లండ‌న్ బ్రిడ్జి కూలుతుంటే మెగా కోడ‌లు సాహ‌సం!

వ‌రుణ్ తేజ్ -లావణ్య‌ త్రిపాఠి జంట విదేశీ విహారంలో చిల్ అవుతున్నారు. ఈ అంద‌మైన జంట వెకేష‌న్ ని పూర్తిగా ఎంజాయ్ చేస్తోంద‌ని ఇప్ప‌టివ‌ర‌కూ రిలీజైన ఫోటోలు వెల్ల‌డించాయి. ఈ వేసవి విరామాన్ని స‌వ్యంగా వినియోగిస్తోంది ఈ జంట‌. ఇటీవ‌లే హైదరాబాద్ నుండి బ‌య‌లుదేరిన‌ ఈ జంట ప్రస్తుతం లండన్ వెకేష‌న్‌లో ఉంది. ఇన్ స్టాలో షేర్ చేస్తున్న ఫోటోలకు అభిమానుల నుండి చాలా ప్రశంసలు కురుస్తున్నాయి.

వ‌రుణ్ - లావ‌ణ్య ట్రెక్కింగ్ , పర్వతారోహణ వంటి సాహ‌సాలతో అబ్బుర‌ప‌రుస్తున్నారు. ఈ జంట‌ లండన్ వీధులు పార్కుల గుండా ప్ర‌యాణిస్తూ అద్భుతమైన ఫోటోల‌ను షేర్ చేస్తుంటే అవి వైర‌ల్ గా మారుతున్నాయి. తాజాగా లండ‌న్ బ్రిడ్జి వేలాడుతోంది. ప్రమాదం నుంచి ఆపండి అంటూ లావ‌ణ్య స‌ర‌దాగా ఫోటోగ్రాఫ్‌ని షేర్ చేసింది.

లండన్ వంతెన పడిపోతున్నప్పుడు, ఎవరైనా అడుగు పెట్టాలి.. దానిని పట్టుకోవటానికి ప్రయత్నించండి! అని స‌ర‌దాగా రాసారు లావ‌ణ్య‌. మంచి వైబ్స్.. స్వచ్ఛమైన గాలి.. అంతులేని సూర్యరశ్మి అని మరొక ఫోటోలో వ్యాఖ్య‌ను జోడించింది. లండ‌న్ ట‌న్నెల్స్ లో ప్ర‌యాణానికి సంబంధించిన ఫోటోల‌ను షేర్ చేయ‌గా వైర‌ల్ అయ్యాయి.

బ‌యోపిక్ లో న‌టిస్తున్న వ‌రుణ్‌

వెకేష్ త‌ర‌వాత వ‌రుణ్ తేజ్ మాట్కా షూటింగ్‌ను తిరిగి ప్రారంభిస్తాడు. కరుణ కుమార్ దర్శకత్వం వహిస్తున్న‌ ఈ చిత్రం భారతదేశంలో బెట్టింగ్ వ్యవస్థ కారణంగా మాట్కా కింగ్ అని పిలుపందుకున్న‌ రతన్ ఖిత్రి జీవితం ఆధారంగా రూపొందుతోంది. ఇది నిజ ఘ‌ట‌న‌ల‌తో కూడుకున్న క‌ల్పిత కథ అని తెలుస్తోంది. దర్శకుడు దానిని ఆకర్షణీయంగా ప్రదర్శించడానికి సినిమాటిక్ స్వేచ్ఛను అనుస‌రిస్తున్నాడు.