'పుష్ప‌-2' కోసం 'సెల్పీష్' ని ప‌క్క‌న‌బెట్టారా?

యంగ్ హీరో అశీష్ క‌థానాయ‌కుడిగా దిల్ రాజు నిర్మాణం ఏడాది క్రితం 'సెల్పిష్' అనే సినిమా ప్రారంభ‌మైన సంగ‌తి తెలిసిందే. రెగ్యుల‌ర్ షూటింగ్ కూడా మొద‌లైంది. అయితే ఆ సినిమా ఇప్ప‌టికే షూటింగ్ స‌హా అన్ని ప‌నులు పూర్తి చేసుకుని రిలీజ్ అవ్వాలి. కానీ రిలీజ్ కాదు క‌దా? ప్రాజెక్ట్ గురించి క‌నీస అప్ డేట్ కూడా లేదు. అప్ డేట్ లేక‌పోవ‌డంతో సినిమా ఆగిపోయిందా? అన్న సందేహాలు సైతం తెర‌పైకి వ‌చ్చాయి.

అయితే తాజాగా ఆ సినిమా అప్ డేట్ ఇలా వ‌స్తుంద‌ని ఎవ‌రూ ఊహించ‌లేదు. ఆ సినిమా తాత్కాలికంగా ఆగిపోవ‌డానికి ద‌ర్శ‌కుడు సుకుమార్ కార‌ణంగా వెలుగులోకి వ‌స్తోంది. 'సెల్పీష్' చిత్రాన్ని సుకుమార్ శిష్యుడు కాశీ ద‌ర్శ‌క‌త్వం వ‌హిస్తున్నాడు. ఈ సినిమా నిర్మాణంలో సుకుమార్ కూడా భాగ‌స్వామి. ఆయ‌న రైటింగ్స్ ఆధ్వ‌ర్యంలో ప్రాజెక్ట్ ముందుకెళ్తుంది. కొంత శాతం షూటింగ్ కూడా పూర్త‌యింది.

అయితే ఈ సినిమా క‌థ‌లో దిల్ రాజు సుకుమార్ ని మార్పులు కోరారుట‌. స్టోరీ విష‌యంలో ఎక్క‌డో అసంతృప్తి ఉండటంతో రాజుగారు విష‌యాన్ని సుకుమార్ దృష్టికి తీసుకెళ్లారుట‌. అయితే ఆ స‌మ‌యంలో సుకుమార్ పుష్ప‌-2 షూటింగ్ తో పుల్ బిజీగా ఉండ‌టంతో? ఇప్ప‌ట్లో ఆ ప్రాజెక్ట్ గురించి మాట్లాడొ ద్ద‌ని..పుష్ప‌-2 అయిన త‌ర్వాత చూద్దాం అన్నారుట‌. దీంతో దిల్ రాజు ఆ చిత్ర షూటింగ్ ని తాత్కాలికంగా వాయిదా వేసారు.

తాజాగా 'పుష్ప‌-2' డిసెంబ‌ర్ లో రిలీజ్ అవుతోన్న నేప‌థ్యంలో సుకుమార్ 'సెల్పిష్' ప‌నుల్లో ప‌డే అవకాశం ఉంది. 'పుష్స-2' రిలీజ్ అనంత‌రం సుకుమార్‌తో కథలో మార్పుల గురించి చర్చించి, బ్యాలెన్స్‌ చిత్రీకరణ పూర్తిచేస్తానని దిల్‌ రాజు తాజా ప్రెస్‌మీట్‌లో రివీల్ చేసారు. ఆర‌కంగా శిష్యుడి సినిమా కోసం సుకుమార్ మ‌రోసారి రంగంలోకి దిగుతున్నార‌న్న మాట‌.