నయనతార ఫెయిరీ టైల్.. మహేష్ లవ్

సౌత్ ఇండియన్ లేడీ సూపర్ స్టార్ నయనతార జీవితానికి సంబందించిన డాక్యుమెంటరీ ఫిల్మ్ రీసెంట్ గా నెట్ ఫ్లిక్స్ లో రీరిలీజ్ అయ్యింది. 'నయనతార: ఫెయిరీ టైల్స్' పేరుతో ఈ ఫిల్మ్ ప్రేక్షకుల ముందుకొచ్చింది. దీనికి మంచి ఆదరణ లభిస్తోంది. నయనతార జీవితం, సినిమా కెరియర్, ఆమె లవ్ ఫెయిల్యూర్స్ లాంటి అన్ని అంశాలు ఇందులో ఉన్నాయి. ప్రస్తుతం ఇది కోలీవుడ్ లో సంచలనంగా మారింది. నయనతార, ధనుష్ మధ్యలో వివాదాన్ని కూడా తీసుకొచ్చింది.

ఇదిలా ఉంటే సూపర్ స్టార్ మహేష్ బాబు సోషల్ మీడియాలో యాక్టివ్ గా ఉండేది తక్కువే అయిన కూడా అప్పుడప్పుడు తాను ఏవైనా సినిమాలు చూసి నచ్చితే ఇన్ స్టాగ్రామ్, ట్విట్టర్ లో రియాక్ట్ అవుతాడు. ఆ సినిమాలు, వాటికి వర్క్ చేసిన వారిపై ప్రశంసలు కురిపిస్తూ ఉంటారు. చిన్న సినిమాలని కూడా మహేష్ బాబు ఇలా చూసి ఎంకరేజ్ చేయడం జరుగుతుంది. తనకి నచ్చిందంటే వెంటనే సోషల్ మీడియాలో మహేష్ బాబు రియాక్ట్ అవుతాడు.

మహేష్ బాబు కామెంట్స్ చిన్న సినిమాలకి ఒక్కోసారి ప్లస్ అవుతూ ఉంటాయి. ఇదిలా ఉంటే తాజాగా సూపర్ స్టార్ మహేష్ బాబు 'నయనతార” ఫెయిరీ టైల్స్' ని వీక్షించినట్లు ఇన్ స్టాగ్రామ్ లో పోస్ట్ పెట్టారు. అలాగే తనకి నచ్చిందని చెబుతూ లవ్ ఎమోజీలు కూడా షేర్ చేశాడు. ఈ పోస్ట్ సూపర్ స్టార్ ఫ్యాన్స్ ని ఎట్రాక్ట్ చేసింది. మహేష్ బాబు బాగుందని అంటే కచ్చితంగా చూడాలని ఫ్యాన్స్ కామెంట్స్ చేస్తున్నారు.

చాలా మంది సెలబ్రెటీలు 'నయనతార: ఫెయిరీ టైల్స్' పైన తన అభిప్రాయాలు సోషల్ మీడియాలో షేర్ చేస్తున్నారు. ఆమె చాలా మందికి రోల్ మోడల్ అంటూ నెటిజన్లు సైతం ప్రశంసలు కురిపిస్తున్నారు. కొద్ది రోజుల నుంచి ఈ డాక్యుమెంటరీ సోషల్ మీడియాలో హాట్ టాపిక్ గా మారింది. కోలీవుడ్ ఇండస్ట్రీలో మాత్రం ఈ డాక్యుమెంటరీ నయనతార, ధనుష్ ఫ్యాన్స్ వార్ క్రియేట్ చేసిందనే మాట వినిపిస్తోంది.

ఇదిలా ఉంటే నయనతార నటిస్తోన్న 'రక్కాయీ' మూవీ టైటిల్ టీజర్ తాజాగా రిలీజ్ అయ్యింది. దీనికి అద్భుతమైన స్పందన వస్తోంది. యాక్షన్ క్వీన్ గా ఈ చిత్రంలో నయనతార కనిపించబోతోందని టీజర్ బట్టి అర్ధమవుతోంది. ఈ మూవీ కథాంశం వైలెంట్ గా ఉండబోతోందని టీజర్ తోనే దర్శకుడు సెంథిల్ క్లారిటీ ఇచ్చేసాడు. ఈ మూవీ తమిళ్ తో పాటు తెలుగు భాషలో కూడా రిలీజ్ అయ్యే అవకాశం ఉంది.