నేమ్..ఫేమ్ కోసం న‌గ్నంగా న‌టించ‌లేదు!
ఇందులో మ‌ల‌యాళం న‌టి దివ్య ప్ర‌భ కొన్ని న‌గ్న స‌న్నివేశాలు లీక్ నెట్టింట లీక్ అయ్యాయి. అవి ఆమెపై తీవ్ర విమ‌ర్శ‌లు తీసుకొచ్చాయి.
పాయ‌ల్ క‌పాడియా స్వీయా ద‌ర్శ‌క‌త్వం వ‌హించిన 'ఆల్ వి ఇమాజిన్ యాజ్ లైట్' చిత్రం భార‌త్ నుంచి ఆస్కార్ కి నామినేట్ అయిన సంగ‌తి తెలిసిందే. ఈ సినిమాలో క‌ను కుస్రుతి, దివ్య ప్ర‌భ, చాయా ఖ‌డం, హ్రిదు హ‌రూన్ కీల‌క పాత్ర‌లు పోషించారు. ఇందులో మ‌ల‌యాళం న‌టి దివ్య ప్ర‌భ కొన్ని న‌గ్న స‌న్నివేశాలు లీక్ నెట్టింట లీక్ అయ్యాయి. అవి ఆమెపై తీవ్ర విమ‌ర్శ‌లు తీసుకొచ్చాయి. తాజాగా వాటిపై దివ్య ప్ర‌భ స్పందించింది.
'ఫేమ్, పాపులారిటీ కోసం నేను అలాంటి స‌న్నివేశాల్లో న‌టించాన‌ని చాలా మంది అనుకుంటున్నారు. ఈ సినిమా కంటే ముందు నేను చాలా సినిమాల్లో న‌టించాను. వాటికి అవార్డులు కూడా వ‌చ్చాయి. కేవ‌లం పేరు కోసం అలాంటి స‌న్నివేశాల్లో న‌టించాల్సిన అవ‌స‌రం నాకు లేదు. క‌థ‌లు న‌చ్చితే సినిమాలు చేస్తాను. స‌న్నివేశాలు డిమాండ్ చేసిన‌ప్పుడు మేక‌ర్స్ కోరిక మేర‌కు కొన్నిసార్లు ప‌రిమితులు మించి న‌టించాల్సి ఉంటుంది.
ఇలా న‌టించ‌డం న‌టిగా నా బాధ్య‌త. అంద‌రూ అదే బాధ్య‌త తీసుకుంటార‌ని నేను అనుకోను. నా వ‌ర‌కూ ద‌ర్శ‌కుడు చెప్పిన‌ట్లు న‌టించ‌డం నా ప‌ని' అని తెలిపింది. ఇందులో దివ్య ప్ర‌భ న‌ర్సు పాత్ర‌లో న‌టించింది. దివ్య ప్ర‌భ ''లోక్ పాల్' సినిమాతో మాలీవుడ్ లో కి ఎంట్రీ ఇచ్చింది. అందులో మోహ‌న్ లాల్ హీరో కాగా దివ్య ప్ర‌భతో పాటు మ‌రో ముగ్గురు భామ‌లు న‌టించారు. అటుపై చాలా మ‌ల‌యాళ సినిమాల్లో న‌టించింది.
2014 లో కోలీవుడ్లో ప్ర‌వేశించింది. 'కాయ‌ల్' అనేది అమ్మ‌డి తొలి సినిమా. ఆ త‌ర్వాత చాలా త‌మిళ సినిమాల్లో న‌టిం చింది. అయితే రెండు, మూడేళ్ల‌గా దివ్య‌ప్ర‌భ‌కు అవ‌కాశాలు త‌గ్గాయి. ఈ మూడేళ్ల‌లో కేవ‌లం ఏడాదికి ఒక సినిమా చొప్పున చేసింది. అందులో పాయ‌ల్ క‌పాడియా సినిమా 'ఆల్ వి ఇమాజిన్ యాజ్ లైట్' ఒక‌టి.