పిక్‌టాక్ : కలర్‌ఫుల్‌గా మృణాల్ కన్నుల విందు
బాలీవుడ్ నుంచి 'సీతారామం' సినిమాతో టాలీవుడ్‌లో అడుగు పెట్టిన ముద్దుగుమ్మ మృణాల్ ఠాకూర్.
బాలీవుడ్ నుంచి 'సీతారామం' సినిమాతో టాలీవుడ్‌లో అడుగు పెట్టిన ముద్దుగుమ్మ మృణాల్ ఠాకూర్. తక్కువ సమయంలోనే టాలీవుడ్‌లో స్టార్ హీరోయిన్స్‌ జాబితాలో చేరిన ఈ అమ్మడు వరుస సినిమాలతో ప్రేక్షకులను మెప్పించింది. సీతారామం తర్వాత హాయ్‌ నాన్న సినిమాలో నటించి నానికి సరి పోటీగా నిలిచింది. విజయ్ దేవరకొండతో ఫ్యామిలీ స్టార్ సినిమాలో నటించింది. ఆ సినిమా నిరాశ పరచినా మృణాల్ మాత్రం మెప్పించిందనే అభిప్రాయం వ్యక్తం అయింది. సినిమాలో ఆమె పాత్రకు పూర్తి న్యాయం చేసింది. ఆకట్టుకునే అందంతో మృణాల్ మరిన్ని సినిమాలు చేస్తోంది.
హిందీ సినిమా ఇండస్ట్రీలో సుదీర్ఘ కాలంగా ఉన్నప్పటికీ దక్కని గుర్తింపు, సక్సెస్‌లు ఈ అమ్మడికి టాలీవుడ్‌లో వచ్చిన విషయం తెల్సిందే. అందుకే టాలీవుడ్‌లో ఈమె ఎక్కువ సినిమాలు చేస్తే బాగుంటుంది అనే అభిప్రాయం ను చాలా మంది వ్యక్తం చేస్తున్నారు. కానీ ప్రస్తుతానికి ఈమె మాత్రం బాలీవుడ్‌లోనే ఎక్కువ సినిమాలు చేసేందుకు ఆసక్తి చూపుతున్నట్లు తెలుస్తోంది. టాలీవుడ్‌లో నటించడం కోసం మంచి కథను ఎంపిక చేసుకునే పనిలో ఉన్నట్లు కొన్ని రోజుల క్రితం మృణాల్ ఠాకూర్ చెప్పుకొచ్చింది. సోషల్‌ మీడియాలో ఈ అమ్మడు రెగ్యులర్‌గా ఫోటోలతో మెప్పిస్తూనే ఉంటుంది.
తాజాగా ఈమె సోషల్‌ మీడియాలో షేర్ చేసిన కలర్‌ఫుల్‌ ఫోటోలు వైరల్‌ అవుతున్నాయి. ఒక వివాహ వేడుకలో పాల్గొన్న సందర్భంగా తీసుకున్న ఫోటోలతో పాటు, పండుగ సెలబ్రేట్‌ చేసుకున్న ఫోటోలతో సాంప్రదాయబద్దంగా మృణాల్ ఠాకూర్ మెప్పించింది. సాధారణంగా స్కిన్‌ షో చేస్తేనే హీరోయిన్స్‌ ఫోటోలకు లైక్స్‌, షేర్స్‌ వస్తాయని అంటారు. కానీ ఈ అమ్మడు నిండైన ఔట్ ఫిట్‌లో కనిపించినా భలే అందంగా ఉంది అంటూ చాలా మంది ఫోటోలను లైక్‌ చేస్తూ షేర్ చేస్తూ ఉన్నారు. ప్రస్తుతం ఈ ఫోటోలు సోషల్‌ మీడియాలో తెగ వైరల్‌ అవుతున్నాయి.
రెడ్‌ డ్రెస్‌లో మృణాల్ ఠాకూర్ ను చూస్తూ ఉంటే చూడముచ్చటగా ఉందనే అభిప్రాయం వ్యక్తం అవుతోంది. అంతే కాకుండా సోషల్‌ మీడియాలో ఈమె గతంలో షేర్ చేసిన ఫోటోల కంటే ఎక్కువగా ప్రేక్షకుల నుంచి పాజిటివ్‌ రెస్పాన్స్‌ వచ్చింది. ఆ మధ్య మృణాల్ కాస్త బొద్దుగా కనిపించేదని, కానీ ఇప్పుడు చాలా సన్నగా, మరింత అందంగా కనిపిస్తున్నారు అంటూ కొందరు కామెంట్స్ చేస్తున్నారు. మొత్తానికి మృణాల్ ఠాకూర్ సోషల్‌ మీడియాలో ఈ కలర్‌ ఫుల్‌ ఫోటో షూట్స్ తో వైరల్‌ అయింది. ఇంత అందంగా ఉన్న మృణాల్ ఠాకూర్ టాలీవుడ్‌లో మరిన్ని సినిమాలు చేస్తే బాగుంటుంది కదా అనే అభిప్రాయం ను కొందరు వ్యక్తం చేస్తూ ఉంటే మరికొందరు ఈమె పాన్‌ ఇండియా హీరోయిన్‌ అంటూ కామెంట్స్ చేస్తున్నారు.