పుష్ప 2: ఇప్పుడు చెప్పండ్రా అబ్బాయిలు

అల్లు అర్జున్ హీరోగా సుకుమార్ దర్శకత్వంలో తెరకెక్కుతున్న పుష్ప 2: ది రూల్ ట్రైలర్ పై అన్ని వర్గాల నుంచి విశేష స్పందన వస్తోంది. పాన్ ఇండియా స్థాయిలో భారీ అంచనాల నడుమ విడుదలైన ఈ ట్రైలర్ సోషల్ మీడియాలో చర్చనీయాంశమైంది. సుకుమార్ విజన్, మైత్రి మూవీ మేకర్స్ ప్రొడక్షన్ వాల్యూస్, దేవిశ్రీ ప్రసాద్ బీజీఎమ్ పై సినీ ప్రముఖులు ప్రశంసల జల్లు కురిపించారు.

ముఖ్యంగా కొందరు ప్రముఖ దర్శకులు సైతం మేకింగ్ విధానంపై పాజిటివ్ గా స్పందించారు. మాస్ దర్శకుడు హరీశ్ శంకర్ ట్విట్టర్ లో "వన్ వర్డ్... వైల్డ్ ఫైర్!" అంటూ పుష్ప 2 ట్రైలర్ అద్బుతమని వివరించారు. మైత్రి మూవీ మేకర్స్ ప్రొడక్షన్ వాల్యూస్ ప్రశంసనీయమని, దేవిశ్రీ ప్రసాద్ అందించిన బ్యాక్‌గ్రౌండ్ స్కోర్ ఈ సినిమాకు ప్రధాన బలం అని అన్నారు. "పార్టీ ఉంది పుష్పా" డైలాగ్ తర్వాత ట్రైలర్ మార్పు అద్భుతంగా ఉందంటూ ప్రత్యేకంగా సల్యూట్ తెలిపారు.

తరువాత హరీష్ శంకర్ మరో ట్వీట్ చేస్తూ, ప్రతి ఫ్రేమ్ లో పుష్పరాజ్ పాత్రను ఎలివేట్ చేసే విధానం ఎంతో ఆసక్తిగా ఉందని అన్నారు. సినిమా మీద మీరు చూపించే లవ్ ప్రతీ ఫ్రేమ్ లో ప్రతిఫలించింది. సుక్కు, మీ హార్డ్ వర్క్ కు హ్యాట్సాఫ్.. అని ట్వీట్ చేశారు. ఇక హరీష్ ట్వీట్ పై అల్లు అర్జున్ స్పందిస్తూ, థ్యాంక్యూ సార్!" అంటూ హార్ట్ ఏమోజీ తో హృదయపూర్వక ధన్యవాదాలు తెలిపారు.

ఇక బుచ్చిబాబు సాన ట్రైలర్ పై తనదైన శైలిలో స్పందించారు. "ఇప్పుడు చెప్పండ్రా అబ్బాయిలు... నేషనల్ అనుకుంటిరా, ఇంటర్నేషనల్!" అంటూ అల్లు అర్జున్, సుకుమార్ కాంబో గొప్పతనాన్ని ప్రశంసించారు. ట్రైలర్ లోని పుష్పరాజ్ లుక్ మరియు డైలాగ్ డెలివరీపై అభిమానులు విశేష స్పందన చూపించారు. ఇక సినీ ప్రముఖుల నుంచి ఇంత స్పందన రావడం పుష్ప 2 పై భారీ అంచనాలను సృష్టించింది.

గంగమ్మ తల్లి జాతరలో పుష్పరాజ్ పోరాటం, క్యారెక్టర్ ను ఎలివేట్ చేసే సీన్స్ తో పాటు, రష్మికతో పలు సన్నివేశాలు ట్రైలర్ కు మరింత ఆకర్షణగా నిలిచాయి. ఈ ట్రైలర్ పుష్ప 2 సినిమా పాన్ ఇండియా స్థాయిలో కొత్త రికార్డులు సృష్టించబోతుందని చెబుతోంది. సినిమా విడుదల కోసం అభిమానులు ఉత్సాహంగా ఎదురు చూస్తున్నారు. మరి డిసెంబర్ 5న రాబోతున్న పుష్ప 2 బాక్సాఫీస్ వద్ద ఎలాంటి రికార్డులను అందుకుంటుందో చూడాలి.