పాన్ ఇండియా సినిమా నితిన్ కి రాసిపెట్టి లేదా?

టాలీవుడ్ లో ఇప్పుడే హీరోని క‌దిపినా పాన్ ఇండియా సినిమా అంటున్నాడు. రీజ‌న‌ల్ సినిమా అనే మాట రావ‌డం లేదు. క‌టౌట్ తో ప‌నిలేకుండా స‌రైన కంటెంట్ ఉంటే? చాలు పాన్ ఇండియా మార్కెట్ ని షేక్ చేయోచ్చు అన్న ధీమా క‌నిపిస్తుంది. తేజ స‌జ్జా `హ‌నుమాన్` తో అలాంటి పాన్ ఇండియా స‌క్సెస్ చూసిన సంగ‌తి తెలిసిందే. అంత‌కు ముందు యంగ్ హీరో నిఖిల్ కూడా `కార్తికేయ‌-2`తో పాన్ ఇండియా విజ‌యం అందుకున్నాడు.

`కాంతార` తో రిష‌బ్ శెట్టి అలా ఫేమ‌స్ అయ్యాడు. ఇంకా కొత్త కొత్త హీరోలు కూడా పాన్ ఇండియా సినిమా అనే అంటున్నారు. కానీ యూత్ స్టార్ నితిన్ నోట మాత్రం ఆ మాట రావ‌డం లేదు ఇంకా. ప్ర‌స్తుతం ఆయ‌న హీరోగా `రాబిన్ హుడ్` చిత్రం తెర‌కెక్కుతోన్న సంగ‌తి తెలిసిందే. త్వ‌ర‌లో ప్రేక్ష‌కుల ముందుకు రానుంది ఈ చిత్రం. ప్ర‌చారంలో భాగంగా మీరు ఇంకా పాన్ ఇండియా సినిమా చేయ‌లేదేం? అని అడ‌గ్గా నితిన్ నీర‌సంగా స‌మాధానం చెప్పాడు.

ఇంకా రాసి పెట్టి లేదు అని స్వ‌యంగా తానే సిగ్న‌ల్ ఇచ్చి స‌మాధానం ఇచ్చాడు. స‌రైన క‌థ, ద‌ర్శ‌కుడు, బ‌డ్జెట్ అన్ని కుద‌రాలి. అప్పుడే అలాంటి సినిమా సాధ్య‌మ‌వుతుంది. అంత‌వ‌ర‌కూ రీజ‌న‌ల్ సినిమాలు చేయ‌డం అన్న‌ట్లే స్పందించాడు. నితిన్ కి చాలా కాలంగా స‌రైన స‌క్సెస్ లేదు. చేసిన ప్ర‌య‌త్నాలేవి ఫ‌లించ‌డం లేదు. అందుకే గ‌తంలో` భీష్మ‌`తో హిట్ ఇచ్చిన వెంకీ కుడుమ‌ల‌నే మ‌రోసారి ద‌ర్శ‌కుడిగా తీసుకుని రాబిన్ హుడ్ చేసాడు.

ఇక నితిన్ బ్యాక్ గ్రౌండ్ గురించి చెప్పాల్సిన ప‌నిలేదు. సొంతంగా బ్యాన‌ర్ ఉంది. అత‌డు తండ్రి పెద్ద నిర్మాత కం డిస్ట్రిబ్యూట‌ర్. దిల్ రాజు కు ద‌గ్గ‌ర బంధువు. నితిన్ హీరోగా ప‌రిచ‌యం చేసింది కూడా రాజుగారు అన్న సంగ‌తి తెలిసిందే. వీట‌న్నింటిని మించి ప‌వ‌న్ క‌ళ్యాణ్ విరాభిమానిగా, విధేయుడిగా నితిన్ కి బోలెడంత ఫాలోయింగ్ ఉంది. `రాబిన్ హుడ్` ప్రీ రిలీజ్ ఈవెంట్ కి ప‌వ‌న్ క‌ళ్యాణ్ ని అతిధిగా పిలుస్తాన‌ని కూడా రివీల్ చేసారు.