కార్తీ సినిమాకు యునానిమస్ హిట్ టాక్..!

కార్తీ అరవింద్ స్వామి లీడ్ రోల్ లో ప్రేమ్ కుమార్ డైరెక్షన్ లో తెరకెక్కిన సినిమా మేయలగన్. తెలుగులో ఈ సినిమా సత్యం సుందరం గా రిలీజ్ అవుతుంది. శుక్రవారం రిలీజ్ అవుతున్న మేయగలన్ సినిమాకు స్పెషల్ ప్రీమియర్స్ వేయగా సినిమాకు యునానిమస్ పాజిటివ్ టాక్ వచ్చింది. ప్రేమ్ కుమార్ ఇదివరకు 96 సినిమా చేశారు. విజయ్ సేతుపతి త్రిష జంటగా నటించిన ఆ సినిమా కూడా సూపర్ హిట్ అయ్యింది. ఫెయిల్యూర్ లవ్ స్టోరీని ప్రేమ్ కుమార్ ఎంతో హృద్యంగా చెప్పారు. ఇక ఆ సినిమాకు గోవిన్ వసంత్ అందించిన మ్యూజిక్ నెక్స్ట్ లెవెల్ అని తెలిసిందే.

కార్తీ మేయలగన్ సినిమాకు కూడా ప్రేం కుమార్ గోవింద్ వసంత్ నే మ్యూజిక్ డైరెక్టర్ గా పెట్టుకున్నారు. ఈ సినిమా టీజర్, ట్రైలర్ తోనే సంథింగ్ స్పెషల్ అనిపించింది. ఇద్దరు కజిన్స్, అదే బావ, బామ్మర్ది మధ్య జరిగే కథ. వారి మధ్య అనుబంధం.. ప్రేమ ఇలా సినిమా కథ అంతా వారి చుట్టే తిరుగుతుంది. ఈ సినిమా ప్రీమియర్ షో చూసిన వారంతా తప్పకుండా అందరు చూడాల్సిన సినిమా అని అంటున్నారు.

కథ కథనం ఎమోషనల్ పార్ట్ ఇలా అన్ని అంశాల్లో ప్రేమ్ కుమార్ మరోసారి అదరగొట్టాడని అంటున్నారు. ముఖ్యంగా ఈ సినిమా తమిళ సంప్రదాయాల గురించి చెబుతూ ప్రతి ఒక్కరిని తమ చిన్నతనానికి తీసుకెళ్లేలా చేస్తుందని అంటున్నారు. ముఖ్యంగా సినిమాలో జల్లికట్టుకి సంబంధించిన సీన్స్ ఉన్నాయని అవి అద్భుతంగా వచ్చాయని అంటున్నారు. ఐతే తమిళ్ లో మేయలగన్ సినిమాను తెలుగులో సత్యం సుందరం అని రిలీజ్ చేస్తున్నారు.

మరి ఎక్కువగా తమిళ నేటివిటీ ఉన్న ఈ సినిమా తెలుగు ఆడియన్స్ కు ఎంత నచ్చుతుంది అన్నది చూడాలి. ఒకరోజు రాత్రిలో జరిగే కథగా మేయలగన్ అదే సత్యం సుందరం వస్తుంది. ఐతే తెలుగులో ఈ సినిమా ఎన్టీఆర్ దేవరకు పోటీగా వస్తుంది. తమిళ్ లో ఎలాగు సూపర్ హిట్ టాక్ తెచ్చుకుంది కాబట్టి అక్కడ పాస్ అయినట్టే. మరి తెలుగు రిజల్ట్ సంగతి ఏంటన్నది చూడాలి. మేయలగన్ సినిమాను 2D ఎంటర్టైన్మెంట్స్ బ్యానర్ లో సూర్య, జ్యోతిక కలిసి నిర్మించారు. కార్తీ ఖాతాలో మరో సక్సెస్ ఫుల్ సినిమాగా మేయలగన్ నిలుస్తుందా లేదా అన్నది శుక్రవారం ప్రేక్షకులు ఇచ్చే రివ్యూని బట్టి తెలుస్తుంది.