెండెన్స్ డే స్పెషల్ గా ప్రేక్షకుల ముందుకు రాబోతున్న ఈ మూవీ, సక్సెస్ ఫుల్ గా సెన్సార్ ఫార్మాలిటీస్ పూర్తి చేసుకుంది. సెన్సార్ టాక్ పాజిటివ్ గా వచ్చింది.

"డబుల్ ఇస్మార్ట్" చిత్రానికి సెన్సార్ బోర్డ్ 'A' (ఎ) సర్టిఫికేట్ జారీ చేసింది. సినిమా నిడివి 2 గంటల 42 నిమిషాలు వచ్చినట్లు తెలుస్తోంది. హై ఇంటెన్స్ యాక్షన్ సీక్వెన్సులు, మదర్ సెంటిమెంట్, ఇంటర్వెల్ బ్యాంగ్ హైలైట్ గా నిలిచాయని అంటున్నారు. క్లైమాక్స్ ట్విస్ట్ అదిరిపోయిందని చెబుతున్నారు. మాస్ అప్పీల్, ఇంటెన్స్ యాక్షన్, ఎమోషన్, ఎంటర్టైన్మెంట్ కలబోసి ఒక కంప్లీట్ కమర్షియల్ ప్యాకేజీగా పూరీ జగన్నాథ్ ఈ చిత్రాన్ని రూపొందించినట్లు తెలుస్తోంది.

ఉస్తాద్ శంకర్ గా రామ్ మునుపెన్నడూ లేని విధంగా యాక్షన్-ప్యాక్డ్ రోల్ లో అదరగొట్టాడని అంటున్నారు. బిగ్ బుల్ అనే పవర్ ఫుల్ క్యారక్టర్ లో బాలీవుడ్ యాక్టర్ సంజయ్ దత్‌ తన ఉనికిని చాటుకున్నారు. వీరిద్దరూ ముఖాముఖి తలపడే సన్నివేశాలు హైలైట్‌గా వచ్చాయని టాక్. హీరోయిన్ కావ్య థాపర్ గ్లామర్ స్పెషల్ ఎట్రాక్షన్ గా నిలుస్తుంది. రామ్ - కావ్య మధ్య రొమాంటిక్ లవ్ ట్రాక్ ఈ జనరేషన్ యూత్ కి బాగా కనెక్ట్ అయ్యేలా తీశారు. ఇప్పటికే సాంగ్స్ తో ఆకట్టుకున్న మణిశర్మ.. బ్యాక్‌గ్రౌండ్ స్కోర్‌ తోనూ తన మార్క్ చూపించారని తెలుస్తోంది.

ఓవరాల్ గా 'డబుల్ ఇస్మార్ట్' మూవీ డబుల్ డోస్ ఎంటర్టైన్మెంట్ ను డబుల్ మ్యాడ్ నెస్ ను అందిస్తుందని సెన్సార్ రిపోర్ట్ ను బట్టి అర్థమవుతోంది. ఇదే జరిగితే రామ్ - పూరీలు టాలీవుడ్ లో మరో సక్సెస్ ఫుల్ హీరో డైరెక్టర్ కాంబినేషన్ గా నిలిచే అవకాశం ఉంది. పూరి కనెక్ట్స్ బ్యానర్ లో ప్రతిష్టాత్మకంగా నిర్మిస్తున్న ఈ చిత్రాన్ని ఆగస్ట్ 15న తెలుగు తమిళ కన్నడ మలయాళ హిందీ భాషల్లో విడుదల చేస్తున్నారు.

ప్రైమ్‌షో ఎంటర్‌టైన్‌మెంట్ ఈ చిత్రాన్ని ప్రపంచ వ్యాప్తంగా విడుదల చేయనుంది. ఇప్పటికే అమెరికాలో బుకింగ్స్ ఓపెన్ అయ్యాయి. గురువారం స్వాతంత్ర్య దినోత్సవం, సోమవారం రక్షా బంధన్ సెలవులతో కలిసి 5 రోజుల లాంగ్ వీకెండ్ ఉంది. దీనికి తోడు ఇప్పుడు ప్రీ-రిలీజ్ రిపోర్టులు పాజిటివ్ గా రావడం, పూరీ ఈజ్ బ్యాక్ అంటున్నారు కాబట్టి, 'డబుల్ ఇస్మార్ట్' సినిమా బాక్సాఫీస్ వద్ద బ్లాక్ బస్టర్ అయ్యే అవకాశాలు ఎక్కువ ఉన్నాయని ట్రేడ్ వర్గాల్లో టాక్ నడుస్తోంది.