హిట్ సినిమాకి ఇక్క‌డ ఇదేం ప‌రిస్థితి?
తాజాగా ఈ సినిమా నేడు తెలుగులోనూ రిలీజ్ అయింది. అయితే ఇక్క‌డ ప్ర‌మోష‌న్ పెద్ద‌గా చేయ‌లేద‌నే విమర్శ వినిపిస్తుంది.
కన్నడ సూపర్ స్టార్ శివ రాజ్ కుమార్ న‌టించిన `భైరతి రణగల్` ఇటీవ‌ల క‌న్న‌డ‌లో రిలీజ్ అయి మంచి విజ‌యం సాధించింది. నార్త‌న్ ద‌ర్శ‌క‌త్వం వ‌హించిన యాక్షన్ ప్యాక్డ్ ఎంట‌ర్ టైన‌ర్ కి కన్నడ ప్రేక్ష‌కులు ఫిదా అయ్యారు. ఇటీవ‌లే తెలుగులో రిలీజ్ అయిన ట్రైల‌ర్ కి మంచి రెస్పాన్స్ వ‌చ్చింది. నేచుర‌ల్ స్టార్ నాని ట్రైల‌ర్ రిలీజ్ చేసాడు. డైలాగుల‌కు, యాక్షన్ స‌న్నివేశాలు మాస్ కి బాగా క‌నెక్ట్ అయ్యాయి. తాజాగా ఈ సినిమా తెలుగు, త‌మిళ్ లో రిలీజ్ అయింది.
కోలీవుడ్ లో పెద్ద ఎత్తున ప్ర‌చారం చేసి రిలీజ్ చేయ‌డంతో ప్రేక్ష‌కుల‌కు రీచ్ అయింది. సినిమాకి అక్క‌డ బుకింగ్స్ బాగున్నాయి. తాజాగా ఈ సినిమా నేడు తెలుగులోనూ రిలీజ్ అయింది. అయితే ఇక్క‌డ ప్ర‌మోష‌న్ పెద్ద‌గా చేయ‌లేద‌నే విమర్శ వినిపిస్తుంది. దీంతో సినిమా ప్రేక్ష‌కుల‌కు రీచ్ అవ్వ‌లేద‌నే టాక్ వినిపిస్తుంది.
పెద్ద ఎత్తున ప్ర‌చారం చేసి రిలీజ్ చేసి ఉంటే బాగుండేది అనే మాట వినిపిస్తుంది. రిలీజ్ అయిన విషయమే చాలా మంది ఆడియ‌న్స్ కి తెలియ‌లేదు అనే టాక్ వినిపిస్తుంది. ఈ చిత్రాన్ని మాతృక‌లో గీతా పిక్చర్స్ బ్యానర్ పై గీతా శివరాజ్ కుమార్ నిర్మించారు. 2017లో సూపర్ హిట్ చిత్రంగా నిలిచిన మ‌ప్టీకి ప్రీక్వెల్‌గా ఈ చిత్రం రూపొందింది.
మ‌ప్టీ అప్ప‌ట్లో భారీ విజ‌యం సాధించిన సంగ‌తి తెలిసిందే. దీంతో నార్త‌న్ ప్రీక్వెల్ గా భైరతి ర‌గ‌ణ‌ల్ ని బ‌రిలోకి దించారు. ఈ చిత్రానికి ర‌వి బ‌స్రూర్ సంగీతం అందించారు. మ‌రోసారి త‌న‌దైన మార్క్ ఆర్ ఆర్ తో ప్రేక్ష‌కుల్ని క‌ట్టిప‌డేసిన‌ట్లు వినిపిస్తుంది. ఇందులో రుక్మిణి వసంత్, రాహుల్ బోస్, అవినాష్, దేవరాజ్ కీలక పాత్రల్లో న‌టించారు. ఏపీ, తెలంగాణ రాష్ట్రాల్లో ఈ చిత్రాన్ని మైరా క్రియేషన్స్ రిలీజ్ చేసింది.