స్ట్రెచ‌ర్ సాయం లేకుండా సింహంలా న‌డిచొచ్చాడు

ఇటీవల జరిగిన మీడియా సమావేశంలో, ముంబైలోని లీలావతి హాస్పిటల్ వైద్యులు సైఫ్ అలీ ఖాన్ ఆసుపత్రిలోకి ప్రవేశించినప్పుడు ఆయనను చూసినప్పుడు అత‌డి ప్ర‌వ‌ర్త‌న‌లో వింతైన విష‌యం గురించి వివరించారు. అత‌డు తీవ్ర గాయాల‌తో ఆస్ప‌త్రికి వ‌చ్చాడు. చాలా ధైర్యంగా ప్ర‌వర్తించాడు. తన చిన్న బిడ్డతో చాలా గాయాలతో ఆసుపత్రికి నడిచాడు.. అని వైద్యుడు తెలిపారు. మీరు ఆటోరిక్షాలో వచ్చారా? అని అడిగినప్పుడు, సైఫ్ స్ట్రెచర్ సహాయం లేకుండా ఆసుపత్రికి నడుచుకుంటూ వెళ్లడం తాను స్వయంగా చూశానని డాక్టర్ అన్నారు.

గురువారం తెల్లవారుజామున ముంబైలోని లీలావతి ఆసుపత్రిలో చేరాడు సైఫ్‌. త‌న బాంద్రా ఇంట్లో దొంగతనానికి ప్ర‌య‌త్నించిన దుండ‌గుడి దాడిలో సైఫ్ అలీ ఖాన్ కు ఆరు కత్తిపోట్లు తగిలాయ‌ని వైద్యులు ధృవీక‌రించారు. శుక్రవారం వైద్యులు ఒక అధికారిక ప్రకటనలో 7 ఏళ్ల బాలుడైన‌ సైఫ్ కుమారుడు తైమూర్ అలీ ఖాన్ మాత్ర‌మే అత‌డితో పాటు ఆసుపత్రికి వచ్చాడు. అయితే ఇంత‌కుముందు పెద్ద కుమారుడు ఇబ్రహీం అలీ ఖాన్ సైఫ్ ని ఆటోలో తీసుకువ‌చ్చాడ‌ని త‌ప్పుడు క‌థ‌నాలొచ్చాయి.

సైఫ్ ఈరోజు చాలావ‌ర‌కూ కోలుకుని ఆస్ప‌త్రి ప‌రిస‌రాల్లో నడిచాడని వైద్యులు బ్రీఫింగ్ ఇచ్చిన‌ సందర్భంగా మీడియాకు ప‌లు ఆస‌క్తిక‌ర విష‌యాల‌ను తెలిపారు. లీలావతి ఆసుపత్రి చీఫ్ ఆపరేటింగ్ ఆఫీసర్ నీరాజ్ ఉత్తమని మాట్లాడుతూ- ``సైఫ్ అలీ ఖాన్ ఆసుపత్రికి వచ్చినప్పుడు మొదటగా నేనే కలిశాను. ఆయన రక్తంతో తడిసిపోయి ఉన్నారు.. కానీ ఆయన తన చిన్న బిడ్డ తైమూర్ తో సింహంలా లోపలికి నడిచారు. సైఫ్ అలీ ఖాన్ నిజమైన హీరో. ఆయన బాగానే ఉన్నారు. ఆయనను ఐసీయూ నుండి సాధారణ గదికి తరలించారు`` అని తెలిపారు. సైఫ్ గదిలోకి సందర్శకుల ప్రవేశాన్ని నిషేధించామని వైద్యులు మీడియాకు తెలియజేశారు. ఎందుకంటే అతనికి ఎటువంటి ఇన్ఫెక్షన్ రాకూడదని భావించిన‌ట్టు తెలిపారు.

ముంబైలోని బాంద్రా ప్రాంతంలోని సత్గురు శరణ్ భవనంలో సంఘటన జరిగి 35 గంటలకు పైగా గడిచినప్పటికీ దాడి చేసిన వ్యక్తి కోసం పోలీసులు వెతుకుతూనే ఉన్నారు. మొత్తం ఏడు బృందాలు గాలిస్తున్న‌ట్టు ఈ రోజు ఉద‌యం వార్త‌లు వ‌చ్చాయి. తాజా స‌మాచారం మేర‌కు దుండ‌గుడిని పట్టుకోవడానికి ముంబై పోలీసులు 35 బృందాలను ఏర్పాటు చేశారని తెలుస్తోంది.