ఇండస్ట్రీలో సింపతీ కార్డు.. నాగవంశీ ఊహించని కౌంటర్

టాలీవుడ్‌ ఇండస్ట్రీలో గ్యాప్ లేకుండా సక్సెస్‌ఫుల్‌ చిత్రాలను నిర్మిస్తూ అగ్రశ్రేణి నిర్మాతలలో ఒకరైన సూర్యదేవర నాగవంశీ ప్రస్తుతం నందమూరి బాలకృష్ణ ప్రధాన పాత్రలో నటిస్తున్న డాకు మహారాజ్‌ చిత్రాన్ని నిర్మిస్తున్నారు. ఈ సినిమాకు సంబంధించిన టైటిల్ అనౌన్స్‌మెంట్ టీజర్ ఇటీవలే విడుదల కాగా, 

నాగవంశీ ఇటీవల కాలంలో హాట్ టాపిక్ గా నిలిచేలా కొన్ని విషయాలపై స్ట్రాంగ్ గా రియాక్ట్ అవుతున్నారు. ఇక లేటెస్ట్ గా మరికొన్ని కామెంట్స్ ద్వారా ఆయన వ్యక్తిగతంగా ఎదుర్కొంటున్న కొన్ని ఆసక్తికర సవాళ్లను సరదాగా షేర్ చేసుకున్నారు. తాజాగా ఈవెంట్‌లో పాల్గొన్న ఒక రిపోర్టర్, ‘‘మీ సినిమాలు విడుదల అవుతున్నప్పుడు మీకు పోటీగా ఉన్న వారు సింపతి కార్డు వినియోగిస్తున్నారు’’ అంటూ వ్యాఖ్యానించాడు.

దీనికి స్పందించిన నాగవంశీ, ‘‘నిజమే.. ప్రస్తుతం పోటీగా విడుదల అవుతున్న చిత్రాలు కంటెంట్ కంటే సింపతి పైనే ఎక్కువగా ఆధారపడి విజయం సాధిస్తున్నాయేమో అని మీరు అంటున్నారా ? డాకు మహారాజ్‌ కూడా సింపతి కార్డు ప్లే చేయాలంటూ నవ్వుతూ ప్రతిస్పందించారు. అలాగే, ‘‘నేను చేసిన చిత్రాలు విడుదల అవుతున్న సమయంలోనే ఇతర నిర్మాతలు తమ కష్టాలను వెల్లడించడం వెనుక కారణమేంటో అర్థం కాదు.

నా సినిమాలు ఎప్పుడూ కంటెంట్ పై ఆధారపడి ఉంటాయి. ఇకపై మేమూ సింపతి కోసం పోటీ పడతామంటూ చమత్కరించారు నాగవంశీ. డాకు మహారాజ్‌ టీజర్‌ ఇప్పటికే ప్రేక్షకులలో భారీ క్రేజ్ తెచ్చుకుంటుండగా, నాగవంశీ చేసిన ఈ కామెంట్స్ కూడా ప్రేక్షకులను ఆకట్టుకున్నాయి.

అలాగే సినిమాకు సంగీతం ప్రధాన ఆకర్షణగా నిలవబోతున్నట్లు చెప్పారు. అయితే దర్శకుడు బాబీ గత సినిమాలకు ఎక్కువగా దేవిశ్రీప్రసాద్ సంగీతం అందించారు. అయితే ఈసారి థమన్ ను సెలెక్ట్ చేసుకోవడానికి గల కారణం ఏమిటని మరో ప్రశ్న ఎదురైంది. ఇక వెంటనే బాబీ డిఫరెంట్ డిఫరెంట్ హీరోలతో నేను వర్క్ చేశాను. అలాగే ఇప్పుడు థమన్ తో వర్క్ చేస్తున్నాను అన్నారు. ఇక థమన్ ఎంపిక అనేది నాదే అంటూ నగవంశీ మరో సమాధానం ఇచ్చారు.