గాండీవధారి అర్జున్‌ ఇంట్రెస్టింగ్‌ అప్‌డేట్‌!

మెగా హీరో వరుణ్ తేజ్ నటించిన గాండీవధారి అర్జున చిత్రం రేపు ప్రేక్షకుల ముందుకు రాబోతున్న విషయం తెల్సిందే. ప్రవీణ్ సత్తారు దర్శకత్వంలో రూపొందిన ఈ సినిమా విభిన్నమైన గూఢచారి సినిమా అంటూ వార్తలు వస్తున్నాయి. సినిమా గురించి ఒక క్లారిటీ ఇవ్వకున్నా కూడా ప్రేక్షకుల్లో ఆసక్తి పెంచడంలో మేకర్స్ సఫలం అయ్యారు.

గాండీవధారి అర్జున సినిమా కథ గురించి తాజాగా వరుణ్‌ తేజ్‌ మాట్లాడుతూ.. ఈ సినిమా కథ మొత్తం నాలుగు రోజుల్లో జరుగుతుంది. ఆ నాలుగు రోజుల్లో జరిగిన ఆసక్తికర సంఘటనలతో మంచి కథను తీర్చిదిద్దినట్లు కూడా ఆయన పేర్కొన్నారు. సినిమా లో వరుణ్‌ తేజ్ పాత్ర చాలా విభిన్నంగా ఉంటుందని కూడా యూనిట్ సభ్యులు చెబుతున్నారు.

ఇటీవల గూఢచారి కాన్సెప్ట్‌ సినిమాలు వరుసగా వస్తున్నాయి. వాటిల్లో ఇది ఒకటిగా నిలుస్తుందా చాలా మంది మాట్లాడుకుంటూ ఉన్నారు. మీడియా వర్గాల్లో కూడా అదే చర్చ జరుగుతున్న నేపథ్యంలో వరుణ్ తేజ్ మాట్లాడుతూ ఇది కచ్చితంగా గూఢచారి జోనర్ మూవీ కాదని క్లారిటీ ఇచ్చే ప్రయత్నం చేశాడు.

వరుణ్ తేజ్‌ ఈ సినిమా విషయంలో చాలా నమ్మకంగా ఉన్నాడట. అంతే కాకుండా ఇప్పటి వరకు తెలుగు సినిమా ఇండస్ట్రీలో రానటువంటి కాన్సెప్ట్‌ ను ఈ సినిమా తో ప్రేక్షకుల ముందుకు తీసుకు వస్తున్నామని మేకర్స్ పేర్కొన్నారు. హీరోగా వరుణ్ తేజ్ కు ఈ సినిమా సక్సెస్ కావడం చాలా అవసరం. మరి వరుణ్ కు గాండీవధారి సక్సెస్ ను తెచ్చి పెట్టేనా చూడాలి.