ఆ నీళ్లు పడితే చాలు మార్పు మొదలైనట్టే..!

సౌత్ లో టాలెంటెడ్ యాక్టర్ గా సూపర్ క్రేజ్ తెచ్చుకున్న నటి కీర్తి సురేష్. మలయాళ పరిశ్రమలో కెరీర్ మొదలు పెట్టిన అమ్మడు తెలుగులో కూడా టాప్ హీరోయిన్ గా క్రేజ్ తెచ్చుకుంది. మహానటి తర్వాత అమ్మడి రేంజ్ మారిపోయింది. తన సహజ నటనతో ప్రేక్షకులను అలరిస్తూ వస్తున్న కీర్తి సురేష్ కెరీర్ కొన్నాళ్లు సక్సెస్ ఫుల్ గా కొనసాగించాలంటే గ్లామర్ షో కూడా తప్పనిసరి అని తెలుస్తుంది. ఈ క్రమంలో స్లిం గా మారి గ్లామర్ సైడ్ కూడా సత్తా చాటుతూ వస్తుంది.

లాస్ట్ ఇయర్ తెలుగులో దసరా తో సూపర్ హిట్ అందుకున్న అమ్మడు తమిళ్ లో కూడా మామన్నన్ సినిమాతో సత్తా చాటింది. ఇక మరోపక్క భోళా శంకర్ లో కూడా నటించిన అమ్మడు ఆ సినిమాతో ఫెయిల్యూర్ ఫేస్ చేసింది. ఈ ఇయర్ ఇప్పటికే తమిళంలో 4 సినిమాల దాకా చేస్తున్న కీర్తి సురేష్ బాలీవుడ్ లో బేబీ జాన్ సినిమాలో కూడా ఛాన్స్ అందుకుంది. కోలీవుడ్ లో సూపర్ హిట్ అయిన తెరి రీమేక్ గా బేబీ జాన్ తెరకెక్కుతుంది.

ఈ సినిమాలో నటించేందుకు కీర్తి సురేష్ భారీ రెమ్యునరేషన్ అందుకుందని తెలుస్తుంది. అంతేకాదు సినిమాలో ముందు లిప్ లాక్ సీన్ అనుకోలేదు కానీ అది ఉంటే బాగుంటుందని డైరెక్టర్ చెప్పగా అందుకు ముందు వద్దని వారించిన కీర్తి సురేష్ ఫైనల్ గా దానికి ఓకే అనేసిందట. కీర్తి సురేష్ కెరీర్ లో చేయబోతున్న మొదటి లిప్ లాక్ సీన్ ఇదే అని చెప్పొచ్చు. వరుణ్ ధావన్ హీరోగా నటిస్తున్న బేబీ జాన్ సినిమాలో టైగర్ ష్రాఫ్ వామికా గబ్బీలు కూడా నటిస్తున్నారు.

సౌత్ లో ఇన్ని సినిమాలు చేసినా కీర్తి సురేష్ ఏ హీరోతో కూడా లిప్ లాక్ చేయలేదు కానీ ఇప్పుడు బాలీవుడ్ లో మొదటి సినిమాకే అమ్మడు లిప్ లాక్ చేస్తుంది. కీర్తి సురేష్ ఫ్యాన్స్ కి ఇది సూపర్ న్యూస్ అని చెప్పొచ్చు. తెలుగులో ఈమధ్య దూకుడు తగ్గించిన అమ్మడు తమిళ, హిందీ భాషల్లో సినిమాలు చేస్తుంది. బేబీ జాన్ హిట్ పడితే మాత్రం బాలీవుడ్ లో దూసుకెళ్లడం పక్కా అని చెప్పొచ్చు. తెలుగులో కీర్తి సురేష్ దూకుడు తగ్గిందని చెప్పొచ్చు. ఇక్కడ సినిమా అంటే కచ్చితంగా యాక్టింగ్ కి స్కోప్ ఉంటేనే చేస్తానని అంటుంది. అందుకే తెలుగులో కాకుండా తమిళ హిందీ భాషల్లో సినిమాలు చేస్తూ వెళ్తుంది అమ్మడు.