ఆసుప‌త్రిలో చేరిన హీరోయిన్!
ఇదిగో ఇక్క‌డిలా అమ్మ‌డు అనారోగ్యానికి గురైన స‌మ‌యంలో చేతికి సెలైన్ ఎక్కించుకుంది.
అంద‌మైన ఐశ్య‌ర్య ల‌క్ష్మి ఇప్పుడిప్పుడే న‌టిగా బిజీ అవుతోంది. సౌత్ లో అన్ని భాష‌ల్లోనూ అవ‌కాశాలు అంద‌కుం టోంది. స‌హ‌జ నటనతో ప్రేక్షకులకు ద‌గ్గ‌ర‌వుతుంది. తాజాగా ఈ క్యూటీ ఆసుప‌త్రి పాలైంది. అమ్మ‌డు ఆసుప‌త్రి నుంచి కొన్ని ఫోటోలు షేర్ చేయ‌డంతో విష‌యం బ‌య‌ట ప‌డింది. ఇదిగో ఇక్క‌డిలా అమ్మ‌డు అనారోగ్యానికి గురైన స‌మ‌యంలో చేతికి సెలైన్ ఎక్కించుకుంది. ఆ బ్యాండేజ్ ను చూపిస్తూ సెల్పీలిచ్చింది.
మ‌రి సడెన్ గా ఏమైందో గానీ అమ్మ‌డు మాత్రం న‌వ్వుతూ సంతోషంగానే క‌నిపిస్తుంది. అనారోగ్యం నుంచి కోలుకుంది. అయితే ఆసుప‌త్రిలో ఏ కార‌ణ‌గా చేరాల్సి వ‌చ్చింది? అన్న‌ది మాత్రం రివీల్ చేయ‌లేదు. తమిళ్ గ్లామరస్ బ్యూటీ మలయాళలో చాలా సినిమాలు చేసింది. కోలీవుడ్ లో `యాక్షన్` అనే సినిమాతో పరిచయం అయ్యింది. అటుపై సత్యదేవ్ హీరోగా నటించిన `గాడ్సే` తో తెలుగు ప్రేక్షకులకు పరిచయం అయ్యింది.
ఆ తర్వాత `అమ్ము` అనే సినిమాలో నటించింది. ఈ రెండు సినిమాలుకూడా పెద్ద‌గా ఆడ‌లేదు. మణిరత్నం దర్శకత్వంలో వచ్చిన `పొన్నియన్ సెల్వన్` లో నటించి మెప్పించింది. ఈ సినిమాలో తన నటనతో ఆకట్టుకుంది. తమిళ్ లో తెరకెక్కిన `మట్టి కుస్తీ` సినిమాలోనూ నటించింది. ఈ సినిమా తెలుగులోనూ డబ్ అయ్యి ప్రేక్షకులను ఆకట్టుకుంది. అలాగే మలయాళంలో దుల్కర్ సల్మాన్ హీరోగా నటించిన `కింగ్ ఆఫ్ కొత` సినిమాలో నటించింది.
వీటితో అమ్మ‌డికి మంచి గుర్తింపు ద‌క్కింది. ప్ర‌స్తుతం మెగా మేన‌ల్లుడు సాయి ధుర్గ తేజ్ నటిస్తున్న కొత్త సినిమాలో హీరోయిన్ గా ఎంపికైంది. `విరూపాక్ష` తర్వాత సాయితేజ్ న‌టిస్తోన్న సినిమా కావ‌డంతో అంచ‌నాలు భారీగా ఉన్నాయి. అలాంటి ప్రాజెక్ట్ లో భాగ‌మవ్వ‌డం ఐశ్వ‌ర్య ల‌క్ష్మికి క‌లిసొచ్చే అంశం.