కీర్తి సురేష్ పెళ్లి… గెస్టులు కొందరే..!

సౌత్ ఇండియా స్టార్ హీరోయిన్ కీర్తి సురేష్ పెళ్లి పీటలు ఎక్కబోతున్న సంగతి తెలిసిందే. డిసెంబర్ లోనే ఆమె చిన్ననాటి స్నేహితుడు, ప్రియుడు ఆంటోనీ తటిల్ ని కీర్తి సురేష్ వివాహం చేసుకోబోతోంది. దీనికి రెండు కుటుంబాల వారు ఏర్పాట్లు చేసుకుంటున్నారు. గోవాలో వీరిద్దరి వివాహం కుటుంబ సభ్యులు, బంధుమిత్రుల సమక్షంలో గ్రాండ్ గా జరగబోతోంది. ఈ విషయాన్ని కీర్తి సురేష్ కూడా అధికారికంగా ధృవీకరించింది.

చాలా రోజులుగా కీర్తి సురేష్ పెళ్లి గురించి సోషల్ మీడియాలో ప్రచారం జరుగుతోంది. అయితే ఎప్పటికప్పుడు ఆ వార్తలని కుటుంబ సభ్యులు ఖండిస్తూ వచ్చారు. ఎట్టకేలకి తన స్నేహితుడితో పెళ్లి పీటలు ఎక్కబోతోంది. వీరి పెళ్లి వేడుక కోసం గోవాలో ఇప్పటికే ఒక రిసార్ట్ బుక్ చేసారంట. కీర్తి సురేష్ తన పెళ్లి హడావిడిలో ఉంది. ఇదిలా ఉంటే ఈ పెళ్లికి ఇండస్ట్రీ నుంచి కొంతమంది అతిథులని మాత్రమే ఆహ్వానిస్తున్నారని తెలుస్తోంది.

టాలీవుడ్ నుంచి మెగాస్టార్ చిరంజీవి, నేచురల్ స్టార్ నాని కీర్తి సురేష్ పెళ్లికి వెళ్ళబోతున్నారంట. మెగాస్టార్ చిరంజీవి కీర్తి సురేష్ తల్లి మేనకకు మంచి స్నేహం ఉంది. 1980లో ‘పున్నమి నాగు’ సినిమాలో చిరంజీవి, మేనకా జోడీగా నటించారు. ఇక ‘భోళా శంకర్’ చిత్రంలో కీర్తి సురేష్ మెగాస్టార్ చిరంజీవి చెల్లెలుగా నటించింది. అలాగే టాలీవుడ్ లో నేచురల్ స్టార్ నాని కీర్తి సురేష్ కి బెస్ట్ ఫ్రెండ్. ఇద్దరు కలిసి ‘నేను లోకల్’, ‘దసరా’ సినిమాలలో కలిసి నటించారు.

కెరియర్ ఆరంభం నుంచి నానితో కీర్తి సురేష్ కి మంచి బాండింగ్ ఉంది. ఈ నేపథ్యంలో వీరిద్దరూ కీర్తి సురేష్ పెళ్లికి వెళ్ళబోతున్నారంట. అలాగే కోలీవుడ్ నుంచి డైరెక్టర్ అట్లీ, హీరో దళపతి విజయ్ కీర్తి పెళ్ళికి అటెండ్ అయ్యే అవకాశాలు ఉన్నాయని టాక్ వినిపిస్తోంది. ఇదిలా ఉంటే కీర్తి సురేష్ ‘బేబీ జాన్’ సినిమాతో బాలీవుడ్ లోకి అడుగుపెడుతోంది. ఈ సినిమాలో వరుణ్ ధావన్ కి జోడీగా కీర్తి నటించింది.

డిసెంబర్ 20న ఈ మూవీ థియేటర్స్ లోకి రాబోతోంది. అట్లీ ఈ సినిమాని నిర్మించారు. మరో వైపు తమిళంలో ఏకంగా నాలుగు సినిమాలు ఆమె చేతిలో ఉన్నారు. వాటిలో ‘రివాల్వర్ రీటా’ మూవీ రిలీజ్ కి సిద్ధం అవుతోంది. ఈ సినిమాపై ఆమె చాలా హోప్స్ పెట్టుకుంది. అలాగే ‘బేబీ జాన్’ సినిమాతో బాలీవుడ్ లో బ్రేక్ వస్తుందని అనుకుంటుంది.