కీర్తి హింట్.. ఇన్నాళ్లకు బల్బ్ వెలిగింది..!

తన 15 ఏళ్ల ప్రేమను పరిచయం చేస్తూ మహానటి కీర్తి సురేష్ ఇచ్చిన సర్ ప్రైజ్ తెలిసిందే. కాలేజ్ డేస్ నుంచే లవ్ స్టోరీ నడిపించిన కీర్తి తాను సినిమాల్లోకి వచ్చి స్టార్ హీరోయిన్ అయినా కూడా ఆ ప్రేమను కొనసాగించింది. తన ప్రేమికుడు ఆంటోనితో తన లవ్ కన్ఫర్మ్ చేస్తూ కీర్తి చేసిన పోస్ట్ ఆమె ఫ్యాన్స్ ని విశేషంగా ఆకట్టుకుంది. గత వారం రోజుల నుంచే కీర్తి సురేష్ పెళ్లిపై సోషల్ మీడియాలో చర్చ కొనసాగుతుంది. గోవాలో డిసెంబర్ 12న మ్యారేజ్ అని కూడా చెప్పారు.

ఐతే పెళ్లి మ్యాటర్ ఏమో కానీ కీర్తి సురేష్ తన లవర్ ని పరిచయం చేసింది. 15 ఏళ్లు ఇంకా కొనసాగుతుంది అంటూ ఆంటోని పేరుని రివీల్ చేసింది. ఐతే ఆంటోనీ, కీర్తి సురేష్ ఇద్దరు పేర్లు కలిసి వచ్చేలా NYKE అంటూ ప్రేమ భాషతో చెప్పింది. ఐతే ఇక్కడ అసలు ట్విస్ట్ ఏంటంటే కీర్తి సురేష్ దగ్గర ఉన్న పెట్ పేరు నైక్ అని పెట్టింది. అంటే ప్రియుడి పేరులోని చివరి రెండు అక్షరాలు కీర్తి పేర్లో మొదటి రెండు అక్షరాలు అన్నమాట.

సో ఈ పెట్ పేరు చెప్పినప్పుడే కీర్తి తన ప్రియుడిని ఇన్ డైరెక్ట్ గా చెప్పింది. కానీ ఆడియన్స్ అప్పుడు గుర్తించలేదు. కానీ ఆంటోనీ, కీర్తి పేర్లు బాగా అబ్జర్వ్ చేస్తే వారిద్దరి పేర్లు కలిసి వచ్చేలా ఆ పెట్ కి పేరు పెట్టారని అర్థమవుతుంది. అంతేకాదు ఆ పెట్ కూడా ఆంటోని కీర్తికి గిఫ్ట్ గా ఇచ్చాడని తెలుస్తుంది. సో ప్రేమికుడితో ప్రతి సందర్భంలో ఉండటం కుదరదు కాబట్టి అతన్ని ఆ పెట్ లో చూసుకుని మురిసిపోతుంది కీర్తి.

నటిగా ఎన్నో మంచి మంచి పాత్రల్లో నటించి సౌత్ లో స్టార్ క్రేజ్ తెచ్చుకున్న కీర్తి సురేష్ తన రియల్ లైఫ్ లో కూడా ఒక జోడీని ఎంచుకుంది. ఐతే 15 ఏళ్లుగా ప్రేమలో ఉన్న ఈ జంట ఇలానే పెళ్లి తర్వాత ఒకరిని ఒకరు ప్రేమించుకుంటూ ఉండాలని ఆడియన్స్ కోరుతున్నారు. ఇక కీర్తి సురేష్ సినిమాల విషయానికి వస్తే తెలుగులో ఆమెకు అవకాశాలు లేవు. ప్రస్తుతం బాలీవుడ్ లో కీర్తి నటించిన బేబీ జాన్ రిలీజ్ కు రెడీ అవుతుంది. బాలీవుడ్ ఆడియన్స్ ను తన గ్లామర్ తో ఆకట్టుకోవాలని చూస్తున్న కీర్తి సురేష్ బేబీ జాన్ లో స్కిన్ షో అదరగొట్టేసిందని తెలుస్తుంది.