కన్నప్ప రిలీజ్ ఇప్పట్లో లేనట్లే.. మంచు విష్ణు ఏమన్నారంటే..

మంచు విష్ణు కెరీర్ లోనే అత్యధిక భారీ బడ్జెట్లో రూపొందుతున్న సినిమా కన్నప్ప. దాదాపు 100 కోట్లకు పైగా బడ్జెట్ తో సొంత బ్యానర్ లోనే మంచు విష్ణు ఈ సినిమాను నిర్మిస్తున్నారు. ఇక ఈ సినిమాలో స్టార్ క్యాస్ట్ ద్వారా పాన్ ఇండియా రేంజ్ లో అయితే మంచి క్రేజ్ ఏర్పడింది. బాలీవుడ్ నుంచి అక్షయ్ కుమార్ కూడా ఈ సినిమాలో ప్రత్యేకమైన పాత్రలో కనిపిస్తుండడంతో నార్త్ లో కూడా మంచి అంచనాలు ఏర్పడ్డాయి.

అక్షయ్ కన్నప్ప లో శివుడి పాత్రలో కనిపించబోతున్నట్లుగా తెలుస్తోంది. ఇక మరోవైపు ప్రభాస్ కూడా ఈ సినిమాలో నందీశ్వరుడిగా కనిపించనున్నట్లు ఇదివరకే ఒక క్లారిటీ ఇచ్చారు. ఇక మలయాళం స్టార్ హీరో మోహన్ లాల్ కూడా ఈ సినిమాలో ప్రత్యేకమైన పాత్రలో కనిపించబోతున్న విషయం తెలిసిందే. అందుకే ఈ సినిమాకు దేశవ్యాప్తంగా మంచి క్రేజ్ అయితే ఏర్పడింది. తప్పకుండా సినిమా బాక్సాఫీస్ వద్ద సరికొత్త సెన్సేషన్ క్రియేట్ చేస్తుంది అని మేకర్స్ ఎంతో నమ్మకంతో ఉన్నారు.

ఇక ఈ సినిమా షూటింగ్ అయితే దాదాపు తుది దశకు చేరుకుంది. సినిమాను మొదట అనుకున్న ప్లాన్ ప్రకారం అయితే డిసెంబర్ క్రిస్మస్ సందర్భంగా విడుదల చేయాలని అనుకున్నారు. అయితే ఇప్పుడు ఆ సమయానికి సినిమా రావడం లేదు అని హీరో మంచి విష్ణు స్వయంగా క్లారిటీ ఇచ్చేశారు. ఇటీవల తిరుపతికి వెళ్లిన ఆయన అక్కడ దర్శనం చేసుకున్న తర్వాత మీడియాతో మాట్లాడారు.

కన్నప్ప సినిమాను కొన్ని కారణాల వలన డిసెంబర్లో విడుదల చేయలేకపోతున్నట్లు చెబుతూ.. సినిమాను సమ్మర్లో విడుదల చేయాలని అనుకుంటున్నట్లు మరొక క్లారిటీ ఇచ్చేశారు. పూర్తి వివరాలు త్వరలోనే తెలియజేస్తామని కూడా ఆయన వివరణ ఇచ్చారు. దీంతో కన్నప్ప సినిమా డిసెంబర్లో రావడం లేదు అని ఫైనల్ గా ఒక క్లారిటీ వచ్చేసింది. ఇక రీసెంట్గా ఈ సినిమాకు సంబంధించిన ఒక స్పెషల్ ఫోటో లీక్ అయిన విషయం తెలిసిందే.

ప్రభాస్ కు సంబంధించిన లుక్ లీక్ కావడంతో చిత్ర యూనిట్ ఒక్కసారిగా సీరియస్ అయింది. ఇక అందుకు కారణం అయిన వ్యక్తిని కూడా వారు అదుపులోకి తీసుకున్నారు.సినిమా కోసం ఎంతో కష్టపడుతున్నామని ఈ విధంగా లీక్ చేయడం చాలా బాధాకరమని సోషల్ మీడియా ద్వారా మంచి విష్ణు తెలియజేసాడు. తప్పకుండా ఈ సినిమా అన్ని వర్గాల ప్రేక్షకులను ఆకట్టుకుంటుంది అని త్వరలోనే మరిన్ని అప్డేట్స్ తో మీ ముందుకు వస్తాము అని ఆయన వివరణ ఇచ్చారు. ఈ సినిమాకు ముఖేష్ కుమార్ దర్శకత్వం వహిస్తున్న విషయం తెలిసిందే.