వీడియో : అతడిని తిట్టిన మృణాల్‌ పొగిడింది... మేడం మంచి మనసు

హీరోయిన్‌ మృణాల్‌ ఠాకూర్‌ ఫ్యామిలీ స్టార్‌ పోస్టర్‌ను ఒక సోషల్‌ మీడియా వ్యక్తి ఎడిట్ చేసి షేర్‌ చేయడంతో వైరల్‌ అయిన విషయం తెల్సిందే. ఆ ఫోటోపై మృణాల్ ఠాకూర్‌ స్పందిస్తూ తన అసహనం వ్యక్తం చేసింది. ఈ ఎడిట్ నీకు బాగుంది అనిపిస్తుందేమో, కానీ నాకు అస్సలు బాగా లేదు అంటూ అతని తీరును తప్పు బట్టింది. ఇలాంటి ఎడిట్ లు చేయడం ఎంత వరకు కరెక్ట్‌ అంటూ ఆమె అతడి గురించి చేసిన కామెంట్‌తో ఒక్కసారిగా అతడి గురించి తెలుసుకునేందుకు నెటిజన్స్‌ పెద్ద ఎత్తున అతని పేజ్ కి వెళ్లారు. కొందరు మృణాల్‌కి మద్దతుగా అతడిని తిట్టడం జరిగింది, కొందరు అతడిని మద్దతుగా ఇందులో పెద్ద తప్పేం లేదు కదా మృణాల్‌ అంటూ కామెంట్‌ చేయడం జరిగింది.

సోషల్‌ మీడియాలో తన ఫోటోను మార్ఫింగ్‌ చేసిన వ్యక్తిపై మొదట కోపం తెచ్చుకున్న మృణాల్‌ కొన్ని గంటల్లోనే తన తప్పును తెలుసుకుని, అతడికి వ్యతిరేకంగా పెట్టిన కామెంట్‌ను డిలీట్‌ చేయడంతో పాటు, అతడి పేజ్‌లోకి వెళ్లి చూశాను, అతను చాలా అద్భుతంగా ఎడిట్‌ చేస్తున్నారు. ఫోటోలు, వీడియోలను అతడు ఎడిట్‌ చేసిన తీరు చాలా బాగుంది. అతడు తప్పుడు ఉద్దేశ్యంతో చేస్తున్నట్లుగా లేదు కనుక తన కామెంట్‌ను డిలీట్‌ చేస్తున్నట్లుగా మృణాల్‌ చెప్పుకొచ్చింది. సాధారణంగా ఇలా ఏ హీరోయిన్‌ వివరణ ఇవ్వడం చూడం. మృణాల్‌ మంచి మనసుతో అతడికి చేసిన కామెంట్‌ను డిలీట్‌ చేయడంతో పాటు, అతడి ఎడిట్‌ను ప్రశంసించింది.

సోషల్ మీడియాలో ప్రస్తుతం ఈ విషయమై చర్చ జరుగుతోంది. మృణాల్‌ అతడు ఫోటో ఎడిట్ పై మండి పడుతూ పెట్టిన కామెంట్‌ గురించి అంతా మాట్లాడుతున్న సమయంలోనే, ఆమె నుంచి మరో వీడియో వచ్చింది. ఆ వీడియోలో అతడికి వ్యతిరేకంగా పెట్టిన కామెంట్‌ను డిలీట్‌ చేశాను అని, అతడి పేజీలోకి వెళ్లి అతను చేసిన ఎడిట్‌లు చూసి ఆశ్చర్యపోయాను అంటూ మృణాల్‌ వ్యాఖ్యలు చేసింది. మొత్తానికి మృణాల్‌ ను విమర్శించిన వారు తిరిగి ఆమె వీడియో తీసి పెట్టి అతడిని తిడుతూ పెట్టిన కామెంట్‌ డిలీట్‌ చేయడంతో ప్రశంసిస్తున్నారు.

మృణాల్‌ ఠాకూర్‌ ఇటీవల కల్కి 2898 ఏడీ సినిమాలో చిన్న పాత్రలో నటించి ప్రేక్షకుల ముందుకు వచ్చింది. తెలుగులో ఒకటి రెండు సినిమాలకు చర్చలు జరుగుతున్నాయి. త్వరలోనే తెలుగు లో సినిమాకు సైన్‌ చేసే అవకాశాలు ఉన్నాయి. మరో వైపు హిందీలో మృణాల్ నటిస్తున్న మూడు నాలుగు సినిమాలు బ్యాక్ టు బ్యాక్ విడుదలకు రెడీ అవుతున్నాయి. ఫ్యామిలీ స్టార్‌ సినిమా తర్వాత టాలీవుడ్‌ నుంచి పలు ఆఫర్లు వచ్చినా మృణాల్‌ సున్నితంగా తిరస్కరించిందని, మంచి కథ, హీరో, దర్శకుడితో సినిమా చేయడం కోసం వెయిట్‌ చేస్తుందని తెలుస్తోంది. టాలీవుడ్‌ లో ఆమె మళ్లీ బిజీ అవ్వాలని, వరుసగా సినిమాలు చేయాలని అభిమానులు కోరుకుంటున్నారు.