విరాట్ కర్ణా 'నాగబంధం'.. మెగా ఆరంభం!

సినిమా పరిశ్రమలో టాలెంట్ ఉన్న నటీనటులకు తనదైన శైలిలో సపోర్ట్ చేసేవారిలో మెగాస్టార్ చిరంజీవి ఒకరు. ఇప్పుడు ‘నాగబంధం’ అనే పాన్ ఇండియా చిత్రాన్నీ తన చేతుల మీదుగా ప్రారంభించారు. విరాట్ కర్ణా హీరోగా నటిస్తున్న ఈ చిత్రం, అభిషేక్ నామా దర్శకత్వంలో తెరకెక్కుతోంది. ఈ ప్రాజెక్ట్ పాన్ ఇండియా స్థాయిలో అద్భుతమైన విజువల్స్ తో రూపుదిద్దుకోబోతుంది.

నాగబంధం చిత్రానికి ‘ది సీక్రెట్ ట్రెజర్’ అనే ట్యాగ్ లైన్ కూడా ఉంది. అభిషేక్ నామా మొదటిసారి ‘డెవిల్: ది బ్రిటిష్ సీక్రెట్ ఏజెంట్’ చిత్రంతో దర్శకుడిగా మంచి పేరు తెచ్చుకున్నారు. ఇప్పుడు ఆయన ఈ సినిమా ద్వారా మరింత మరో లెవెల్లో తన ప్రతిభను చూపించేందుకు సిద్ధమవుతున్నారు. ఈ చిత్రాన్ని నిక్ స్టూడియోస్, అభిషేక్ పిక్చర్స్, మరియు తారక్ సినిమాస్ సంయుక్తంగా నిర్మిస్తున్నాయి.

నేడ సినిమాకు సంబంధించిన ఘనమైన ముహూర్తం కార్యక్రమం జరిగింది, ఇందులో మెగాస్టార్ చిరంజీవి ముఖ్య అతిధిగా విచ్చేశారు. ఈ సందర్భంలో ముహూర్తం క్లాప్ కొట్టారు, అలాగే తలసాని శ్రీనివాస్ యాదవ్ కెమెరా స్విచ్ ఆన్ చేయగా మొదటి షాట్ కు అజయ్ భూపతీ దర్శకత్వం వహించారు. చిత్రానికి సంబంధించిన స్క్రిప్ట్ ను ఏషియన్ సునీల్ అందించారు. నాగబంధం కథలో 108 విష్ణు దేవాలయాలతో సంబంధం ఉన్న నాగబంధాన్ని పునఃప్రతిపాదించడానికి ప్రయత్నిస్తున్నారు.

ఈ చిత్రంలో వినూత్నమైన సాంప్రదాయ మరియు ఆధ్యాత్మిక అంశాలను చూపించనున్నారట. ఈ నేపథ్యంలో, తిరువనంతపురంలో ఉన్న పద్మనాభస్వామి దేవాలయం మరియు పూరి జగన్నాథ్ ఆలయంలో దొరికిన రత్న భండారం లాంటి సీక్రెట్ ట్రెజర్ అంశాలను కూడా సినిమాలో హైలెట్ చేయనున్నట్లు మేకర్స్ తెలిపారు. విరాట్ కర్ణా ఈ చిత్రంలో ప్రధాన పాత్ర పోషిస్తున్నాడు.

అతను ఇదివరకే ‘పెదకాపు’ చిత్రంతో మంచి గుర్తింపు తెచ్చుకున్నాడు. ఈ చిత్రంలో నభా నాటేష్ మరియు ఐశ్వర్య మెనన్ కథానాయికలుగా నటిస్తుండగా, జగపతిబాబు, జయప్రకాశ్, మురళీ శర్మ మరియు బి.ఎస్. అవినాష్ ఇతర కీలక పాత్రలు పోషిస్తున్నారు. అభిషేక్ నామా రచించిన ఈ కథ, ప్రేక్షకులను ఆధ్యాత్మిక, యాదృచ్ఛిక మరియు అడ్వెంచర్ అంశాలతో అలరించేలా ఉంటుందట.

ఈ చిత్రంలో ఉండబోయే గ్రాండ్ విజువల్స్ తో పాటు అద్భుతమైన నిర్మాణ విలువలు ప్రేక్షకులను ఆకట్టుకోనున్నాయట. సౌందర్ రాజన్ ఎస్ చిత్రానికి కెమెరామెన్ గా వర్క్ చేస్తుండగా, అభే సంగీతం అందిస్తున్నాడు. ఇక కల్యాన్ చక్రవర్తి డైలాగ్స్ రాస్తున్నారు, సంతోష్ కామిరెడ్డి ఎడిటర్ గా పనిచేచేస్తుండగా అశోక్ కుమార్ ప్రొడక్షన్ డిజైనర్ గా ఉన్నారు. ‘నాగబంధం’ 2025లో తెలుగులో, హిందీలో, తమిళంలో, కన్నడ, మలయాళంలో ఒకేసారి విడుదల కానుంది. ఈ సినిమా రెగ్యులర్ షూటింగ్ అక్టోబర్ 23 నుండి ప్రారంభం కానుంది.