హరిహర వీరమల్లు న్యూ రిలీజ్ ప్లాన్స్.. ఇది మ్యాటర్!

పవర్ స్టార్ ఫ్యాన్స్ ఎంతో కాలంగా ఎదురుచూస్తున్న హరిహర వీరమల్లు సినిమా అంచనాల సంగతి పక్కన పెడితే, గాసిప్స్ మాత్రం బాగా కన్ఫ్యూజ్ చేస్తున్నాయి. పవన్ కళ్యాణ్ ప్రధాన పాత్రలో క్రిష్ జాగర్లమూడి, జ్యోతికృష్ణ దర్శకత్వంలో తెరకెక్కుతున్న ఈ పాన్ ఇండియా చిత్రం, మొదటే భారీ అంచనాలను ఏర్పరచుకుంది. కానీ అనేక కారణాల వల్ల సినిమా షూటింగ్ వాయిదా పడుతూ వచ్చింది. తాజాగా, సినిమా రిలీజ్ డేట్ గురించి మరోసారి చర్చలు మొదలయ్యాయి.

ఇప్పటివరకు విడుదలకు అనుకున్న ప్రతి తేదీ కూడా వాయిదా పడడంతో అభిమానుల్లో నిరాశ వ్యక్తమవుతోంది. ఒకవేళ ఈసారి కూడా అదే జరుగుతుందా? అనే సందేహం ప్రతి ఒక్కరినీ వేధిస్తున్న సమయంలో, మరో గాసిప్ వైరల్ అవుతోంది. సినిమా షూటింగ్ దాదాపు పూర్తి కావొచ్చినా, కొన్ని కీలకమైన భాగాలు ఇంకా పెండింగ్‌లో ఉన్నాయని తెలుస్తోంది. ముఖ్యంగా పవన్ కళ్యాణ్ రాజకీయాల్లో బిజీగా ఉండటంతో ఆయన డేట్లు సమకూర్చుకోవడం కూడా అంత సులభం కాకపోతుందనే అభిప్రాయం వ్యక్తమవుతోంది.

లేటెస్ట్ బజ్ ప్రకారం, హరిహర వీరమల్లు మేలో రిలీజ్ అవుతుందన్న ప్రచారం జోరుగా సాగుతోంది. ఇంతకాలం మార్చి విడుదల అవుతుందని అనుకున్న సినిమా, ఇప్పుడు 2025 సమయానికి జరిపే ఆలోచనలో ఉన్నట్లు తెలుస్తోంది. ముఖ్యంగా పవన్ DCM గా ఉండడం అలాగే ఏపీ అసెంబ్లీ సమావేశాలకు సిద్ధం కావడంతో అన్నీ కలిపి సినిమాను మరికొంత కాలం వెనక్కి జరిపే అవకాశం ఉందని సినీ వర్గాలు చెబుతున్నాయి. అయితే, ఈ వార్తపై చిత్ర యూనిట్ ఇంకా అధికారిక ప్రకటన చేయలేదు.

సినిమా గురించి మరో ఆసక్తికరమైన విషయం ఏమిటంటే, పవన్ కళ్యాణ్ ఈ సినిమాలో మామూలు యోధుడిగా కాకుండా ఒక విభిన్నమైన యాంగిల్‌లో కనిపిస్తారనే టాక్ ఉంది. ఈ పాత్రలో ఆయన పోషించే శక్తివంతమైన దృశ్యాలు, బ్యాటిల్ ఎపిసోడ్స్‌ ఇప్పటికే షూట్ చేసినవాటిలో హైలైట్ గా నిలుస్తాయని టీం చెబుతోంది. ఎంఎం కీరవాణి అందించిన బ్యాక్‌గ్రౌండ్ స్కోర్ కూడా సినిమాకు ప్రాణం పోస్తుందని సమాచారం.

నిధి అగర్వాల్ హీరోయిన్‌గా నటిస్తుండగా, బాలీవుడ్ నటుడు బాబీ డియోల్ ప్రతినాయక పాత్రలో కనిపించనున్నాడు. ఈ సినిమా వీఎఫ్ఎక్స్ పనులు కూడా ఇప్పటికే ప్రారంభమై, మరింత క్వాలిటీగా ప్రేక్షకుల ముందుకు తీసుకురావడానికి ప్రత్యేకంగా విదేశీ టెక్నీషియన్లను సైతం రంగంలోకి దింపారు. మెగా సూర్య ప్రొడక్షన్స్ బ్యానర్ పై తెరకెక్కుతున్న ఈ ప్రాజెక్ట్ పాన్ ఇండియా లెవెల్లో విడుదల కానుంది. మొత్తానికి, హరిహర వీరమల్లు ఎప్పుడు రాబోతుంది, మరోసారి వాయిదా పడుతుందా? అనేది ఇంకా అధికారికంగా తెలియకపోయినా, మే నెలకు ఫిక్స్ లాంటి వార్తలు వినిపిస్తున్నాయి. మరి ఈ గాసిప్స్ ఎంతవరకు నిజమవుతాయో చూడాలి.