మూడ‌వ మున్నాభాయ్ దిగేస్తున్నాడా?
కానీ అందుకు రంగం ఇప్పుడు సిద్ద‌మ‌వుతోంది. దానికి సంబంధించిన ఓ వీడియోని సోష‌ల్ మీడియాలో రిలీజ్ చేసారు.
బాలీవుడ్ న‌టుడు సంజ‌య్ ద‌త్ 'మున్నాభాయ్' ప్రాంచైజీ స‌క్సెస్ గురించి చెప్పాల్సిన ప‌నిలేదు. ఖ‌ల్న్ నాయ‌క్ కి కొత్త ఇమేజ్ ని తీసుకొచ్చిన ప్రాంచైజీ అది. బాలీవుడ్ కెరీర్ లో ఎన్ని విజ‌యాలు ఉన్నా మున్నాభ‌య్ మాత్రం ప్ర‌త్యేక‌మైన చిత్రం. 2003లో రిలీజ్ అయిన 'మున్నాభాయ్ ఎంబీ బీఎస్'..దానికి సీక్వెల్గా 2006లో రిలీజ్ అయిన 'ల‌గే ర‌హో మున్నాభాయ్' ఎంత పెద్ద విజ‌యం సాధించాయో తెలిసిందే.
అప్ప‌టి నుంచి థ‌ర్డ్ ఇన్ స్టాల్ మెంట్ ఎప్పుడంటూ అభిమానులు చాలాసార్లు అడిగారు. కానీ అందుకు రంగం ఇప్పుడు సిద్ద‌మ‌వుతోంది. దానికి సంబంధించిన ఓ వీడియోని సోష‌ల్ మీడియాలో రిలీజ్ చేసారు. ఆ వీడియోలో ద‌ర్శ‌కుడు రాజ్ కుమార్ హిరాణీతో మున్నాభాయ్ గెట‌ప్ లో సంజ‌య్ ద‌త్ క‌నిపించ‌డంతో అభిమానుల్లో ఆస‌క్తి మొద‌లైంది. మున్నాఈజ్ బ్యాక్ అంటూ సెట్లో హంగామా కనిపిస్తోంది. అర్షిద్ వార్సి త‌న స్టైలిష్ లుక్ లో మ‌ళ్లీ ఆక‌ట్టుకుంటున్నారు. దీంతో మూడ‌వ భాగం షురూ అయిన‌ట్లు తెలుస్తోంది. వాస్త‌వానికి ఇప్ప‌ట్లో థ‌ర్డ్ ఇన్ స్టాల్ మెంట్ క‌ష్ట‌మ‌ని గ‌తేడాది రాజ్ కుమార్ తెలిపారు.
'మున్నాభాయ్ 'లో సర్క్యూట్ పాత్ర చేసిన అర్షద్ వార్సీ గ‌త ఇంటర్వ్యూలో 'నాకు మున్నాభాయ్ ఎంబీబీఎస్'కు ముందు మూడు నాలుగేళ్లు సినిమాలు లేవు. ఆ సినిమా నా కెరీర్‌కు మళ్ళీ ప్రాణం పోసింది. మున్నాభాయ్ సిరీస్‌లో మళ్ళీ సినిమా ఎప్పుడు వస్తుంది? అన్న ప్రశ్నకు సమాధానం కోసం 16 ఏళ్లుగా వెయిట్ చేస్తున్నాం. నిజాయితీగా చెప్పాలంటే... మున్నాభాయ్‌లో మూడో పార్ట్ రాక‌పోవ‌చ్చు' అని చెప్పారు.
కానీ తాజా ప్ర‌క‌ట‌న‌తో అన్నింటిని ప‌క్క‌కు నెట్టి మూడ‌వ భాగాన్ని సిద్దం చేస్తున్న‌ట్లు తెలుస్తోంది. ప్ర‌స్తుతం రాజ్ కుమార్ హిరాణీ ఏ హీరోతోనూ సినిమా క‌మిట్ అవ్వ‌లేదు. కొంత మంది హీరోల‌తో ప్ర‌క‌టించిన‌ప్ప‌టికీ ఆ హీరోలంతా వేర్వేరు ప్రాజెక్ట్ ల‌తో బిజీగా ఉన్నారు. ఈ నేప‌థ్యంలో మున్నాభాయ్ -3పైనే దృష్టి పెట్టే అవ‌కాశం ఉంద‌ని తెలుస్తోంది.