లక్కీ భాస్కర్.. ఆ అమ్మయి బాగానే క్లిక్కయ్యిందిగా..

మాలీవుడ్ స్టార్ హీరో దుల్కర్ సల్మాన్.. రీసెంట్ గా టాలీవుడ్ లో మరో స్ట్రయిట్ మూవీ లక్కీ భాస్కర్ చేసిన విషయం తెలిసిందే. వెంకీ అట్లూరి దర్శకత్వం వహించిన ఆ సినిమా.. దీపావళి కానుకగా అక్టోబర్ 31వ తేదీన ప్రేక్షకుల ముందుకు వచ్చింది. సితార ఎంటర్టైన్మెంట్స్‌, ఫార్చూన్‌ ఫోర్ సినిమాస్‌ బ్యానర్లపై సూర్యదేవర నాగవంశీ, సాయి సౌజన్య సంయుక్తంగా గ్రాండ్ గా నిర్మించిన ఆ సినిమా.. బాక్సాఫీస్ వద్ద మంచి హిట్ గా నిలిచింది.

మధ్య తరగతి కుటుంబానికి చెందిన ఓ బ్యాంకు ఉద్యోగి చేసిన రిస్క్ చుట్టూ సినిమా సాగగా.. అన్ని వర్గాల ప్రేక్షకులను అలరిస్తూ దూసుకుపోతోంది. వరల్డ్ వైడ్ గా భారీ వసూళ్లు అందుకుని రాణిస్తోంది. అయితే సినిమాలో దుల్కర్ సరసన మీనాక్షి చౌదరి హీరోయిన్ గా నటించిన విషయం తెలిసిందే. కొంతకాలంగా హిట్ కోసం వెయిట్ చేస్తున్న ముద్దుగుమ్మ.. ఎట్టకేలకు ఇప్పుడు లక్కీ భాస్కర్ సినిమాతో భారీ విజయాన్ని అందుకున్నారు.

అదే సమయంలో మూవీలో చిన్న రోల్ పోషించిన మానస చౌదరి.. ఇప్పుడు టాక్ ఆఫ్ ది టౌన్ గా మారారు. సినిమాలో తన క్యూట్ లుక్స్ తో ఆకట్టుకున్న బ్యూటీ కోసం అంతా మాట్లాడుకుంటున్నారు. ఆమె కోసం నెట్టింట తెగ వెతికేస్తున్నారు. ఆంధ్రప్రదేశ్ లోని చిత్తూరు జిల్లాకు చెందిన మానస చౌదరి.. గ్రాడ్యుయేషన్ కంప్లీట్ చేసి సినిమాల్లోకి వచ్చారు. బబుల్‌ గమ్ సినిమాతో హీరోయిన్ గా టాలీవుడ్ లోకి ఎంట్రీ ఇచ్చారు.

స్టార్ యాంకర్ సుమ కనకాల కుమారుడు రోషన్ కనకాల నటించిన ఆ సినిమాలో తన అందచందాలతో ఆకట్టుకున్నారు. ఆ తర్వాత ముస్తఫా ముస్తఫా సినిమాలో నటించారు. ఇప్పుడు లక్కీ భాస్కర్ లో ఛాన్స్ అందుకున్నారు. మోహిని రోల్ లో మెప్పించారు. తక్కువ సమయమే స్క్రీన్ పై కనిపించినా.. యూత్ ను తన గ్లామర్ తో బాగా ఆకట్టుకున్నారు. హీరోయిన్ మీనాక్షి కన్నా కొన్ని సీన్స్ లో చాలా అందంగా కనిపించారు.

అయితే లక్కీ భాస్కర్ చిత్రంతో ఒక్కసారిగా లైమ్ లైట్ లోకి వచ్చిన మానస.. టాలీవుడ్ లో మంచి అవకాశాలు అందుకునే అవకాశం ఉందని నెటిజన్లు చెబుతున్నారు. మేకర్స్ దృష్టిలో కూడా పడినట్లు ఉందని అంటున్నారు. మొత్తానికి లక్కీ భాస్కర్ విజయాన్ని మానస చౌదరి ఎలా ఎన్‌ క్యాష్ చేసుకుంటారో చూడాలని అంటున్నారు. మరి తెలుగు బ్యూటీ.. ఫ్యూచర్ లో ఎలాంటి ఛాన్సులు అందుకుంటారో.. కెరీర్ ను ఎలా బిల్డ్ చేసుకుంటారో వేచి చూడాలి