నాని-శ్రీకాంత్.. కథకు తగ్గట్లే లోకల్ టైటిల్

నేచురల్ స్టార్ నాని హీరోగా వచ్చిన ‘దసరా’ మూవీతో శ్రీకాంత్ ఓదేల దర్శకుడిగా పరిచయం అయ్యాడు. పీరియాడిక్ యాక్షన్ బ్యాక్ డ్రాప్ కథతో వచ్చిన ఈ మూవీతో బ్లాక్ బస్టర్ సక్సెస్ అందుకున్నాడు. నాని కెరియర్ లోనే ఎక్కువ కలెక్షన్స్ ఈ సినిమాకి వచ్చాయి. ‘దసరా’ మూవీతో నాని మార్కెట్ కూడా అమాంతం పెరిగింది. ఈ మూవీ తర్వాత నాని ‘హాయ్ నాన్న’, ‘సరిపోదా శనివారం’ సినిమాలతో రెండు సూపర్ హిట్స్ సొంతం చేసుకున్నాడు.

ప్రస్తుతం నాని శైలేష్ కొలను దర్శకత్వంలో హిట్ 3 మూవీ చేస్తున్నాడు. ఈ సినిమా షూటింగ్ దశలో ఉంది. దీని తర్వాత మరో సారి శ్రీకాంత్ ఓదేల దర్శకత్వంలోనే నాని మూవీ చేయడానికి గ్రీన్ సిగ్నల్ ఇచ్చిన సంగతి తెలిసిందే. 2025లో ఈ మూవీ షూటింగ్ మొదలు కాబోతోంది. ప్రస్తుతం శ్రీకాంత్ ఈ మూవీ ప్రీప్రొడక్షన్ వర్క్ లో ఉన్నారు. ఇదిలా ఉంటే ఈ సినిమాకి ‘ప్యారడైజ్’ అనే పేరుని కన్ఫర్మ్ చేసినట్లు టాక్ వినిపిస్తోంది.

సికింద్రాబాద్ బ్యాక్ డ్రాప్ లోనే ఈ సినిమా ఉండనున్నట్లు టాక్ వస్తోంది. ఇక ప్యారడైజ్ గురించి అందరికి తెలిసిందే. బహుశా ఆ సర్కిల్ లో సినిమా ఉంటుందేమో అనే అనుమానాలు వస్తున్నాయి. మూవీ కథకి ఈ టైటిల్ అయితే కరెక్ట్ గా సరైపోతుందని అనుకుంటున్నారంట. ‘దసరా’ కంటే ఎక్కువ వైలెంట్ గా ఈ మూవీ కథాంశం ఉంటుందని ప్రచారం జరుగుతోంది. హింసాత్మక సన్నివేశాలు కథలో భాగంగా ఉంటాయని సమాచారం. అందుకే నాని సైతం ఈ సినిమాని చిన్న పిల్లలకి చూపించొద్దు అంటూ గతంలో ‘సరిపోదా శనివారం’ మూవీ ప్రెస్ మీట్ మీట్ లో చెప్పాడు.

ఈ సినిమా 1980 బ్యాక్ డ్రాప్ లో ఒక ఫిక్షనల్ వరల్డ్ లో జరిగే కథగా ఉంటుందంట. సినిమాలో డైలాగ్స్ కూడా చాలా బోల్డ్ గా ఉంటాయనే మాట వినిపిస్తోంది. మాఫియా బ్యాక్ డ్రాప్ లో ఈ మూవీ కథాంశం ఉంటుందనే అనుకుంటున్నారు. ‘హిట్ 3’ సినిమాలో పోలీస్ ఆఫీసర్ గా నాని కనిపించబోతున్నాడు. శ్రీకాంత్ ఓదేలతో చేసే సినిమాలో దానికి పూర్తి విరుద్ధమైన పాత్రలో నటిస్తాడని అనుకుంటున్నారు.

ఈ సినిమాలో హీరోయిన్ గా బాలీవుడ్ బ్యూటీని తీసుకోవాలని శ్రీకాంత్ అనుకుంటున్నారు. ప్రస్తుతం క్యాస్టింగ్ ని ఫైనల్ చేసే పనిలో ఉన్నారు. అనిరుద్ రవిచందర్ ఈ చిత్రానికి సంగీతం అందించనున్నాడు. ‘దసరా’ తో నాని కెరియర్ లో బిగ్గెస్ట్ బ్లాక్ బస్టర్ ఇచ్చిన శ్రీకాంత్ ఇప్పుడు ‘ప్యారడైజ్’ సినిమాతో ఎలాంటి హిట్ ఇస్తాడనేది వేచి చూడాలి.