ఆ స్టార్ హీరో కోసం మ‌రోసారి రంగంలోకి యువ సంచ‌ల‌నం!

షారుక్ ఖాన్ పుల్ స్వింగ్ లో ఉన్న సంగ‌తి తెలిసిందే. వ‌రుస విజ‌యాల‌తో దూసుకుపోతున్నాడు. ప‌ఠాన్, జ‌వాన్, డంకీ ల‌తో బాక్సాఫీస్ వ‌ద్ద మోతెక్కించాడు. చాలా కాలం త‌ర్వాత షారుక్ వ‌రుస‌గా అందుకున్న విజ‌యాలివి. ప్ర‌స్తుతం అత‌డు చేస్తోన్న ప్రాజెక్ట్ ల‌తో పాటు పిల్ల‌ల కెరీర్ ని సైతం సెట్ చేసే ప‌నిలో ఉన్నారు. 'కింగ్' అనే సినిమాతో త‌నయ సుహానాఖాన్ ప‌రిచ‌యం అవుతుంది. ఈ సినిమాలో షారుక్ ఖాన్ ఓ కీల‌క పాత్ర పోషిస్తున్నాడు.

త‌న‌య‌ని ఎలాగైనా స‌క్సెస్ చేయాల‌ని ఈ ప్రాజెక్ట్ లోకి కింగ్ దిగారు. మ‌రోవైపు త‌న‌యుడు ఆర్య‌న్ ఖాన్ ద‌ర్శ‌కు డిగానూ ఎంట్రీ ఇస్తున్నాడు. సినిమా కాకుండా ఓ వెబ్ సిరీస్ ని డైరెక్ట్ చేస్తున్నాడు. దీన్ని షారుక్ నెట్ ప్లిక్స్ తో క‌లిసి రెడ్ చిల్లీస్ ఎంట‌ర్ టైన్ మెంట్ పై నిర్మిస్తున్నాడు. తాజాగా ఈ విష‌యాన్ని మ‌రోసారి షారుక్ క‌న్ప‌మ్ చేసాడు. ప్రేక్షకులు ఊహించ‌ని విధంగా ఈ సిరీస్ ఉంటుంద‌ని..ఎంతో ఎగ్జైట్ మెంట్ తెచ్చే అంశాలెన్నో ఉన్నాయ‌ని ధీమా వ్య‌క్తం చేస్తున్నాడు.

ఈ సంద‌ర్భంగా మ‌రోసారి త‌న సినిమా కోసం యువ మ్యూజిక్ సంచ‌ల‌నం అనిరుద్ ని రెడీగా ఉండంటి అంటూ ఓ సిగ్నెల్ ఇచ్చాడు. దీంతో మ‌రోసారి అనిరుద్ షారుక్ కాంపౌండ్ లోకి ఎంట్రీ షురూ అయింది. అయితే ఈ ఆఫ‌ర్ త‌న సినిమాకా? త‌న‌యుడు ప‌నిచేస్తున్నా వెబ్ సిరీస్ కా? అన్న సందేహం క‌లుగుతుంది. ప్ర‌స్తుతానికి షారుక్ సినిమాలు చేయ‌లేదు. మొన్న‌టివ‌ర‌కూ వ‌రుస సినిమాల‌తో అలసిపోయాడు. కొత్త ప్రాజెక్ట్ లు వ‌చ్చే ఏడాది మొద‌లు పెడ‌తారు.

ప్ర‌స్తుతం స్టోరీల‌కు సంబంధించిన ప‌నుల్లో బిజీగా ఉన్నాడు. షారుక్- అనిరుద్ కాంబినేష‌న్ లో స‌క్సెస్ అయిన జ‌వాన్ గురించి చెప్పాల్సిన ప‌నిలేదు. పాన్ ఇండియాలో ఈ సినిమా సంచ‌ల‌న విజ‌యం సాధించింది. రోటీన్ కంటెట్ అయినా బాక్సాఫీస్ ని షేక్ చేసింది. అన్నింటిని మించి అనిరుద్ మ్యూజిక్..బ్యాక్ గ్రౌండ్ స్కోర్ హైలైట్ గా నిలిచింది. సినిమా స‌క్సెస్ లో ఆర్ ఆర్ కీల‌క పాత్ర పోషించింది. ప్ర‌స్తుతం ఫాంలో ఉన్న మ్యూజిక్ డైరెక్ట‌ర్ కూడా అనిరుద్. ఈ నేప‌థ్యంలోనే షారుక్ మ‌రోసారి ముందుగానే లాక్ చేసి పెట్టుకుంటున్నాడు.