`ఖైదీ-2` ముహూర్తం ఫిక్సైపోయిందా!

కార్తీ క‌థానాయ‌కుడిగా లోకేష్ క‌న‌గ‌రాజ్ ద‌ర్శ‌క‌త్వంలో తెర‌కెక్కిన `ఖైదీ` ఎలాంటి విజ‌యం సాధించిందో తెలిసిందే. ఆ సినిమాతో లోకేష్ క‌న‌గ‌రాజ్ పాన్ ఇండియాలో ఫేమ‌స్ అయ్యాడు. దీంతో `ఖైదీ-2` కూడా ప్ర‌క‌టించారు. కానీ అటుపై `విక్ర‌మ్`..`లియో` చిత్రాల‌తో క‌న‌గ‌రాజ్ పెను సంచ‌ల‌నంగా మారాడు. వాటికి కంటున్యూగా ఎల్ సీ యూని మ‌రిన్ని సినిమాలుంటాయ‌ని ప్ర‌క‌టించ‌డంతో? దీంతో కార్తీ తో `ఖైదీ`2 ఇప్పట్లో ఉంటుందా? ఉండ‌దా? అన్న‌ సందేహాలు వ్య‌క్త‌మ‌య్యాయి.

అయితే `ఖైదీ -2` ఇదే ఏడాది ప‌ట్టాలెక్కుతుంద‌ని లోకేష్ ఇప్ప‌టికే ప్ర‌క‌టించాడు. `కూలీ `త‌ర్వాత ఆ చిత్రాన్నే లోకేష్ ప్రారంభిస్తాడని అంతా భావిస్తున్నారు. కానీ ఏనెల‌లో ప్రారంభమ‌వుతుంది? అన్న దానిపై స్ప‌ష్ట‌త లేదు. ఈ నేప‌థ్యంలో తాజాగా `ఖైదీ-2` జులై లేదా ఆగ‌స్టులో ప‌ట్టాలెక్కించాల‌ని ప్లాన్ చేస్తున్నాడు. స్క్రిప్ట్ కూడా సిద్దంగా ఉండ‌టంతో ఇక ఆల‌స్యం చేయ‌కుండా మొద‌లు పెట్టాల‌ని లోకేష ప‌ట్టు మీద ఉన్నాడుట‌.

ఈసినిమాకి సంబంధించి కార్తీ కూడా డేట్లు కూడా ఆగ‌స్టు నుంచి కేటాయించాడుట‌. ప్ర‌స్తుతం ఆన్ సెట్స్ లో ఉన్న‌ సినిమాలు మిన‌హా కొత్త ప్రాజెక్ట్ లు ఏవీ అంగీక‌రించ‌డం లేద‌ని...`ఖైదీ-2` కోస‌మే తాను ఆస‌క్తిగా ఎదురు చూస్తున్న‌ట్లు తెలుస్తోంది. ఈ చిత్రాన్ని పాన్ ఇండియాలో భారీ ఎత్తున ప్లాన్ చేస్తున్నారు. `ఖైదీ` త‌ర‌హాలో రెండ‌వ భాగం కూడా ఊర మాస్ గా ఉంటుందంటున్నారు. క‌థ‌లో పాత పాత్ర‌ల‌తో పాటు కొత్త పాత్ర‌లు అధ‌నంగా యాడ్ అవుతాయ‌ని తెలుస్తోంది.

మ‌రో విష‌యం కూడా కోలీవుడ్ మీడియాలో చ‌ర్చ‌కొస్తుంది. `ఖైదీ 2` షూటింగ్ 75 రోజుల్లోనే పూర్తి చేసే ప్ర‌ణాళిక‌తో లోకేష్ రెడీ అవుతున్నాడుట‌. ప్ర‌స్తుతం లొకేష్ తెర‌కెక్కిస్తోన్న `కూలీ` చిత్రం మేలో రిలీజ్ చేయాల‌ని ప్లాన్ చేస్తున్నారు. ఇప్ప‌టికే రిలీజ్ తేదీ మే 1 గా ఫిక్స్ అయింది. రిలీజ్ అనంత‌రం లోకేష్ `ఖైదీ 2 `ప‌నుల్లోనే నిమ‌గ్న‌మ‌వుతాడ‌ని తెలుస్తోంది.