ఫౌజి హీరోయిన్ పై ముందే కన్నేశారు కానీ..?

రెబల్ స్టార్ ప్రభాస్ లీడ్ రోల్ లో సీతారామం డైరెక్టర్ హను రాఘవపుడి డైరెక్షన్ లో ఒక సినిమా రాబోతుంది. ఈ సినిమాను మైత్రి మూవీ మేకర్స్ భారీ బడ్జెట్ తో నిర్మించనున్నారు. సినిమాలో హీరోయిన్ గా కొత్త అమ్మాయి ఇమాన్విని తీసుకున్నారు. సోషల్ మీడియాలో తన డ్యాన్స్ తో క్రేజీ ఫాలోవర్స్ ని ఏర్పరచుకున్న ఇమాన్వి ప్రభాస్ తో లక్కీ ఛాన్స్ అందుకుంది. ఐతే ఇమాన్వి ప్రభాస్ సినిమా ఆఫర్ రావడానికి ముందే టాలీవుడ్ నుంచి మరో ఆఫర్ అనుకున్నారట.

బుల్లితెర మీద జబర్దస్త్ కామెడీతో సూపర్ క్రేజ్ తెచ్చుకున్న సుడిగాలి సుధీర్ ఇప్పుడు హీరోగా మారి సినిమాలు చేస్తున్నాడు. సాఫ్ట్ వేర్ సుధీర్ నుంచి సుధీర్ లీడ్ రోల్ లో సినిమాలు వస్తున్నాయి. ఐతే ఈ క్రమంలో సుధీర్ లీడ్ రోల్ లో జి.ఓ.ఏ.టి సినిమా ఒకటి వస్తుంది. సినిమా కొన్నాళ్లుగా సెట్స్ మీద ఉంది. త్వరలో రిలీజ్ కాబోతున్న ఈ సినిమాలో సుధీర్ సరసన దివ్యభారతి హీరోయిన్ గా నటించింది.

ఐతే సుధీర్ గోట్ సినిమాలో మొదట హీరోయిన్ గా ఇమాన్విని అనుకున్నారట. సోషల్ మీడియాలో ఆమె డ్యాన్స్ లు చూసి గోట్ సినిమాలో ఆమెను తీసుకోవాలని ట్రై చేశారట. కానీ చిత్ర యూనిట్ కు ఆమె అందుబాటులోకి రాలేదట. అందుకే ఆమె ఆ ఛాన్స్ మిస్ అయ్యింది. ఐతే సుధీర్ తో ఛాన్స్ మిస్సైన ఇమాన్వి ఏకంగా బాహుబలి ప్రభాస్ తో జత కట్టే అవకాశాన్ని దక్కించుకుంది. హను రాఘవపుడి అసలే హీరోయిన్స్ ని చాలా అందంగా చూపిస్తాడు.

ఫౌజి ముహూర్త కార్యక్రమం టైం లోనే ఇమాన్వి తన లుక్స్ తో ఆడియన్స్ ని అలరించింది. మొత్తానికి ఫౌజి తో వెండితెరకు గ్రాండ్ ఎంట్రీ ఇస్తున్న ఇమాన్వి చూస్తుంటే టాప్ లెవెల్ కి వెళ్లే అవకాశాలు కనిపిస్తున్నాయి. సినిమాల్లోకి రాకముందే ఇన్ని చాన్స్ లు అంటే ఇక ఎంట్రీ అది కూడా రెబల్ స్టార్ సినిమాతో వెండితెర తెరంగేట్రం చేస్తుంది కాబట్టి అమ్మడిని ఆపడం ఎవరి వల్లా కాదని చెప్పొచ్చు.

ప్రభాస్ సినిమా నుంచి ఆమె ఫస్ట్ లుక్ రిలీజ్ అవ్వడమే ఆలస్యం స్టార్స్ అంతా కూడా ఆమె మీద ఒక కన్నేసే ఛాన్స్ లేకపోలేదని చెప్పొచ్చు. ఇమాన్వి తో ప్రభాస్ జోడీ అదిరిపోయిందని ఫౌజి పూజా కార్యక్రమం నుంచి వచ్చిన ఫోటోలతో ఫ్యాన్స్ తెగ హంగామా చేశారు.