కిరణ్ అబ్బవరం కొత్త మూవీ టైటిల్.. ఇక ర్యాంపే!

టాలీవుడ్ యంగ్ హీరో కిరణ్ అబ్బవరం రీసెంట్ గా క సినిమాతో ప్రేక్షకుల ముందుకు వచ్చి మంచి సక్సెస్ అందుకున్న విషయం తెలిసిందే. సస్పెన్స్ థ్రిల్లర్ జోనర్ లో సుజీత్, సందీప్ సంయుక్తంగా దర్శకత్వం వహించిన ఆ మూవీతో గట్టి కమ్ బ్యాక్ ఇచ్చారు. ముఖ్యంగా రిలీజ్ కు ముందే చెప్పి మరీ భారీ హిట్ ను కొట్టారు.

నేను మీకు బాగా కావాల్సినవాడిని, మీటర్, రూల్స్ రంజన్ వంటి సినిమాలు వరుసగా డిజాస్టర్లుగా మారడంతో ఏడాదికి పైగా గ్యాప్ తీసుకున్నారు కిరణ్. ఇప్పుడు రూ.50 కోట్లకుపైగా వసూళ్లు రాబట్టిన క మూవీతో సాలిడ్ హిట్ ను దక్కించుకున్నారు. నిర్మాణంలోనూ భాగమైనందుకు రెమ్యునరేషన్ తోపాటు లాభాలు కూడా అందుకున్నారు!

అయితే ఇప్పుడు దిల్ రుబా మూవీతో ప్రేక్షకుల ముందుకు వచ్చేందుకు సిద్ధమవుతున్నారు కిరణ్ అబ్బవరం. నిజానికి క మూవీ కన్నా ముందే దిల్ రుబా రావాల్సింది. ఎందుకో ఏమో తెలియదు కానీ.. సినిమాను రిలీజ్ చేయలేదు. కొత్త డైరెక్టర్ విశ్వ కరుణ్ తెరకెక్కించిన ఆ లవ్ ఎంటర్టైనర్ మూవీ క తర్వాత రిలీజ్ చేస్తున్నారు.

ఆ సినిమాలో కిరణ్ సరసన రుక్సర్ థిల్లాన్ హీరోయిన్ గా కనిపించనున్న విషయం తెలిసిందే. అయితే క మంచి సక్సెస్ అవ్వడంతో ఇప్పుడు కెరీర్ ను సరైన రీతిలో బిల్ట్ చేసుకునేందుకు ట్రై చేస్తున్నారని వార్తలు వస్తున్నాయి. నిర్మాతల నుంచి అడ్వాన్సులు వస్తున్నప్పటికీ.. తొందరపడకుండా ఆచితూచి వ్యవహరిస్తున్నారని టాక్.

అదే సమయంలో కిరణ్ అబ్బవరం.. ఇప్పుడు మారుతి, ఎస్ కే ఎన్ తో చేతులు కలిపినట్లు టాక్ వినిపిస్తోంది. మారుతి, ఎస్కేఎన్ నిర్మాణంలో ఓ కొత్త దర్శకుడి డైరెక్షన్ లో ఓ మూవీ చేయనున్నారని నెట్టింట ఊహాగానాలు చక్కర్లు కొడుతున్నాయి. మారుతి అసిస్టెంట్ రవి ఆ మూవీతో డైరెక్టర్ గా పరిచయమవుతారని తెలుస్తోంది.

మరోవైపు, కిరణ్ అబ్బవరం కొత్త మూవీ టైటిల్ అంటూ ఒక వార్త నెట్టింట చక్కర్లు కొడుతోంది. K- RAMP అనే టైటిల్ ను పెడుతున్నట్లు రూమర్స్ వినిపిస్తున్నాయి. ఇప్పుడు ఆ విషయం వైరల్ గా మారినా.. అదే ఏ సినిమాకు టైటిల్ అన్న విషయం క్లారిటీ లేదు. మారుతి, ఎస్ కే ఎన్ నిర్మాణంలో చేయాల్సిన మూవీదా లేదా వేరేదా అన్నది తెలియాల్సి ఉంది. మరి అసలు నిజమో కాదో కూడా తెలియాల్సి ఉంది.