డబుల్ ఇస్మార్ట్ - టీజర్ కి ఎక్కువ.. ట్రైలర్ కు తక్కువ!

డేరింగ్ అండ్ డాషింగ్ డైరెక్టర్ పూరి జగన్నాథ్ ఈసారి ఎలాగైనా బాక్స్ ఆఫీస్ వద్ద మరో భారీ సక్సెస్ అందుకోవాలి అని డబుల్ ఇస్మార్ట్ సినిమాతో ప్రేక్షకుల ముందుకు రాబోతున్నాడు. రామ్ పోతినేని కథానాయకుడిగా నటిస్తున్న ఈ సినిమాపై అంచనాలు ఏ స్థాయిలో ఉన్నాయో ప్రత్యేకంగా చెప్పనవసరం లేదు. తప్పకుండా బాక్సాఫీస్ వద్ద  సినిమా ఇంపాక్ట్ క్రియేట్ చేస్తుంది అనే విధంగా ఒక పాజిటివ్ వైబ్రేషన్ అయితే క్రియేట్ అవుతోంది.

ఎందుకంటే ఇస్మార్ట్ శంకర్ సినిమా ఏ స్థాయిలో సక్సెస్ అయిందో ప్రత్యేకంగా చెప్పనవసరం లేదు. ఇక అలాంటి కంటెంట్ కు తగ్గట్టుగానే సీక్వెల్ ను సిద్ధం చేస్తున్నారు. ఈసారి మాస్ ఎలిమెంట్స్ తో పాటు మంచి యాక్షన్ డోస్ కూడా ఉండబోతున్నట్లుగా తెలుస్తోంది. పూరి స్క్రిప్ట్ కోసమే చాలా ఎక్కువ సమయం తీసుకున్నాడు. స్క్రీన్ ప్లే, డైలాగ్స్, సాంగ్స్ కూడా చాలా డిఫరెంట్ గా ఉండబోతున్నట్లు తెలుస్తోంది.

ఇక సినిమాకు సంబంధించిన షూటింగ్ పనులు కూడా శరవేగంగా కొనసాగుతూ ఉన్నాయి. ఆ మధ్య కాస్త గ్యాప్ వచ్చినప్పటికీ మళ్ళీ మేకర్స్ ఒక్కసారిగా బౌన్స్ బ్యాక్ అయ్యారు. ప్రస్తుతం ముంబైలోనే ఒక కీలకమైన షెడ్యూల్ కొనసాగుతోంది. ఇక ఈ క్రమంలో సినిమాకు సంబంధించిన అప్డేట్స్ కూడా పాజిటివ్ వైబ్రేషన్స్ క్రియేట్ అయ్యేలా మేకర్స్ ప్రణాళికలు రచిస్తూ ఉన్నారు.

సినిమా టీజర్ ను విడుదల చేయబోతున్నట్లు రీసెంట్ గా ఒక అప్డేట్ ఇచ్చిన విషయం తెలిసిందే. మే 15వ తేదీన స్పెషల్ టీజర్ రాబోతోంది. అయితే దిమాక్ కిరికిరి అంటూ విడుదల చేయబోయే ఆ టీజర్ 85 సెకండ్లు ఉండబోతుందట. సాధారణంగా టీజర్ అంటేనే ఒక నిమిషానికి తక్కువగా ఉంటుంది. ట్రైలర్ అంటే నిమిషానికి ఎక్కువగా ఉంటుంది. కానీ ఇప్పుడు డబుల్ ఇస్మార్ట్ నుంచి రాబోయే టీజర్ మాత్రం టీజర్ కి ఎక్కువ ట్రైలర్ తక్కువ అనే తరహాలో ఉండబోతున్నట్లుగా అర్థమవుతోంది.

తప్పకుండా ఈ సినిమా టీజర్ అన్ని వర్గాల ఆడియన్స్ ను ఆకట్టుకుంటుంది అని మేకర్స్ చెబుతున్నారు. ఇక రామ్ పోతినేని స్టైలిష్ లుక్ కూడా మంచి ఇంపాక్ట్ క్రియేట్ చేస్తోంది. మరి రాబోయే టీజర్ ఎలాంటి సెన్సేషన్ క్రియేట్ చేస్తుందో చూడాలి. ఇక ఈ సినిమాలో సంజయ్ దత్ కూడా ఒక స్పెషల్ పాత్రలో కనిపించబోతున్న విషయం తెలిసిందే. పాన్ ఇండియా రేంజ్ కు తగ్గట్టుగా డబుల్ ఇస్మార్ట్ సినిమాను విడుదల చేయాలని అనుకుంటున్నారు.