నాని ఆలా చెబుతున్నాడు అంటే!

న్యాచురల్ స్టార్ నాని కెరీర్ ఇప్పుడు పీక్స్ లో ఉందని చెప్పొచ్చు. స్టార్ హీరోలంతా కూడా పాన్ ఇండియా సినిమాలతో హిట్లు సూపర్ హిట్లు కొడుతుంటే నాని ఎంచక్కా తన మార్క్ సినిమాలు చేస్తూ సత్తా చాటుతున్నాడు. లాస్ట్ ఇయర్ దసరా సినిమాతో తనలోని మాస్ యాంగిల్ చూపించి వావ్ అనిపించేశాడు నాని. క్లాస్ హీరో మాస్ సినిమా చేస్తే దాని రిజల్ట్ ఎలా ఉంటుందో దసరా చూస్తే అర్ధమవుతుంది. అందుకే నాని దసరా సినిమాలోని యాక్టింగ్ కి ఈ ఇయర్ ఫిల్మ్ ఫేర్ అవార్డ్ అందుకున్నాడు.

తను అందుకోవడమే కాదు బెస్ట్ డిబట్ డైరెక్టర్ గా తను చేసిన ఇద్దరు దర్శకులకు అవార్డ్ వచ్చేలా చేశాడు నాని. దసరా సినిమాను డైరెక్ట్ చేసిన శ్రీకాంత్ ఓదెల, హాయ్ నాన్న సినిమాను డైరెక్ట్ చేసిన శౌర్యువ్ లకు అవార్డులను అందిస్తూ ఒక హీరోగా చాలా గర్వంగా ఫీల్ అయ్యాడు నాని. తన ద్వారా పరిచయం చేయబడిన ఇద్దరు దర్శకులకు అవార్డ్ వస్తే దానికి మించిన సంతోషం ఏముంటుంది.

ఐతే ఈ క్రమంలో శ్రీకాంత్ ఓదెల సినిమా గురించి మరో అదిరిపోయే న్యూస్ చెప్పాడు నాని. శ్రీకాంత్ ను వెనక్కి తిప్పి చూపించి శ్రీకాంత్ వెనకాల ఉన్న కాకిని చూడండి నెక్స్ట్ ఇయర్ ఆ కాకి అవార్డులన్న్ని ఎత్తుకెళ్లిపోతుంది అని అన్నాడు. చేస్తున్న సినిమా మీద కాన్ఫిడెన్స్ ఏ రేంజ్ లో ఉంటే నాని ఆ స్టేట్మెంట్ ఇస్తాడో అర్థం చేసుకోవచ్చు. దసరా తో 100 కోట్లు మార్క్ టచ్ చేసిన నాని అదే కాంబోలో ఈసారి అంతకుమించి అనిపించే సినిమా చేయబోతున్నాడని తెలుస్తుంది.

ఐతే కాకిని చూపిస్తూ శ్రీకాంత్ సినిమా గురించి హైప్ పెంచేశాడు నాని. మామూలుగానే నాని సినిమాల సెలక్షన్స్ పై స్పెషల్ క్రేజ్ ఉంటుంది. నాని మరీ ఇంత కాన్ఫిడెంట్ గా చెబుతున్నాడు అంటే మరోసారి బాక్సాఫీస్ షేక్ అవ్వడం పక్కా అనిపిస్తుంది. ఈ తరం హీరోల్లో ఎలాంటి సినిమా నేపథ్యం లేకుండా వచ్చి సత్తా చాటుతున్న నాని ఎంతోమంది కొత్త వారికి స్పూర్తిగా నిలుస్తున్నాడు. నాని ప్రస్తుతం సరిపోదా శనివారం సినిమా చేస్తున్నాడు. వివేక్ ఆత్రేయ డైరెక్షన్ లో వస్తున్న ఈ సినిమా ఈ నెల 29న రిలీజ్ అవుతుంది. సరిపోదా శనివారం రిలీజ్ కాగానే తక్కువ టైం లోనే శ్రీకాంత్ సినిమా సెట్స్ మీదకు తీసుకెళ్తారని తెలుస్తుంది. సినిమాను నెక్స్ట్ ఇయర్ సమ్మర్ లేదా సెకండ్ హాఫ్ లో రిలీజ్ చేసే ప్లాన్ ఉందని తెలుస్తుంది.