చైతన్య బెస్ట్ పర్ఫార్మెన్స్ చూస్తారు

నాగ చైతన్య సాయి పల్లవి జంటగా చందు మొండేటి దర్శకత్వంలో తెరకెక్కుతున్న సినిమా తండేల్. గీతా ఆర్ట్స్ 2 బ్యానర్ లో బన్నీ వాసు నిర్మిస్తున్న ఈ సినిమాకు దేవి శ్రీ ప్రసాద్ మ్యూజిక్ అందిస్తున్నారు. ఫిబ్రవరి 7న రిలీజ్ అవుతున్న ఈ సినిమా ట్రైలర్ ని నేడు విశాఖపట్నంలో రిలీజ్ చేశారు. ఈ ట్రైలర్ రిలీజ్ ఈవెంట్ లో నిర్మాత అల్లు అరవింద్ ఎనర్జిటిక్ స్పీచ్ అక్కినేని ఫ్యాన్స్ ని అలరించింది.

అల్లు అరవింద్ మాట్లాడుతూ.. చైతు చైతు అని అరుస్తున్న అక్కినేని ఫ్యాన్స్ తో ఏడాదిన్నరగా తాను కూడా చైతు చైతు అంటున్నా అని సరదాగా అన్నారు. మేము చాలా కష్టపడి తండేల్ సినిమా తీశామన్న ఆయన తాము ఎంత కష్టపడినా మీరు ఆదరించే స్థాయిలోనే మా ఆనందం ఉంటుందని అన్నారు. ఈ సినిమా తప్పకుండా మీరు ఆదరిస్తారని నమ్మకం ఉందని అల్లు అరవింద్ అన్నారు.

చందు కథను చాలా గొప్పగా తెరకెక్కించాడు.. గుండెల్లో హావభావాలు వచ్చేలా చేశారు. మన ఫేవరెట్ డార్లింగ్ సాయి పల్లవి ఈ సినిమాలో అద్భుతంగా నటించింది. ఆమె కూడా ఇక్కడికి రావాల్సింది కానీ కుదరలేదని అన్నారు అల్లు అరవింద్. ఇక చైతన్య ఇప్పటివరకు ఏ సినిమాలో నటించని స్థాయిలో ఈ సినిమాలో నటించారని అన్నారు అల్లు అరవింద్. సినిమాలో అన్ని రసాలు పండించాడు. ఈ సినిమాలో చైతన్య బెస్ట్ పర్ఫార్మెన్స్ చూస్తారని అన్నారు అల్లు అరవింద్.

అంతేకాదు తండేల్ సినిమాకు దేవి శ్రీ ప్రసాద్ మ్యూజిక్ చించి అవతల వేశాడు. పాటలు బిజిఎం అన్ని అదరగొట్టారు. దేవి మ్యూజిక్ వల సినిమాకు చాలా ఎనర్జీ వచ్చిందని అన్నారు. ఇక చివరగా వైజాగ్ ప్రేక్షకులను ఉద్దేశిస్తూ ఇది శ్రీకాకుళంలో చిన్న ఊరిలో జరిగిన నిజమైన కథ. ఆ కథతో మేము సినిమ తీశాం. ఫిబ్రవరి 7న సినిమా చూసి మీరంతా ఆదరిస్తారని అన్నారు అల్లు అరవింద్.

తండేల్ సినిమా సాంగ్స్ తోనే సూపర్ బజ్ ఏర్పరచుకుంది. సినిమాకు ఏమాత్రం పాజిటివ్ టాక్ వచ్చిన నాగ చైతన్య కెరీర్ లో బ్లాక్ బస్టర్ పక్కా అనిపిస్తుంది. సినిమాకు అన్ని చోట్ల కూడా అదిరిపోయే బిజినెస్ జరిగినట్టు తెలుస్తుంది.