పార్టీలో బోయ్ ఫ్రెండ్‌తో పాటు పాపా బోనీ చిల్
అలాంటి గొప్ప అనుభూతిని ఆస్వాధిస్తున్నారు ఇక్క‌డ క‌నిపిస్తున్న ఈ పిల్ల‌లు.
పిల్ల‌లంటే స‌ర‌దాగా సంద‌డిగా ఉంటారు. కలిసి పార్టీలు గ‌ట్రా చేసుకుంటారు. సినిమ‌లు క్ల‌బ్ లు ప‌బ్ లు వ‌గైరా కామ‌న్ థింగ్. స్కూల్ కాలేజ్ డేస్ నుంచి కలిసి మెలిసి తిరిగిన స్నేహితులు ఓ చోట చేరితే ఎలా ఉంటుందో కూడా మ‌నకు తెలుసు. అది అరుదైన సందర్భంగా అరుదైన దృశ్యంగా మారుతుంది. మ‌ర‌పురాని అనుభూతుల‌ను ఇస్తుంది. అలాంటి గొప్ప అనుభూతిని ఆస్వాధిస్తున్నారు ఇక్క‌డ క‌నిపిస్తున్న ఈ పిల్ల‌లు. వీరంతా స్టార్ కిడ్స్.
చూసారు క‌దా.. పాపా బోనీ కపూర్ ఈ గ్రూప్ తో ఎలా క‌లిసిపోయి జాలీగా ఆనందిస్తున్నారో. పిల్ల‌ల్ని ఆశీర్వ‌దించ‌డం పెద్ద‌ల విధి. దీనిని బాగా అర్థం చేసుకున్న బోనీ కపూర్ తన వార‌సురాళ్లకు ఎలాంటి స్వేచ్ఛ కావాలో అలాంటి స్వేచ్ఛ‌ను క‌ల్పించారు. వారి కెరీర్, వ్య‌క్తిగ‌త జీవితం, ప్రేమ పెళ్లి వ‌గైరా విష‌యాల్లో నిర్ణ‌యాలు వారికే వదిలేస్తున్నార‌ని అర్థ‌మ‌వుతోంది. బోనీ కేవ‌లం స‌ల‌హాలు మాత్ర‌మే ఇస్తారు. వాటిని పాటించాలా వ‌ద్దా పిల్ల‌ల ఇష్టం.
వ్య‌క్తిగ‌తంగా డేటింగులు వ‌గైరా వ్య‌వ‌హారాల్లోను అత‌డు ఇన్వాల్వ్ కాడు. జాన్వీ కపూర్ ఇప్ప‌టికే శిఖర్ పహారియాతో ప్రేమ‌లో ఉంది. ఆ ఇద్ద‌రి డేటింగ్ కి బోనీ అంగీకారం ఉంది. ఇక ఖుషీ కపూర్ సైతం వేదాంగ్ రైనాతో ప్రేమ‌లో ఉంద‌ని ప్ర‌చారం ఉంది. కలిసి చాలా సార్లు ఆ ఇద్ద‌రూ పార్టీల్లో క‌నిపించారు. విదేశీ విహార‌యాత్ర‌ల‌కు క‌లిసే వెళ్లారు. ఇప్పుడు ఖుషీ కపూర్ తన 24వ పుట్టినరోజును 5 నవంబర్ 2024న జరుపుకున్నారు. పింక్ హియర్-షేప్‌లో పుట్టినరోజు కేక్ ని క‌ట్ చేసి స్నేహితుల‌తో జాలీగా స్పెండ్ చేసింది ఖుషీ. ఈ ఫోటోలలో ఆమె తండ్రి బోనీ కపూర్, ప్రత్యేక స్నేహితుడు వేదాంగ్ రైనా, షానాయ కపూర్ ఇత‌ర స్నేహితులు కూడా ఉన్నారు.
ఈ పార్టీని స్టార్ కిడ్స్ ఏ రేంజులో చిల్ చేసారో చూస్తుంటేనే అర్థ‌మ‌వుతోంది. ముఖ్యంగా బ‌ర్త్ డే బేబి ఖుషీ చాలా ఆనందంగా ఉంది. మీడియా క‌థ‌నాల ప్రకారం... ఖుషీ - వేదంగ్ రైనా కొంతకాలంగా రిలేషన్‌షిప్‌లో ఉన్నారు, అయితే ఈ జంట దాని గురించి బహిరంగంగా మాట్లాడలేదు. వారిద్దరి మధ్య ఏదో ఒక ప్రత్యేక విష‌యం నడుస్తోందనడానికి వారి రెగ్యులర్ విహారయాత్రలే నిదర్శనం. వీరిద్దరూ ఇటీవల ఖుషీ సోదరి జాన్వీ కపూర్ .. ఆమె ప్రియుడు శిఖర్ పహారియాతో కలిసి విహారయాత్రకు వెళ్లారు. బీచ్ వెకేష‌న్ నుండి అనేక ఫోటోలు, వీడియోలను షేర్ చేయ‌గా అవి వైర‌ల్ అయ్యాయి.
వేదాంగ్ రైనా- ఖుషీ 2023లో సుహానా ఖాన్ - అగస్త్య నందాతో కలిసి జోయా అక్తర్ `ది ఆర్చీస్‌`లో తెరంగేట్రం చేశారు. అప్పటి నుండి వారి సంబంధంపై పుకార్లు షికార్ చేస్తున్నాయి. కెరీర్ పరంగా వేదాంగ్ ఇటీవలి ప్రాజెక్ట్ జిగ్రాలో అలియా భట్‌తో కలిసి నటించాడు. మ‌రోవైపు ఖుషీ `నాదనియన్‌`లో అమీర్ ఖాన్ కుమారుడు జునైద్ ఖాన్‌తో పాటు కనిపించనుంది. ఇంకా టైటిల్ నిర్ణ‌యించ‌ని రొమాంటిక్ కామెడీలో కూడా కనిపించనుంది.