ఈడెన్ బర్గ్ లో మహాలక్ష్మి కాఫీ పార్టీ.. గుడ్ మూడ్ అంటూ..!

సీతారామం సినిమాతో తెలుగు ప్రేక్షకులకు ఫేవరెట్ హీరోయిన్ గా మారిన మృణాల్ ఠాకూర్ ఆ సినిమాలో సీతామహాలక్ష్మి అలియాస్ నూర్జహాన్ పాత్రలో అదరగొట్టేసింది. హను రాఘవపూడి తనకోసం ఇచ్చిన ఛాన్స్ ని పర్ఫెక్ట్ గా వాడుకున్న మృణాల్ ఆ సినిమాతో సూపర్ క్రేజ్ తెచ్చుకుంది. ఇక ఆ తర్వాత హాయ్ నాన్న సినిమాలో కూడా ఇంప్రెస్ చేసింది. నానితో కలిసి చేసిన హాయ్ నాన్న కూడా మృణాల్ ఖాతాలో హిట్ సినిమాగా నిలిచింది. ఐతే తర్వాత వచ్చిన ది ఫ్యామిలీ స్టార్ మాత్రం నిరాశ పరిచింది.

ఐతే సీతారామం సినిమా వచ్చి 2 ఏళ్లు అవుతున్న సందర్భంగా కాఫీ పార్టీ చేసుకుంది మృణాల్ ఠాకూర్. ప్రస్తుతం ఈడెన్ బర్గ్ లో ఉన్న అమ్మడు అక్కడ కాఫీ తాగిన ప్లేస్ లో ఫోటోలు దిగి తన సోషల్ మీడియాలో షేర్ చేసింది. ఓ పక్క సినిమాలతో ఎంత బిజీగా ఉన్నా సరే ఇలా ఖాళీ టైం లో జాలీ ట్రిప్ వేస్తుంది మృణాల్. సెట్స్ మీద ఆమె అందంగా కనిపించి నటనతో మెప్పించాలి అంటే షూటింగ్ గ్యాప్ లో ఇలాంటి విహార యాత్రలు ఉపయోగపడతాయని తెలుస్తుంది.

బాలీవుడ్ లో హీరోయిన్ గా సినిమాలు చేస్తున్నా అంతగా పాపులారిటీ తెచ్చుకుని అమ్మడు తెలుగులో రెండు సినిమాలతో పాన్ ఇండియా లెవెల్ లో క్రేజ్ సంపాదించింది. రాబోతున్న సినిమాలతో కూడా మృణాల్ తన టాలెంట్ తో మెప్పించాలని చూస్తుంది. ప్రస్తుతం బాలీవుడ్ లో ఒక సినిమా చేస్తున్న అమ్మడు తెలుగులో నెక్స్ట్ సినిమా సైన్ చేయలేదు. ఐతే సినిమా కథల విషయంలో తన అభిరుచికి తగినట్టుగా ఎంపిక చేసుకుంటున్న మృణాల్ ఆమెలోని గ్లామర్ సైడ్ ని చూపించాలని చూస్తుంది.

బాలీవుడ్ లో తనకు తగిన పాత్రలు రావడం లేదని ఆమధ్య ఒక ఇంటర్వ్యూలో చెప్పిన మృణాల్ సౌత్ లో మరీ ముఖ్యంగా టాలీవుడ్ లో వస్తున్న ఆఫర్లతో సాటిస్ఫైడ్ గా ఉంది. తప్పకుండా మృణాల్ ఇంకా ముందు ముందు ఛాలెంజింగ్ రోల్స్ తో మరింత సర్ ప్రైజ్ ఇవ్వాలని చూస్తుంది. మృణాల్ ఠాకూర్ ఒక మంచి నటిగా గుర్తింపు తెచ్చుకునేందుకు ప్రయత్నాలు చేస్తుంది. సినిమాలు సక్సెస్ అవ్వడంలో తన పాత కీలకంగా మారుతుండటం వల్ల అమ్మడు ఇప్పటికే తన యాక్టింగ్ టాలెంట్ ప్రూవ్ చేసుకుందని చెప్పొచ్చు.