ఆ స్టార్ హీరో డ్రీమ్ ప్రాజెక్ట్ ట్రైల‌ర్ టాక్!
ఈ చిత్రాన్ని ఆయ‌నే స్వీయా ద‌ర్శ‌క‌త్వంలో తెర‌కెక్కించారు.
కంప్లీట్ స్టార్ మోహ‌న్ లాల్ ఇంత వ‌ర‌కూ గొప్ప న‌టుడిగానే ప్రేక్ష‌కుల‌కు తెలుసు. ఎన్నో చిత్రాల్లో న‌టించి మ‌ల‌యాళ చిత్ర ప‌రిశ్ర‌మ‌లో న‌టుడిగా త‌న‌కంటూ కొన్ని పేజీలు రాసుకున్నారు. వైవిథ్య‌మైన పాత్ర‌ల‌తో ప్రేక్షకుల్ని అల‌రిం చారు. తాజాగా ఆ లెజండ‌రీ న‌టుడు 'బ‌రోజ్: గార్డియ‌న్ ఆఫ్ ట్రెజ‌ర్' సినిమాతో ద‌ర్శ‌కుడిగానూ మారారు. ఈ చిత్రాన్ని ఆయ‌నే స్వీయా ద‌ర్శ‌క‌త్వంలో తెర‌కెక్కించారు. జీవో పూన్నూసే ర‌చించిన న‌వ‌ల ఆధారంగా ఈ చిత్రాన్ని తెర‌కె క్కించా రు.
దీన్ని మోహ‌న్ లాల్ ఓ డ్రీమ్ ప్రాజెక్ట్ గా భావించి ఇంత కాలానికి ప్రేక్ష‌కుల ముందుకు తీసుకొస్తున్నారు. తాజాగా ఈ సినిమా ట్రైల‌ర్ రిలీజ్ అయింది. ఇందులో మోహ‌న్ లాల్ శ‌తాబ్ధాలుగా వాస్కోడీగామా దాచిన నిధిని కాపాడే బ‌రోజ్ అనే జెనీ పాత్ర పోషిస్తున్నారు. బ‌రోజ్ ఆహార్యంలో మోహ‌న్ లాల్ ఓదిగిపోయారు. ట్రైల‌ర్ ఇంట్రెస్టింగ్ గా ఉంది. కానీ స్లోగా సాగుతుంది. అక్క‌డ‌క్క‌డా ఓంకార్ మాయా ద్వీపం ఫీల్ ని తీసుకొచ్చారు. షూట్ అంతా సెట్ల‌లోనే జ‌రిగిన‌ట్లు క‌నిపిస్తుంది.
పాత్ర‌ధారుల ఆహార్యాలు అచ్చంగా బ్రిటీష‌ర్ల‌నే త‌ల‌పించాయి. పాత‌త‌రం నృత్యాలు..కాస్ట్యూమ్స్ ప్ర‌తీది కొత్త ఫీల్ ని తీసు కొచ్చాయి. విజువ‌ల్ గా సినిమాని హైలైట్ చేసే ప్ర‌య‌త్నం ట్రైల‌ర్ లో క‌నిపించింది. సంతోష్ శివ‌న్ సినిమా టోగ్రీఫీ అందించ‌గా, లిడియ‌న్ నాధ‌స్వరం సంగీతం అందించారు. అమెరికాకు చెందిన మార్క్ కిలియోన్ ఆర్ ఆర్ స‌మ‌కూర్చారు. ఈ సినిమాకు ఎక్కువ‌గా హాలీవుడ్ టెక్నిషియ‌న్లు ప‌నిచేసారు.
ప్ర‌తీ ప్రేమ్ లోనూ భారీత‌నం క‌నిపిస్తుంది. అయితే ఎగ్జైట్ మెంట్ తీసుకొచ్చే అంశాలెక్క‌డా? ట్రైల‌ర్ లో క‌నిపించ‌లేదు. ప్ర‌స్తుతం ఈ ట్రైల‌ర్ నెట్టింట వైర‌ల్ అవుతోంది. గ‌త ఏడాదే చిత్రాన్ని రిలీజ్ చేయాల‌నుకున్నారు. కానీ నిర్మాణానంత‌ర ప‌నులు డిలే కార‌ణంగా వాయిదా ప‌డింది. ఎట్టకేల‌కు డిసెంబ‌ర్ 2న పాన్ ఇండియాలో రిలీజ్ చేస్తున్నారు.