పిక్ టాక్ : టాలీవుడ్ కింగ్‌ సూపర్ స్టైలిష్
ముఖ్యంగా లేడీ ఫాలోయింగ్ విపరీతంగా ఉండే నాగార్జున ప్రస్తుతం కుబేరా తో పాటు రజినీకాంత్ సినిమాలోనూ నటిస్తున్నాడు.
టాలీవుడ్ సీనియర్ స్టార్‌ హీరోల్లో నాగార్జున ఒకరు. ఇండస్ట్రీలో సుదీర్ఘ కాలంగా కొనసాగుతున్న హీరోల్లో నాగ్ ఒకరు అనే విషయం ప్రత్యేకంగా చెప్పనక్కర్లేదు. ఆయన ఇద్దరు కొడుకులు హీరోలుగా వరుసగా సినిమాలు చేస్తున్నారు. ఇలాంటి సమయంలోనూ నాగార్జున యంగ్‌ హీరోలకు పోటీగా సినిమాలు చేస్తూ ఉన్నారు. ఈ మధ్య కాలంలో ఆయన చేసిన సినిమాలు బాక్సాఫీస్ వద్ద నిరాశ పరిచిన క్రేజ్ మాత్రం తగ్గలేదు. ఆయన అంటే పడిచచ్చే వారు చాలా మందే ఉంటారు. ముఖ్యంగా లేడీ ఫాలోయింగ్ విపరీతంగా ఉండే నాగార్జున ప్రస్తుతం కుబేరా తో పాటు రజినీకాంత్ సినిమాలోనూ నటిస్తున్నాడు.
నాగార్జున హీరోగా నటించే సినిమాల కోసం ఫ్యాన్స్, ప్రేక్షకులు ఎంతో ఆసక్తిగా ఎదురు చూస్తున్నారు. ఇతర హీరోల సినిమాల్లో నటిస్తున్న నాగార్జున ఎప్పుడెప్పుడు సోలో హీరోగా సినిమా చేస్తాడా అంటూ ఫ్యాన్స్ ఆసక్తిగా ఎదురు చూస్తున్న సమయంలో ఆయన నుంచి వచ్చిన ఈ ఫోటోలు సోషల్ మీడియాలో అందరి దృష్టిని ఆకర్షిస్తున్నాయి. కొడుకులు చైతూ, అఖిల్ కి ఏమాత్రం తగ్గకుండా చాలా హ్యాండ్సమ్‌ గా ఈ ఫోటోల్లో కనిపిస్తున్నాడు అంటూ నాగార్జున తాజా లుక్ పై ఫ్యాన్స్ తో పాటు ప్రతి ఒక్కరు కామెంట్స్ చేస్తున్నారు.
సుదీర్ఘ కాలంగా ఒక జోనర్ సినిమాలు చేయడం ద్వారా విమర్శలు ఎదుర్కొంటున్న నాగార్జున ఇక మీదట వరుసగా సినిమాలు చేయాలని, అది కూడా విభిన్నమైన కాన్సెప్ట్‌ లతో సినిమాలు చేయాలని ఆశ పడుతున్నాడు. అందుకు తగ్గట్లుగానే కథలు ఎంపిక చేసుకునే పనిలో ఉన్నాడు. ఈ మధ్య కాలంలో ఎక్కువ కథలు వింటున్న నాగార్జున వయసుకు తగ్గ పాత్రలు చేయాలని భావిస్తున్నాడట. అందుకే నాగార్జున సినిమాలు ఎక్కువ రావడం లేదని తెలుస్తోంది. త్వరలోనే నాగ్ హీరోగా సినిమా చేయాలని ఫ్యాన్స్ కోరుకుంటున్నారు.
ధనుష్ హీరోగా రష్మిక మందన్న హీరోయిన్‌ గా శేఖర్ కమ్ముల దర్శకత్వంలో రూపొందుతున్న కుబేర సినిమాలో నాగార్జున కీలక పాత్రలో కనిపించబోతున్నాడు. అలాగే రజినీకాంత్ హీరోగా లోకేష్ కనగరాజ్ దర్శకత్వంలో రూపొందుతున్న భారీ చిత్రంలోనూ శేఖర్ కమ్ముల కీలక పాత్రలో కనిపించబోతున్నాడు. ఈ రెండు సినిమాల ఫలితాలను బట్టి నాగార్జున భవిష్యత్తు ప్లాన్ ఉంటుందనే వార్తలు వస్తున్నాయి. ఆ విషయమై క్లారిటీ రావాల్సి ఉంది. నాగార్జున తాజా ఛార్మింగ్ లుక్ కి ఫ్యాన్స్ తో పాటు ప్రతి ఒక్కరు ఫిదా అవుతున్నారు. ఇదే లుక్ తో సినిమా ల్లో కనిపించాలని ఫ్యాన్స్ ఆశిస్తున్నారు. వచ్చే ఏడాది లో నాగ్ హీరోగా సినిమా వస్తుందా అనేది చూడాలి.