రౌడీ హీరో విజయ్ దేవరకొండ హీరోగా నటిస్తున్న తాజా చిత్రం ఖుషీ. సమంత ఈ సినిమాలో హీరోయిన్ గా నటిస్తోంది. ఈ మూవీ కంప్లీట్ లవ్ స్టోరీ అనే విషయం ఇప్పటికే అర్థమైపోయింది. లైగర్ ప్లాప్ తర్వాత వస్తున్న సినిమా కావడంతో, ఈ మూవీ హిట్ కావాలని అందరూ కోరుకుంటున్నారు. ఇక ఈ మూవీకి శివ నిర్వాణ దర్శకత్వం అనగానే, మరింత క్రేజ్ ఏర్పడింది. ఈ మూవీ కోసం ఫ్యాన్స్ ఎంతో ఆసక్తిగా ఎదురు చూస్తున్నారు.
కాగా, ఈ మూవీ సెప్టెంబర్ 1వ తేదీన ప్రేక్షకుల ముందుకు రానుంది. ఈ నేపథ్యంలో ప్రేక్షకుల్లో క్యూరియాసిటీ పెంచేందుకు ఆయన ప్రయత్నిస్తున్నారు. కొద్ది రోజులుగా ఈ మూవీ రిలీజ్ డేట్, ట్రైలర్ కి ఇన్ని రోజుల సమయం ఉంది అని కౌంట్ చేసి పెట్టిన ఆయన, తాజాగా ట్రైలర్ అప్ డేట్ ఇచ్చారు.
ట్రైలర్ ఎప్పుడు విడుదల చేస్తారు అనే విషయాన్ని చెప్పలేదు కానీ, తమ మూవీ ట్రైలర్ సెన్సార్ వారు ఇచ్చిన సర్టిఫికేట్ ని మాత్రం షేర్ చేశాడు. దానిలో ట్రైలర్ యూ సర్టిఫికేట్ వచ్చింది. ఇక ట్రైలర్ దాదాపు 2 నిమిషాల 41 సెకన్లు ఉంటుంది అని పేర్కొన్నారు. ఇది చూసి ఫ్యాన్స్ కామెంట్స్ చేస్తున్నారు. ట్రైలర్ కోసం వెయిటింగ్ అంటూ కామెంట్స్ చేస్తున్నారు.
ఇదిలా ఉండగా, ఈ మూవీ విడుదలకు ముందే, మ్యూజిక్ పరంగా హిట్ టాక్ సంపాదించుకుంది. వీరిద్దరి పెయిరే కే ఎక్కువ మార్కులు పడుతున్నాయి అనుకోగా, పాటలు మరింత సూపర్ గా ఉన్నాయి. ఇప్పటి వరకు మూడు పాటలు విడుదలయ్యాయి. నా రోజా నువ్వే, ఆరాధ్య, ఖుషీ టైటిల్ సాంగ్. ఈ మూడు ఒక దానితో మరొకటి పోటీ పడేలా ఉన్నాయి. అందరికీ విపరీతంగా నచ్చేస్తున్నాయి.
ఇదిలా ఉండగా, ఈ ఖుషీ మూవీని మైత్రీ మూవీ మేకర్స్ నిర్మిస్తోంది. తెలుగుతోపాటు హిందీ, తమిళం, కన్నడ, మలయాళం భాషల్లో ఖుషీ మూవీ రాబోతోంది. ఖుషీ సినిమాలో విజయ్ దేవరకొండ, సమంతతోపాటు జయరాం, మురళీ శర్మ, సచిన్ ఖేడేకర్, లక్ష్మి, అలీ, రోహిణి, వెన్నెల కిశోర్, రాహుల్ రామకృష్ణ నటిస్తున్నారు.