బుట్ట బొమ్మకి చెక్ పెడుతున్న అమ్మడు..?

మొన్నటిదాకా టాలీవుడ్ లో స్టార్ హీరోల సరసన నటిస్తూ సూపర్ ఫాం కొనసాగించిన బుట్ట బొమ్మ పూజా హెగ్దే ఇప్పుడు ఒక్కటంటే ఒక్క తెలుగు సినిమా ఛాన్స్ అందుకోవట్లేదు. దానికి కారణాలు ఏవైనా ఉండొచ్చు కానీ పూజా ఫ్యాన్స్ మాత్రం ఆమెను చాలా మిస్ అవుతున్నారు. ఐతే ఈమధ్య నాగ చైతన్య సినిమాలో ఆమె హీరోయిన్ గా నటిస్తుందని వార్త వచ్చింది. విరూపాక్ష తో సూపర్ హిట్ అందుకున్న కార్తీక్ దండు డైరెక్షన్ లో నాగ చైతన్య ఓ సినిమా చేస్తున్నాడు. ఆ సినిమాలో పూజా హెగ్దే హీరోయిన్ గా దాదాపు కన్ఫర్మ్ అనుకున్నారు.

కానీ లేటెస్ట్ గా ఆ ఛాన్స్ ని మీనాక్షి చౌదరి దక్కించుకుందని టాక్. సుశాంత్ తో ఇచ్చట వాహనములు నిలపరాదు సినిమాతో తెలుగు తెరకు పరిచయమైన మీనాక్షి చౌదరి ఓ పక్క కమర్షియల్ సినిమాలు చేస్తూనే మరోపక్క కంటెంట్ ఉన్న సినిమాల్లో నటిస్తుంది. మొన్నటిదాకా ఏమో కానీ ఈమధ్యనే అమ్మడు లక్కీ భాస్కర్ తో సూపర్ హిట్ కొట్టడంతో మీనాక్షి పేరు మారుమోగుతుంది. అందుకే వేరే హీరోయిన్ అనే ఆప్షన్ లేకుండా మీనాక్షినే తీసుకుంటున్నారు.

లక్కీ భాస్కర్ తర్వాత మట్కా నిరాశపరచినా విశ్వక్ సేన్ తో మెకానిక్ రాకీగా మరోసారి బలమైన పాత్రలో కనిపిస్తుంది మీనాక్షి. అమ్మడి వాలకం చూస్తుంటే ఇలానే చిన్నగా స్టార్ క్రేజ్ తెచ్చుకునేలా ఉంది. ప్రస్తుతం స్టార్ సినిమా యంగ్ హీరోల సినిమా రెండిటికీ ప్రాధాన్యత ఇస్తున్న మీనాక్షి యువ హీరోల సినిమాల్లో ప్రాధాన్యత ఉన్న పాత్రలు చేస్తూ మైలేజ్ పెంచుకుంటుంది.

మెకానిక్ రాకీ కూడా హిట్ పడింది అంటే మాత్రం తప్పకుండా అమ్మడి రేంజ్ మరింత పెరిగే ఛాన్స్ ఉంది. యువ కథానాయికల్లో మీనాక్షి వరుస సినిమాలతో అదరగొట్టేస్తుంది. తప్పకుండా రాబోతున్న సినిమాలు కూడా ఆమె టాలెంట్ చూపిస్తుందని చెప్పొచ్చు. కొందరు హీరోయిన్స్ కేవలం గ్లామర్ నే నమ్ముకుంటారు కొందరు తమ నటన తోనే ప్రేక్షకులను మెప్పించాలని చూస్తారు. ఐతే మీనాక్షి ఇటు గ్లామర్ తో పాటుగా తన నటనతో ఆకట్టుకుంటూ ప్రేక్షకులను రంజింపచేస్తుంది. అంతేకాదు వెయిట్ ఉన్న పాత్రల్లో కూడా రాణించగలదని మీనాక్షి ఎప్పటికప్పుడు ప్రూవ్ చేస్తూ వస్తుంది. అందుకే అమ్మడికి ఇంకా మరిన్ని ఛాన్స్ లు వస్తున్నాయి.

ఎలాగు టాలీవుడ్ లో ప్రస్తుతం ఫాంలో ఉన్న కథానాయికల సంఖ్య తగ్గింది కాబట్టి తనకు వస్తున్న ఆఫర్ల విషయంలో కూడా ఆచి తూచి అడుగులేస్తుంది మీనాక్షి.